Jeremi 23:17 - Bible azumeina

¹⁷ A nga de mi suma a golon isâ bei mandarâ ba ala: Ma didina mi dala: Agi mba kagagi ki halasa, a nga de mi suma a nga tit kur djib’er mazi d’a yam mba ad’eng nga kuruzi krovod’ina ala: Ndak tu pî mba d’i fei d’i!

Jeremi 23:17 Kruisverwysings

2 Samuel 12:10

Ki tchetchemba, a mba tchi sum mangâ avun ayîna hina baba, kayam ang golon is, kayamba ang vatchad’a hi Uri ma Het-na, ang gat ad’ung atchad’id’a.

Isai 30:10

A ni suma de mi suma a wahle suma a nga mbana ala: Ar va mi nde tam mbei iragi d’uo na. A ni suma a nga de mi suma djok vun Alona ala: Ar agi djogomi vun ma gagazina woi d’i, agi dami ni zla d’a lami tami djivid’id’a, ar agi dami ni zla d’a kad’a mi na.

Isai 57:21

Alo mana mi dala: B’leng nga halasa nga yam suma asa’atna d’i.

Jeremi 13:10

Sum ndazina ni suma asa’at suma a noî á hum zla mandina, ni suma a nga tit kur djib’er mazi d’a kuruzi d’a krovo d’a yam mba ad’engid’a, ni suma a nga zlap kalo ma dingâ á lum sunda, á kud’urom mi na. Ar azi mbut ni d’igi d’ik ma mi b’lak kei ma mi ndak á le vama djivi d’uo máma na mi.

Jeremi 18:12

Wani a nga dala: Hawa yak! Ami tid’imi ni yam djib’er mamid’a, nge nge pî mi le ni ata djib’er ra yam mba ad’eng nga kurum krovod’a.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 3:17

Kur bur máma a mba yi Jerusalem ala Zlamba hi Ma didinid’a. Andjaf suma lara ge pet a mba tok kurut ki simiyê Ma didina, a mba tit yam djib’er mazi d’a tcho d’a a so tazi kat ngingringa d’i.

Jeremi 4:10

Ata yi máma an dala: Salad’a Ma didina, ang lop sum ndazina ki suma Jerusalem-ma ni loba, kayam ang dala: Agi mba kagagi ki b’leng nga halasa, wani mbigeu d’a fiyaka ti nga tinda kelemi á ngata.

Jeremi 5:12

Suma Juda-na a tin vunazi yam Ma didina, a dala: Mi nga d’i. Ndaka nga d’i mba kei d’uo d’a, ei mba wei ayî ma dur roze baktarad’a d’uo mi.

Jeremi 6:14

Azi nga djin mbilâ hi sum manina hina lologod’or, a nga dala: Halasa nga! Halasa nga! Wani halasa nga d’uo ko.

Jeremi 7:24

Azi humun nga d’i. A tin nga humazi á humba d’i, wani a tit ni yam min mazina, yam djib’er mazi d’a yam mba ad’eng nga tcho d’a kuruzi krovod’a mi. A ar zla d’a a mbut irazi iranda ta, a hanï azigazi zang.

Jeremi 8:11

Azi nga djin mbilâ hi sum manina hina lologod’or, a nga dala: Halasa nga! Halasa nga! Wani halasa nga d’uo ko.

Jeremi 9:14

Kayam azi tit ni yam djib’er ra kuruzi krovo d’a bei wad’ud’id’a, azi tit ni bugol Bäl d’igi abuyozi a had’azi na mi.

Hor ma tchina 2:14

Mak suma djok vuna, ahle suma a nde tazi woi irazina nahle suma ka zlad’a, nahle suma hawa ya’â. A nga vak ad’u tcho maka woi d’i. Ladjï a le na ni, a d’elek wa bei i magomba. Ahle suma a nde tazi irazi suma azi nga vaksi ad’uzina ni zla d’a hawa yak ka ka zlad’a.

