Jeremi 23:14 - Bible azumeina

¹⁴ Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.

Jeremi 23:14 Kruisverwysings

Ad’u Tinda 13:13

Wani suma Sodom-ma ni suma murud’umba ngola heîna, ni suma le tchod’a avok Ma didina ngola heîna mi.

Ad’u Tinda 18:20

Ma didina mi de mi Abraham ala: Käl la suma a kal yam suma Sodom-ma ki suma Gomor-rîd’a ti kal ngola heî; tcho mazid’a kal ngola heî mi.

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

Ad’u Tinda 19:25

Mi b’lak azì máma woi ki ful mamba ki suma a nga kaka kuruma pet kahle suma a deî yam andagad’ina mi.

Isai 9:15

Suma a nga tak lovota mi sum ndazinina a vid’izi ni woyo, suma a nga tit ad’uzina a hle ni lovot ta tchod’a mi.

Jeremi 14:14

Ma didina mi hulong dan ala: Suma djok vun suma a nga djogogi vuna ki simiyên wana a ni suma ka zlad’a. An sunuzi nga d’i, an hazi nga vun ndi, an dazi nga zla d’uo ko. Azi djogogi ni zla d’a ka d’a nde tat irazi woid’a ki zla d’a djopa ki filei ma hawa ya’â ki mbut ir ra kuruzi krovod’a mi.

Jeremi 18:13

Kayam ndata, Ma didin mi dala: Agi djobogi aduk andjaf suma, ni nge ba, mi hum nga ahle suma hina na yam tu d’uo ge? Israel-lâ a le vama ndjendje ma kalâ.

Jeremi 20:16

Ar sa máma mi mbut ni d’igi azì ma nglo ma Ma didina mi b’lagam mbei bei mi wum hohowom ba na na, ar mi hum tchina ki yorogod’a, ar mi hum tau d’a ayîna ki falei d’ad’ar mi.

Jeremi 23:17

A nga de mi suma a golon isâ bei mandarâ ba ala: Ma didina mi dala: Agi mba kagagi ki halasa, a nga de mi suma a nga tit kur djib’er mazi d’a yam mba ad’eng nga kuruzi krovod’ina ala: Ndak tu pî mba d’i fei d’i!

Jeremi 23:22

Ladjï azi kak ata yi man ma de d’alâ ni, azi ndak á de zla man nda an data mi sum mana, azi ndak á hulongôzï woi kur tit mazi d’a tchod’a ki sun mazi d’a asa’at ta azi lata mi.

Jeremi 23:32

An nga ni ngop suma djok vun suma a nga djok vun adï d’a ka zlad’a mi suma suma a nga vit sum mana woi ki zla mazi d’a kad’a ki lop ir mazid’ina. Wani an sunuzi nga d’i, ni hazi nga vun ndi, azi ndak á le vama djivi yam sum mana tu d’i. An Ma didina ni de na!

Jeremi 29:21

Wana ni zla d’a Ma didin ma ad’engêm kal petna, Alona hi Israel-lîna, mi dat yam Ahap Kolaya goroma ki Sedekiyas Mäseya goroma suma a nga djok vun ma ka zlad’a ki simiyêma. Mi dala: An mba ni hazi abo Nebukanezar amul ma Babilon-na. Mam mba mi tchazi kä iragiya.

Jeremi 29:23

Kayam azi le sun nda tchod’a aduk Israel-lâ, a le mizeuna karopma hi ndrozinina, a de zla d’a ka d’a an hazi nga vuna kat tuo d’a ki simiyênu. An ni we, an ni glangâsâ. An Ma didina ni de na.

Jeremi 36:2

Ang hle mbaktum mba d’ut ta hawad’a, ang b’ir zla d’a pet ta an dangzi adjeu yam Israel-lâ yam suma Juda-na yam andjafâ pet tinï ad’ud’a kur bur ma an dang zlad’a kur atchogoid’a hi Josiyas-sa dei gak inid’a.

Jeremi 49:18

Ma didina mi dala: A mba b’lagam mbei d’igi a b’lak azì ma Sodom-ma kazì ma Gomor-râ kazì ma nglo ma nguyuma woi adjeu na, a mba fe sama kak kur ri. Sa tu pî mba mi kak kua d’i.

