Jeremi 22:3 - Bible azumeina

³ Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.

Jeremi 22:3 Kruisverwysings

2 Samuel 23:3

Alona hi Israel-lîna mi de, ahinad’a hi Israel-lîd’a ti dan ala: Sama nga mi te yamba aduk suma ki d’ingêrina, nga mi te yamba kur mandarâ hAlonina,

2 Amuleina 24:4

yam tchi d’a mi tchi suma bei zlad’a kazina, mi oî Jerusalem ki buzuwazid’a. Ni kayam ndata ba, Ma didina mi min vat hurum mbei d’uo ni na.

Wana ni mbaktumba hi Job-pa 22:9

Ang ar arop suma modonod’a a i abozi hawa bei hazi va, ang dap suma hokuyod’a ad’engêzi d’a ar nded’a woi mi.

Wana ni mbaktumba hi Job-pa 24:9

Suma a nga ve gor ma hokuyod’a woi avun apona, a nga vahle suma denga abo sama houd’a mi.

Sawal la giled’a 68:5

Agi hlagi sawala mAlona, agi gilem simiyêmu, agi minigi lovota mi ma nga kaka yam d’ugulina; simiyêm ala Ma didina, agi lagi furîd’a avoromu.

Sawal la giled’a 82:4

Ar agi sud’ugi suma amangeîna ki suma houd’a, ar agi prud’uzi woi abo suma asa’atna.

Sawal la giled’a 94:21

Azi nga tok tazi á kak djangûna ki suma d’ingêrâ, azi nga ka sariya d’a matna yam suma bei zlad’a kazi ba na.

Sawal la giled’a 94:6

Azi nga tchi arop suma modonod’a kangoyogeina woyo, azi nga tchi suma hokuyod’a woi mi.

Buzuk ka Abud’a 22:21

Agi lagi ir angeina d’i, agi djobom vunam mbuo mi, kayam agi tagi pî ei ni angoyogeina yam ambas sa Ezipte-d’a mi.

Buzuk ka Abud’a 22:22

Agi lagi atcha d’a modono d’oze gor ma hokuyo ndaka d’i.

Zla d’a d’ogolâ 23:10

Ar ang djok agu ma a pum ir hagad’a adjeu dedeina woi d’i, ar ang kal kur asinena hi suma hokuyod’ina d’uo mi.

Zla d’a d’ogolâ 6:17

Hle yam mba akulod’a, zla d’a kad’a, tchi d’a tchi suma bei zlad’a kazinid’a,

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Isai 58:6

D’el ta bei te tena d’a an tan lan djivid’a kata ba wana: Agi bud’ugi kindjingâ hasa’atina woyo, agi bud’ugi ziyona hi dju’îna woyo, agi tchugugi suma a nga djobozi vunazina akulo, agi kuzugi djuk ma lara ge woi pet,

Isai 58:7

agi b’rawagi te magina ki suma meid’a tchazina, agi vagi suma hou suma a nga ki yima kaka d’uo na avo hatagi mi. Le agi wagi sana gandilad’a ni, agi zlubum baruna atamu, agi hagi azigagi mi simiyêgi d’uo mi.

Jeremi 19:4

Azi aran ndeyo, a mbut yima wana yina halo ma dingîna, a he dubang ma his djivid’ina malo ma ding ma azi tazid’a d’oze abuyozi ngolo d’oze amulei suma Juda-na pî a wum nga d’uo na, a oî yima wana ki buzuna hi suma zla nga kazi d’uo na.

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Jeremi 22:17

Wani ang irang ki hurung tinda ni yam djivi manga á tchi suma bei zlad’a kazina, á b’at ahlena hi suma kad’enga mi.

Jeremi 26:16

Ata yi máma suma nglona kablaud’a pet a de mi suma ngat buzuna ki suma djok vuna ala: Sa máma mi ndak nga á tchid’a d’i, kayam mam dei ni zla d’a tcholï avun Ma didina Alo meinid’a.

