Jeremi 22:9 - Bible azumeina

⁹ Suma a mba hulongôzi ded’a ala: Ni kayamba a but vun ma djin ma Ma didina Alo mazina mi djinim ki sed’ezina woi d’a, ni kayamba a grif kä avok alo ma dingâ á kud’uromba.

Jeremi 22:9 Kruisverwysings

1 Amuleina 9:8

Fata suma a kal gen gong nga ngol la ndandal ndatid’a, a mba le atchap, a mba le mandarâ, a mba djop tazi ala: Ni kayam me ba, Ma didina mi le zla ndata kambas ndata ki gong nga kud’or ndata na ge?

2 Amuleina 22:17

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

2 Sunda Hamuleinid’a 34:25

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

Jeremi 11:10

A hulong wa yam tchod’a habuyozi ngolo d’a avok ka a min humun zla manda d’uo d’a, a zlap wa kalo ma dingâ á kud’uromu. Israel-lâ ki suma Juda-na a but wa vun man ma djin ma an djinim kabuyozi ngolona woyo.

Jeremi 11:3

Ang dazi ala: Ma didina Alona hi Israel-lîna mi dala: Sama mi hum nga zlad’a hi vun ma djin máma d’uo na, an mba ni gum vuna.

Jeremi 16:11

Ata yi máma ang dazi ala: Ma didina mi dala: Abuyogi ngolo a aran ndeyo, a zlap kalo ma dingâ, a lum sunda, a grif kä avorom á kud’uromu. A aran an ndeyo, a ngom nga gat manda d’uo mi.

Jeremi 50:7

Suma a fazina a nga mud’uziya. Mazi suma djangûna a nga dala: Zla nga kami d’i, kayam ni azi ba, a le tchod’a avok Ma didin mala ni Sala d’ingêrâ na, a le tchod’a avok Ma didin mala ni Hur ma tinda habuyozi ngolona na mi.

Jeremi 9:13

Ma didina mi de kua ala: Kayam azi ar gat man nda an tinizizi avorozid’a woyo, azi humun nga vunan ndi, azi tit nga kat tuo mi.

Ezekiyel 12:16

Wani an mba ni ar suma dingâ adigazi tcha. Sum ndazina a mba sut tei avun ayî ma durâ, abo baktarad’a, abo tugud’ei d’a tcho d’a tchi matna mi, kayambala a väd’u sun mazi d’a ndjendje d’a lara ge pet ta azi lata woi aduk suma azi mba i kuana d’a, azi mba wala an ni Ma didina mi.

Ezekiyel 14:23

Fata agi golozi tit mazid’a ki sun mazi led’id’a, hurugi mba mi b’lengâ, agi mba wagi ala ahle suma an mbazi yam Jerusalem petna ni hawa d’i. An Salad’a Ma didina ni de na.

Ezekiyel 39:23

Ma didina mi dan kua ala: Andjaf suma a mba wala Israel-lâ a izi magomba ni yam tcho mazid’a, ni yam tit mazi d’a bei d’ingêr ra avoronda mi. Kayam ndata, an mbud’uzi huyogonu, an hazi woi abo mazi suma djangûna á tchazi woi pet avun ayî ma durâ.

Ezekiyel 5:15

Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.

Gat ta a hat á mbàd’id’a 29:24

Andjaf suma dingâ pet a mba dala: Ni kayam me ba, Ma didina mi le ki suma kur ambas ndatina na ge? Ni kayam me ba, hurum zal ngola kazi na ge?