Hor ma tchina 4:6

Tchod’a hi sum manid’a, ti ngola kal tchod’a hi Sodom mba a b’lagat tei atogo hina zak bei sa mi tin abom atat ba d’a.

Ezekiyel 13:16

An mba ni dap suma djok vun suma Israel suma a nga djok vuna yam Jerusalem suma a nga dala ahlena a nde tazi irazi woi ala halasa nga ba, wani halasa nga d’uo ko na woyo. Salad’a Ma didina mi de na.

Ezekiyel 13:19

Agi nga mbud’un zulona aduk sum mana yam awu ors ma a nga hagizi abogi ngiyeûna kavungô ma mbruka. Ata yima agi nga kagi zlad’a mi man suma a nga hum zla d’a kad’ina, agi nga tchagi suma a ndak nga á tchid’a d’uo na, agi nga aragi suma a ndak á tchid’ina karid’a.

Ezekiyel 22:25

Mazi suma djok vuna a nga ndjak vunazi kur Jerusalem. A nga tchi suma d’igi azlona mi nga mi tchi ata yima nga mi kizak vama mi vuma na, a nga yo ndjondjoîd’a kahle suma guzuzi kal teglesâ, a nga zul arop suma modonod’a kurut mi.

Wana ni mbaktumba hi Oze-d’a 6:10

An we vama tcho ma ndjendjed’a aduk Israel-lâ. Ni kua ba, suma Efraim-ma a nga le gaulangâ, Israel-lâ a mbut ndjendjed’a mi!

Amos 4:11

An b’lagagi woi d’igi an b’lak Sodom ki Gomor rei na, agi sud’ugi ni d’igi sana mi tanï vana woi aduk akud’a na. Hina pet pî, agi hulongôgï nga geven ndi. An Ma didina ni de na.

Mise 1:5

Ahle ndazina a mba hina pet ni yam so vuna handjafâ hi Jakob-mina, ni yam tchod’a hi Israel-lîd’a. Ni me ba, mi zut andjafâ hi Jakob-ma á so vuna ge? Ni suma Samari-na d’uo zu? Ni me ba, mi zut suma hi Juda-na á tuwal fileina ge? Ni suma Jerusalem-ma d’uo zu?

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Sofoni 3:4

Mam suma djok vuna a ni suma tit mazid’a nga ata yat tuo na, a ni suma mbut ira mi. Mam suma ngat buzuna a nga mbut ahle suma a tinizi irazi vazina ndjendjed’a, a nga tchila yam gata mi.

Zakari 13:2

Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi.

Malatchi 1:1

Ni zla d’a Ma didina mi dat mi Malatchi á dat mi Israel-lîd’a.

Matiye 11:24

Wani an nga mi dagiya, kur bur ma ka sariyad’a, sariya d’a a mba kat yam azì ma nglo mámid’a mba d’i kal la a kat yam andaga d’a Sodom-mbid’a.

Gat ta a hat á mbàd’id’a 32:32

Wani guguzlu mazid’a nandjaf guguzlu d’a Sodom-mba, asine mazina nandjaf andaga d’a Gomor-ra. Vut guguzlu mazid’a ni d’igi kuma ma tchona na, ades guguzlu mazid’a nades guguzlu d’a aglara.

1 Timote 4:2

A mba vit tazi woi yam hata hi suma lop ira ki suma ka zlad’a. Azi ni suma djib’er mazi d’a krovod’a ti mit tei d’igi a niragat ni ki kawei ma a gum kakud’ina na na.

2 Pierre 2:6

Alona mi ka sariyad’a yam azì ma Sodom-ma ki ma Gomor-râ, mi ngalam mbei kakud’a, kayam mi arî vama simata mi suma a min le tchod’ina.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

Vama ndum mbeina 11:8

Mad’azi mba mi ar akulo hur azì ma ngolâ, ata yima a b’al Salazina akulo ata aguna kuana. Azì máma a yum ki d’ogolâ ala Sodom mboze Ezipte.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.