Jeremi 5:28

Azi nga d’orâ, tazi nga d’i ngal wiwilik, a nga le tcho d’a kal kazid’a, a nga d’el vama tchona d’i, a nga ka sariyad’a hi suma hokuyod’id’a d’i, a nga i avogovogo, a nga ka sariyad’a hi suma houd’id’a ata yat tuo mi.

Jeremi 7:23

Wani vun ma an hazizina ba wana: An dazi ala: Agi humun vunanu. Hina wani, an mba ni arî Alo magina, agi mba kagi ni sum mana mi. Agi tid’igi kur lovot ta an hagi vuna kata, agi mba kagagi ki furîd’a mi.

Jeremi 9:24

Le sana mi min subur tam ala mam mi ma ned’a ni, ar mi wanu, ar mi wala an ni Ma didin ma nga ni le djivid’a, nga ni ka sariya d’a d’ingêra, ni Ma d’engzeng ma yam andagad’ina mi. Wana ni sama an tan lan djivid’a heî kama. An Ma didina ni de na.

Hor ma tchina 3:36

ata yima ang b’ak sariyad’a hi sama d’ingêrîna, Salad’a mi we nga d’uo zu?

Ezekiyel 18:12

le nga mi hulong vama sana mi dengêmzina d’uo, le mi tin iram yam fileina, le nga mi lahle suma ndjendjed’a,

Ezekiyel 18:7

nga mi b’at va abo sa kad’enga d’i, nga mi hulong vama sana mi dengêmzina, nga mi kul li, nga mi he te mama mi sama meid’a tchuma, nga mi he baruna mi sama gandilad’a,

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Ezekiyel 45:9

Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!

Joel 3:19

Ezipte mba d’i mbut djona, Edom mba d’i mbut ni hur fulâ, kayam murud’um mba azi lat mi suma Juda-na á tchi suma bei zlad’a kazina yam andaga mazid’a adjeud’a.

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Amos 5:24

Wani agi aragi sariya d’a d’ingêra ti djang d’igi mbina na, agi aragi d’ingêra ti djang d’igi toliyon nda bei sod’a ba d’a na mi.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 6:8

Nga na d’i! Ang sana, a tagang wa vama djivina, vama Ma didina mi halam atangâ ba wana: Ang tit ni yam d’ingêra, ang le yam djivid’a, ang ge yang kä avok Alo mangâ luluma.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Matiye 23:23

Ni zla d’a hohoud’a kagi agi suma hat gata ki Fariziyê suma lop ira, kayam agi nga hagi dim d’utna, nala, mêta ki aneta ki kumina. Agi aragi ahle suma kal tegles kur gatina woi ta, nala, d’ingêra ki we hohowa suma ki d’engzenga. Djivid’a agi lagi ahle ndazina bei ar suma hiuna woi mi.

Gat ta a hat á mbàd’id’a 10:18

ni ma nga mi ndjun ma hokuyod’a katcha d’a modonod’ina, ni ma nga mi le yam angeinina, ni ma nga mi hum tena ki baruna mi na.

Gat ta a hat á mbàd’id’a 24:17

Moise mi de kua ala: Ar agi lagi ir angeina d’oze ma hokuyod’a ata yima ka sariyad’a d’i, ar agi vagi barud’a hatcha d’a modonod’a denga d’uo mi.

Gat ta a hat á mbàd’id’a 24:7

Moise mi de kua ala: Le ma Israel-lâ mi ve wiyema, nga mi lum magomba d’oze mi guzum mbeyo ni, agi tchum mbeyo. Hina wani, agi mba d’elegi tcho d’a led’a woi adigagiya.

Gat ta a hat á mbàd’id’a 25:1

Le suma mbà zlad’a nga adigaziya ni, a it avok suma ka sariyad’a. Ma zlad’a vum nga d’uo na, ma ka sariyad’a mi gum akulo; ma zlad’a vuma, mi kam sariyad’a kamu.

Gat ta a hat á mbàd’id’a 27:19

Sama nga mi ka sariyad’a hangeina ki d’a hi ma hokuyod’a ki d’a hatcha d’a modonod’a ata yat tuo na, Ma didina mi gum vuna! Ablau suma petna a hulong ded’a ala: Amin!

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.