Jeremi 23:16 - Bible azumeina

¹⁶ Ma didin ma ad’engêm kal petna mi dala: Ar agi humugi zla d’a suma djok vun ndazina a nga djogogizid’a d’i. Azi dagi ni zla d’a hawa yaka, azi dagi ni vama nde tam mbei irazi kur djib’er mazid’ina, nga ni zla d’a ndeï avunan an-nda d’i.

Jeremi 23:16 Kruisverwysings

1 Amuleina 22:11

Wani sama dingâ a yum ala Sedekiyas ni Kenäna goroma, mi zle aduvei suma kaweina, mi nga mi dala: Gola! Ma didina mi dala: Aduvei ndazina ni vama simata yam ad’eng nga ang mba kus ki yam suma Siri-na gak ang dabazi ki woi d’a.

2 Amuleina 17:15

Azi ar gata hAlonid’a ki vun ma djin ma mam djinim kabuyozi ngolona ki ge hum mba mi gazi humazi kad’engid’a woyo. Azi i bugol ahle suma hawa ya’â, azi tazi a mbut tazi vama hawa ya’â mi. Azi tit bugol andjaf suma nguyuzi suma Ma didina mi dazi ala a tit blogozi d’uo na.

2 Sunda Hamuleinid’a 18:5

Amul ma Israel-lâ mi tok mam suma djok vun Alona kikis fid’i, mi djobozi ala: Na ni ei i dur ayîna á hleï azì ma Ramot ma Galät-na, d’oze an i d’uo zu? Azi dum ala: Ang iya! Alona mba mi hang azì máma abongû.

Zla d’a d’ogolâ 19:27

Gorona, le hat ta ang nga had’ata ti walang ngei dei ki wed’a ni, ang humut ti.

Jeremi 14:14

Ma didina mi hulong dan ala: Suma djok vun suma a nga djogogi vuna ki simiyên wana a ni suma ka zlad’a. An sunuzi nga d’i, an hazi nga vun ndi, an dazi nga zla d’uo ko. Azi djogogi ni zla d’a ka d’a nde tat irazi woid’a ki zla d’a djopa ki filei ma hawa ya’â ki mbut ir ra kuruzi krovod’a mi.

Jeremi 2:5

Ma didina mi dala: Abuyogi ngolo a fe ni tcho me atan ba, a wal lei dei ki sed’en á zlap tazi kahle suma hawa ya’â, á mbut tazi vama hawa ya’â mi ge?

Jeremi 23:21

Ma didina mi dala: An sun nga suma djok vun ndazina d’i, wani azi nga ringâ; an dazi nga zla tu d’i, wani azi nga djok vuna mi suma.

Jeremi 23:26

Suma djok vun ndazina a mba kak ki djib’er ra djok vun ma ka zlad’a ki djok vun ma mbut ir ma kuruzi krovona hina gak mindja ge?

Jeremi 29:23

Kayam azi le sun nda tchod’a aduk Israel-lâ, a le mizeuna karopma hi ndrozinina, a de zla d’a ka d’a an hazi nga vuna kat tuo d’a ki simiyênu. An ni we, an ni glangâsâ. An Ma didina ni de na.

Jeremi 29:8

Ma didin ma ad’engêm kal petna, Alona hi Israel-lîna, mi de kua ala: Ar suma djok vun suma a nga adigagina ki suma a nga de zlad’a yam vama nga mi mbana a vid’igi woi d’i, ar agi tinigi humagi yam suma a nga vagi ad’u adïd’ina d’uo mi.

Jeremi 9:12

Sama ne ma mi wäd’u ahle ndazina ni nge ge? Sama Ma didina mi dum zlad’ina, ar mi de woi mi vad’ud’a kayam me ambasa ti b’lak keyo, kayam me ti ngal lei d’igi hur ful ma sa nga mi kal kua d’uo na na!

Jeremi 9:20

Agi aropma, agi humugi zlad’a hi Ma didinid’a, agi tinigi humagi yam zla d’a ti ndavunamba. Agi had’agi grogi suma aropma hor ma ged’a, agi had’agi tagi hor ma ged’a mi!

Hor ma tchina 2:9

Bap mat ma avun agre’îna mi rot kä andaga, mi b’lak keyo. Kawei ma murguli ma atama mi kus seyo. Amul matna ki mat suma nglona a yozi a izi aduk andjaf suma dingâ. Suma a hat gatina nga d’uo d’a. Mat suma djok vuna pî, Ma didina nga mi ndazi va irazi woi d’uo mi.

Ezekiyel 13:16

An mba ni dap suma djok vun suma Israel suma a nga djok vuna yam Jerusalem suma a nga dala ahlena a nde tazi irazi woi ala halasa nga ba, wani halasa nga d’uo ko na woyo. Salad’a Ma didina mi de na.

Ezekiyel 13:23

Ni kayam ndata ba, ahle suma hawa ya’â a mba nde tazi iragi d’uo d’a, agi mba djogogi vun ma ka zlad’a bugol luo mi. An mba ni sut sum mana woi abogiya. Agi mba wagi ala an ni Ma didina.

Ezekiyel 13:3

Salad’a Ma didina mi dala: Ni zla d’a hohoud’a yam suma djok vun suma lili suma a nga tit bugol djib’er mazid’a bei we va ba na.

Ezekiyel 13:6

Ahle suma a nde tazi irazina nahle suma hawa ya’â. Zla mazi d’a azi nga djogota ni zla d’a kad’a. A nga dala: Wana ni zlad’a hi Ma didinid’a, wani an Ma didina ni sunuzi nga d’i. A nga tin huruzi yam zla mazid’a ala mba d’i ndak vun sun mata!

Ezekiyel 22:28

Mat suma djok vuna a nga gulut ahlena ki lasod’a á mbut ir suma, a nga ka zlad’a ala ahlena a nde tazi iraziya, a nga djop filei ma ka zlad’a, a nga dala an Salad’a Ma didina ni dazi na, wani an dazi nga d’uo ko.

Mise 2:11

Wani le sama ka zlad’a mi mba mi djok vuna ala: An nga ni dagi zlad’a yam süm guguzlud’a yam süm ma ayîna mi ni, sa máma mba mi arî ma djok vuna hi sum ndazinina.

Matiye 7:15

Jesus mi had’azi kua ala: Agi gologi tagi djivi ki suma djok vun suma ka zla suma a nga mba atagi ki bak tumiyôna atazina, wani kuruzi krovo ni ngû ma ayîna.

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

1 Jean 4:1

Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a.