Jeremi 22:18 - Bible azumeina

¹⁸ Gola! Ma didina mi de yam Jojakim Josiyas goroma amul ma Juda-na ala: Suma a mba tchi yam mat mama ala: Aya, wiyena! Aya, wiyenda d’i. A mba tchi kam ala: Aya, salana! Aya, sama ngolâ d’uo mi.

Jeremi 22:18 Kruisverwysings

2 Samuel 1:26

Wiyena Jonatan, an nga ni hat hurun kangû; angî banan ma kokodjona. O mang nga kanda kal o d’a atchad’a ti lat yam sanid’a.

1 Amuleina 13:30

Mi tozomî kur zul mamba tata, a hle sawal la yor tad’a kamu, a dala: Alë! Wiyena mi mit wa!

2 Amuleina 23:36

Kid’a Jojakim mi kak amulid’a, bizamî dok mbà yam vahl. Mi tamula avo Jerusalem bizad’a dogo yam tu. Asum a yat ala Zebuda ni Pedaya ma Ruma-na goromba.

2 Amuleina 23:6

Mi pat agu ma murguli ma a pum malo d’a a yat ala Asera-d’a na woi kur gong nga kud’ora hi Ma didinid’a á i ngalam mbei bugol Jerusalem avun toliyon nda Kedron-nda, mi i b’lagam mbei a mired’em bud’um kä kaseziya, a yom a yagam sä woi yam asud’a hi suma houd’ina.

2 Amuleina 24:6

Jojakim mi mit mi i azulei kä ad’u abuyom ngolo. Goroma Jojakin mi vrak tamula blangâmu.

1 Sunda Hamuleinid’a 3:15

Josiyas groma ba wana: Ma avo’â ni Johanan, ma mbàna ni Jojakim, ma hindina ni Sedekiyas, ma fid’ina ni Salum.

2 Sunda Hamuleinid’a 35:25

Ma djok vun Alona Jeremi, mi tchi horâ Josiyas. Andjof suma hle sawala karop suma hle sawala a nga de zla Josiyas kur hor mazi ma tchina gak ini mi. Sawal ndata ti mbut ni gata aduk Israel-lâ, a b’irit nga kä kur Mbaktum mba horâ.

2 Sunda Hamuleinid’a 36:5

Kid’a Jojakim mi kak amulid’a, bizamî dok mbà yam vahl. Mi tamula avo Jerusalem bizad’a dogo yam tu, mi le sun nda tchod’a avok Ma didina Alo mama.

Jeremi 16:4

Azi mba bo ni bo d’a hohoud’a. Sa mba mi tchi kazi d’i, sa mba mi tozozi d’uo mi. Azi mba mbut ni d’igi siligitna na kä yam andagad’a, a mba tchazi avun ayîna, baktarad’a mba d’i tchaziya, mad’azi mba mi mbut ni tena haluwei suma akulona kamburei suma yam andagad’ina mi.

Jeremi 16:6

Suma nglona ki kemba a mba bo kur ambas ndata. Sa mba mi tozozi d’i, sa mba mi tchizi d’i, sa mba mi ze hurum kahle suma sïna kazi d’i, sa mba mi wel yam mbei á dodora kazi d’uo mi.

Jeremi 21:11

Ma didina mi de mi Jeremi ala: Ang i de mi suma hamul ma Juda-na ala: Agi humugi zlad’a hi Ma didinid’a.

Jeremi 22:10

Agi suma Juda-na, agi tchigi yam sama mitna d’i, agi yorogi tagi kam mbuo mi, wani agi tchigi ni yam sama mi i yinina, kayam nga mi hulongî d’i, mba mi hulong á we ambas sa a vud’um kura d’uo d’a.

Jeremi 22:12

Mba mi mittcha ata yima a im magomba kuana, mba mi we ambas sa wanda d’uo d’a.

Jeremi 34:5

Ang mba mit ni ki halasa. A mba ngal mbul ma his ma afufuîna kang d’igi a ngalam yam abuyong ngolo amulei suma tamula avorongâ na, a mba tching ala: Alë, salamina! A mba le na kayam an Ma didina ni de zla ndata woi da’.

Jeremi 36:30

Ni kayam ndata ba, Ma didina mi de zlad’a yam Jojakim amul ma Juda-na ala: Sa mam tu pî mba mi kak yam zlam mba amula hi David-ta d’i. Mad’am mba mi arî ged’a kä ir afata faleya, kä ir ab’lenga andjege mi.