Jeremi 23:13 - Bible azumeina

¹³ Ma didina mi dala: An we sun nda ndjendjed’a aduk suma djok vun suma Samari-na, kayam a nga djok vun Bäl leyo, a vit man suma Israel-lâ woyo.

Jeremi 23:13 Kruisverwysings

1 Amuleina 18:40

Elie mi dazi ala: Agi vigigi suma djok vuna hi Bäl-lâ, ar sa adigazi mi sut tu d’i. Azi vigiziya. Elie mi i ki sed’ezi kä avun toliyon nda Kison-nda, mi ngad’azi woi kua.

2 Sunda Hamuleinid’a 33:9

Wani Manase mi zut suma Juda-na ki suma a nga kaka avo Jerusalem-ma á le tchod’a kal andjaf suma Ma didina mi dabazi woi tchid’a avok Israel-lîna.

Isai 9:16

Kayam ndata, Salad’a tam nga d’i lum djivid’a yam azungeî mazina d’i, nga mi we hohowa mazi suma hokuyod’a karop mazi suma modonod’a d’uo mi. Kayam azi pet ni suma ndjendjed’a, ni suma asa’atna, ni suma a nga de zla d’a ata yat tuo d’ina mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jeremi 23:32

An nga ni ngop suma djok vun suma a nga djok vun adï d’a ka zlad’a mi suma suma a nga vit sum mana woi ki zla mazi d’a kad’a ki lop ir mazid’ina. Wani an sunuzi nga d’i, ni hazi nga vun ndi, azi ndak á le vama djivi yam sum mana tu d’i. An Ma didina ni de na!

Jeremi 36:2

Ang hle mbaktum mba d’ut ta hawad’a, ang b’ir zla d’a pet ta an dangzi adjeu yam Israel-lâ yam suma Juda-na yam andjafâ pet tinï ad’ud’a kur bur ma an dang zlad’a kur atchogoid’a hi Josiyas-sa dei gak inid’a.

Wana ni mbaktumba hi Oze-d’a 4:11

Gaulangâ ki süm guguzlu d’a adjeud’a ki d’a awilid’a a b’lak sum mana woyo.

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Mise 1:5

Ahle ndazina a mba hina pet ni yam so vuna handjafâ hi Jakob-mina, ni yam tchod’a hi Israel-lîd’a. Ni me ba, mi zut andjafâ hi Jakob-ma á so vuna ge? Ni suma Samari-na d’uo zu? Ni me ba, mi zut suma hi Juda-na á tuwal fileina ge? Ni suma Jerusalem-ma d’uo zu?