Jeremi 22:23 - Bible azumeina

²³ Ndak ka nga kaka akulo yam Liban-nda, ndak ka min aziyak aduk agu sedrena d’igi aleina na d’a, fata ndaka mba d’i mba kaka, mba d’i tak d’igi vuta ti tatcha d’a ti nde vutid’a na, ndak mba zam tak ngola.

Jeremi 22:23 Kruisverwysings

Jeremi 21:13

Ma didina mi dala: Agi suma Jerusalem suma nga kaka akulo yam ahina d’a yat papana d’a kal hora akulod’ina, an nga ni dur ki sed’egiya. Agi suma nga dagi ala: Ni nge mba mi tchugï asem kä á duri d’oze mi kal ata yi mei ma domina ge na, an nga ni dur ki sed’egiya.

Jeremi 22:6

Ma didina mi de yam azì ma amul ma Juda-na ala: Ang iran ni d’igi ambas sa Galät-ta na, d’oze d’igi yam ahina d’a ked’iwureng nga Liban-nda na. Wani gagazi, an mba ni mbud’ungî d’igi hur fulâ, d’oze d’igi azì ma ngol ma bei sa mi kak kua ba na na.

Jeremi 3:21

A nga hum dela yam ahuniyô suma fuyogeina. Ni tchina ki tchen nda hud’a hi Israel-lîd’a, kayam azi mbut lovot mazi d’a gunda kur tit mazid’a, a mar rei yam an Ma didina Alo mazina mi.

Jeremi 48:28

Agi suma nga kaka Mowap-ma, agi aragi azì ma nglona woyo, agi i kagagi aduk ahuniyôna, agi kagagi d’igi gugud’a ti min aziyat apei zul la ahinad’a na.

Jeremi 49:16

Mbut ta agi nga mbud’ugi suma mandarîd’a ki subur ta magi d’a kurugid’a ti vid’igi wa woi da’. Agi suma nga kaka kur zul la ahuniyôna suma nga lagi sunda akulo yam yima ndingîna, le agi minigi aziyagi sä akulo dei d’igi ma hi b’arunina na pî, an mba ni tchugugi kä! An Ma didina ni de na.

Jeremi 6:24

Ablau suma a dala: Ata yima ami humumi zla ndatina, tami d’i tchuk susub’ok, pupuluka nga d’i lami d’igi vuta ti latchad’a na.

Ezekiyel 17:3

Ang dazi ala: Salad’a Ma didina mi dala: B’aru ma ngol ma gigingâm fiyaka ma hlimid’im fuyogeid’a d’udjod’a tetengâ, mi pir gak mi i Liban, mi ka yam agu sedrena.

Wana ni mbaktumba hi Oze-d’a 5:15

Ma didina mi dala: An mba ni iya, an mba ni hulong ata yan ma kaka gak azi we tcho mazid’a, gak azi mba mba á wan iranu. Fata azi nde kur ndakid’a, a mba halan ki hur ma hata.

Wana ni mbaktumba hi Oze-d’a 7:14

Ata yima azi nga yana, a nga yan ki hur ma tuna d’i, wani azi nga tchi kur azang mazina, azi nga ze tazi d’igi suma bei wanina na á fe gemena, á fe guguzlud’a mi. wani azi nga son vunanu.

Amos 9:2

Le azi kal kä ata yima azuleina pî, an mba ni i kua ni yoziya; le azi dja’î akulo pî, an mba ni tchuguzi asezi kä.

Abdiyas 1:4

Wani le agi i kagagi sä nakulo dei d’igi b’aruna na d’oze agi minigi aziyagi sä nakulo aduk tchitchiud’a pî, an mba ni tchugugï asegi kä woyo.

Habakuk 2:9

Ni zla d’a hohoud’a yam sama nga mi tok bege d’a mbut ira á mbut tam ad’engina, á sut tam mbei kur bur ma ndaka mba kama.

Ndumba 24:21

Mi we suma Ken-na, mi de zla d’a d’ogol mamba ala: Yagi ma kaka nad’enga, aziyagi ni d’igi azì alei ma mi minim akulo yam ahinad’ina na.