Ezekiyel 13:10

Suma djok vun ndazina a nga vit sum mana woyo, kayam a dala: Halasa nga, wani halasa nga d’uo ko! Sum mana a min gulumuna, a nga gulud’um ki lasod’a.

Ezekiyel 13:19

Agi nga mbud’un zulona aduk sum mana yam awu ors ma a nga hagizi abogi ngiyeûna kavungô ma mbruka. Ata yima agi nga kagi zlad’a mi man suma a nga hum zla d’a kad’ina, agi nga tchagi suma a ndak nga á tchid’a d’uo na, agi nga aragi suma a ndak á tchid’ina karid’a.

Ezekiyel 13:22

Agi b’lagagi hur suma d’ingêr suma an tan b’lagazi nga huruzi d’uo na ki zla magi d’a kad’a, agi nga hagi ad’enga mi suma asa’atna á d’elezi tala a hulongî woi ata tit mazi d’a tchod’a á kak karid’a d’a.

Amos 9:10

Suma pet suma a le tchod’a aduk sum mana suma a nga dala: Ndaka mba d’i mba kami d’i d’oze mba d’i domi d’uo mi na, a mba tchazi avun ayîna.

Mise 2:11

Wani le sama ka zlad’a mi mba mi djok vuna ala: An nga ni dagi zlad’a yam süm guguzlud’a yam süm ma ayîna mi ni, sa máma mba mi arî ma djok vuna hi sum ndazinina.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 3:5

Wana ni zla d’a an Ma didina ni dat yam suma djok vun suma a nga vit sum mana woina: Le a nga ki hliuna avunaziya ni, a nga dala: B’leng nga halasa nga. Wani a nga dur ayîna ki suma a hazi nga va avunazi d’uo na.

Sofoni 1:12

Kur bur máma an mba ni hal hur azì ma Jerusalem-ma ni ki lalamba, an mba ni ngop suma a nga burâ kä kur tcho mazid’a suma a nga de kuruzi ala: Ma didina nga mi le vama djivi d’oze vama tcho d’uo na.

Zakari 10:2

Filei ma agi nga djoboma nga mi dagi ni zla d’a kad’a, suma djopa, ahle suma a nde tazi irazina, nahle suma hawa ya’â. Adï d’a azi vagizi ad’uta, ni zla d’a hawa yaka mi. B’leng hur ma azi nga b’lengêgi ki hurugina, ni mbut ira. Kayam ndata, azi nga kur hohoud’a d’igi d’uwar ma salam ma pola nga d’uo na na.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Ndumba 11:20

Wani agi mba mud’ugizi ni tilâ sop, gak mi hlagi hisâ mi kak atchinagi mi, kayam agi gologi Ma didin ma nga kaka adigagina is, agi tchigi avorom ala: Ni kayam me ba, mi buzugugï woi kur Ezipte ge?

Wana ni Zla d’a Djivi d’a Luc mi b’irita 10:16

Jesus mi de mi mam suma hata kua ala: Sama mi humugina, humun ni anu; sama noyôgina, mi noyôn ni an mi; sama mi noyôna, mi noî ni Ma sununïna.

Gat ta a hat á mbàd’id’a 29:18

Ar sa adigagi mandjuf foze atcha d’oze andjaf foze ades mi ar Alo meina ini woi á hulong á kud’or alona handjaf sum ndazina d’i. Ar sa adigagi mi mbut d’igi sidei agu ma aglarâ na d’uo mi.

Gat ta a hat á mbàd’id’a 29:19

Le agi humugi wa zlad’a hi vun ma djin máma da ni, ar sa adigagi mi subur tam kurum krovo bugol ala: Le an tit kur min manda, le an ni tche baba ni gurut pî, va mba mi lan ndi d’i.

1 Tasaloni’â 4:8

Kayam ndata, sama noî hat ndata woina, mi noî ni sana d’i, wani mi noî nAlo ma mi hagi Muzuk mam ma bei tchod’a ba na kurugina.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.