Jeremi 23:20 - Bible azumeina

²⁰ Ma didina mba mi i avogovok kayî mama gak mi ndak vun ahle suma mam ngazi kuruma pet. Kur bur ma dabid’a agi mba wazi ad’uzi tetet.

Jeremi 23:20 Kruisverwysings

Ad’u Tinda 49:1

Jakob mi yï grom suma andjofâ gevemu, mi dazi ala: Agi togogïya! An dagi yam ahle suma a mba mba kagi ndjivina.

1 Amuleina 8:47

le azi djib’er wa kuruzi yam andaga d’a a izi magomba kuad’a, le a tcheneng wa ala: Ami tchilami yam zla manga, ami lami tchod’a, ami lami ni sun nda ata yat tuo d’a,

2 Amuleina 23:26

Hina pet pî, Ma didina hurum mi zal ngola heî yam suma Juda-na, mi vat nga hurum mbei d’i, kayam ahle suma pet suma amulâ Manase mi lazina a zalam hurum ngola heî.

2 Amuleina 23:27

Ma didina mi dala: An mba ni dik suma Juda-na woi avoron d’igi an dik Israel-lâ woi avoron na mi. An mba ni ge Jerusalem azì ma an manama ki gong nga ngol la an djin vunan kat ala: Ni kua ba, an mba ni tak simiyên ndeyo d’a woyo.

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Isai 14:24

Ma didin ma ad’engêm kal petna mi gun tam ala: Gagazi, vama an djib’erem kuruna mba mi le hina, vama an nga hurun kama mba mi le hina mi.

Isai 55:11

Hina mi, zla d’a ndavunanda ti nga d’i hulongî atan bei ti le va d’i, ti nga d’i ba bei ndak vun min manda d’oze ti oî vun vama an sunut kama d’uo mi.

Jeremi 30:24

Ma didina nga mi i avogovok kayî mam ma bibiliuna á ndak vun ahlena pet suma mam nga hurum kazina. Bur tu agi mba wagi ad’ud’a woi tetet.

Jeremi 4:28

Kayam ndata, ambasa ti nga kur yor tad’a, akulod’a ti mbut nduvunda mi, kayam an dala: An nga hurun yam zla ndata da’, an nga ni djok vunan ndi, an nga ni hulong bugol luo mi.

Jeremi 51:12

Agi pagi drapo d’a taka akulo, agi durugi gulumun ma Babilon-na, agi hagi ad’enga mi ma ndjola, agi tinigi suma ndjola, agi tinigi suma a bur suma kä na. Kayam Ma didina mi nga hurum da’, nga mi ndak vun zla d’a mi dat yam suma a nga kaka Babilon-nid’a.

Ezekiyel 21:10

Suma pet a mba wala ni an Ma didina ba, ni pat mbigeu man nda fiyaka woi kur aziyad’u, an mba ni hulongôt kur aziyat tuo d’a.

Ezekiyel 21:5

An hulong dum ala: Alë! Salad’a Ma didina, sum ndazina a nga de kan ala: Ni ma de zlad’a ki d’ogolîna d’uo zu?

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Gat ta a hat á mbàd’id’a 4:30

Ahle ndazina a mba mba kagiya. Kur yor ta magid’a agi mba hulongôgi gen Ma didina Alo magina, agi mba humum vunam mi.