Jeremi 22:26 - Bible azumeina

²⁶ An mba ni yong kasung nga vud’unga, ni igi kur ambas sa agi vud’ugi nga kua d’uo d’a, agi mba bogi sä kua.

Jeremi 22:26 Kruisverwysings

2 Amuleina 24:15

Mi i ki Jojakin kasum kamiyôma ki mam suma a ngom hurazinina ki suma ad’eng suma Juda-na magomba avo Babilon.

2 Amuleina 24:8

Kid’a Jojakin mi kak amulid’a, bizamî dogo yam klavandi. Mi tamula avo Jerusalem tilâ hindi. Asum a yat ala Nehusta ni Elnatan ma Jerusalem-ma goromba.

2 Amuleina 25:27

Kur biza d’a dok hindi yam kid’iziya d’a bugol la a i ki Jojakin amul ma Juda-na magombid’a, Evil-Merodak mi kak amula yam suma Babilon-na. Kur biza d’a avok ka mi tamulid’a, kur bur ma dok mbà yam kid’iziyana kur til ma dogo yam mbàna hi biza ndatina, mi we hohowa Jojakin, mi ndumî woi kur dangeina.

2 Amuleina 25:29

Mi he vuna mi Jojakin ala ar mi tchuk baru mam ma dangeina atam mbi, ar mi te tena yam tabulâ hamulîna burâ ki burâ, ata yima mi nga ki iram tua na pet.

2 Amuleina 25:30

Amul ma Babilon-na mi nga mi hum tena burâ ki burâ gak mat mama, ata yima mam nga ki irama pet mi.

Isai 22:17

Gola! Ang ma ad’engâ, Ma didina mba mi gangî kä woi kad’enga, mba mi d’ud’ung d’igi baru d’a par ra d’utina.

Jeremi 10:18

Kayam Ma didina mi dala: Ki tchetchem wanda, an nga ni yo suma a nga kaka kur ambasina, an nga ni tchuguzi woi abua, an nga ni hebezi ped’et tala a sut tuo d’a.

Jeremi 13:18

Ang de mamulâ kasum mba amula ala: Agi bululugi kä andaga kayam avaval magi d’a amula ti nde wa kä woi kagi da’.

Jeremi 16:13

Kayam ndata, an mba ni yogi woi kur ambas sa wanda, ni tchugugi sä woi dei kur ambas sa abuyogi ngolo d’oze agi tagi wagizi nga yagi tu d’uo d’a. Ata yi máma agi mba lagi sunda malo ma teteng ma dingâ andjege ki faleya, kayam an mba ni wagi hohowogi d’uo d’a.

Jeremi 22:27

Agi mba had’agi hurugi ngola á hulongôgi yam ambas magid’a, wani agi mba fagi lovota á hulongôgi kat ti.

Jeremi 28:4

Ma didina mi de kua ala: An mba ni hulongî Jekoniya Jojakim goroma amul ma Juda-na ki suma pet suma a yozi ka hî avo Juda a i ki sed’ezi Babilon-na ka hî, kayam an nga ni kus dju’â hamul ma Babilon-nina woyo.

Jeremi 29:2

Mi sun mbaktum ndata ni bugol la amulâ Jekoniya kasum ki suma sunda ki suma nglo suma Juda-na ki suma Jerusalem-ma ki suma d’alâ ki suma tchafa a ar Jerusalem dad’a.

Jeremi 44:14

Aduk suma Juda suma a ar suma a mba Ezipte á kak ka hî suma a nga huruzi á hulong yam ambas sa Juda-d’a á kak sä kuana, sa mba hulong ngi, ni suma tutu suma a mba sutna hol.