Jeremi 22:8 - Bible azumeina

⁸ Andjaf suma ablaud’a a mba kal gen azì ma ngol máma, a mba de tazi ala: Ni kayam me ba, Ma didina mi le zla ndata kazì ma ngol máma na ge?

Jeremi 22:8 Kruisverwysings

Jeremi 16:10

Fata ang mba de zla ndata pet mi sum ndazinid’a, a mba dang ala: Ni kayam me ba, Ma didina mi de zla ndak ka ngol ndata kami hina ge? Tchila mamid’a ni me ge? Ami lami ni tcho me mi Ma didina Alo mamina ge?

Jeremi 40:2

Ma ngolâ hi suma a ngom yinina mi ve Jeremi mi dum ala: Ma didina Alo mangâ mi de zla ndak ka wanda yam azì ma wana navok dei.

Jeremi 40:3

Ma didina mi mba wa, mi ndak wa vun zla d’a mam data. Kayam agi lagi tchod’a avoromu, agi humum nga vunam mbi, ahle suma mam dazina a mba wa mi.

Hor ma tchina 4:12

Amulei suma yam andagad’ina ki suma a nga kaka yam andagad’ina pet, a he nga gagazid’a ala ma djangûna d’oze ma huneîd’a mba mi kal avun agre’â hi Jerusalem-ma d’i.

Ezekiyel 12:16

Wani an mba ni ar suma dingâ adigazi tcha. Sum ndazina a mba sut tei avun ayî ma durâ, abo baktarad’a, abo tugud’ei d’a tcho d’a tchi matna mi, kayambala a väd’u sun mazi d’a ndjendje d’a lara ge pet ta azi lata woi aduk suma azi mba i kuana d’a, azi mba wala an ni Ma didina mi.

Ezekiyel 14:23

Fata agi golozi tit mazid’a ki sun mazi led’id’a, hurugi mba mi b’lengâ, agi mba wagi ala ahle suma an mbazi yam Jerusalem petna ni hawa d’i. An Salad’a Ma didina ni de na.

Ezekiyel 39:23

Ma didina mi dan kua ala: Andjaf suma a mba wala Israel-lâ a izi magomba ni yam tcho mazid’a, ni yam tit mazi d’a bei d’ingêr ra avoronda mi. Kayam ndata, an mbud’uzi huyogonu, an hazi woi abo mazi suma djangûna á tchazi woi pet avun ayî ma durâ.

Ezekiyel 5:15

Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.

Daniel 9:7

Salad’a, angî ma d’ingêrâ, wani ami zulona nga mi lami ini ki suma Juda-na ki suma a nga kaka Jerusalem-ma ki Israel-lâ pet, suma gogona ki suma dedeina kur ambas sa lara ge pet ta ang ndjoyôzi woi kua yam tcho d’a azi langzid’a.