Jeremi 22:14 - Bible azumeina

¹⁴ Ni zla d’a hohoud’a yam sama nga mi dala: An mba ni min gong nga ngol la bubud’a, an mba ni kat hurut nglod’a teteng, an mba ni tinit fenetred’a, an mba ni b’al agu sedrena huyogot akulo, an mba ni gulud’ut ki pentir ma hleuna na.

Jeremi 22:14 Kruisverwysings

2 Samuel 7:2

Bur tu David mi de mi Natan ma djok vun Alona ala: Gola! An nga kaka kur azì ma a minim kagu sedrenina, wani zandu’â hAlonina mi nga tinda kur zlub’ud’a.

2 Sunda Hamuleinid’a 3:5

Mi ndja agu sipre ma bebed’ena kua. Huyok gonga hurut ma ngolâ, mi gulud’ut ni ki lor ra bei zozota ba d’a, mi tchet ahlena d’igi amulongeîna ki vayirâ na kua mi,

Zla d’a d’ogolâ 17:19

Sama mi min yalîna mi min ni tcho d’a led’a, sama mi hle yam akulo ngolina mi halî b’laka mi.

Zla d’a d’ogolâ 24:27

Ang min sun mang nga woi abud’a avogo, ang min asineng djiviya, bugola, ang min aziyangû.

Sawal la kal teglesa 1:17

Agu ma yam gong meid’ina nabo agu sedrena, agu ma murguli ma atatna nagu siprena mi.

Isai 9:9

Derengel ma mi to kä woina, ami mba hulong minim kahina d’a tcheta; diyaga d’a a kat teid’a, ami mba hulong pami agu sedrena blangâd’u!

Ezekiyel 23:14

Ti nga d’i i ki gaulang matna avogovogo, nga d’i wanguza suma a ndjarazi akulo huyok gulumunina, nala, anguza suma Babilon suma a gulud’uzi ki pentir ma hleunina.

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Amos 6:8

Salad’a Ma didina mi gun tam ki mam tamba ala: An Ma didina Alo ma ad’engên kal petna, an gol subur tad’a hi suma hi Jakob-mid’a ni vama ndjendjed’a, an noî azì mazi ma amula woi mi. Kayam ndata, an mba ni hazì mam ma ngolâ abo mazi suma djangûna kahle suma kuruma pet mi.

Wana ni mbaktumba hi Aze-d’a 1:4

Na ni ata yima gong manda nga b’laka kä woina natchogoi d’a djivid’a kagi agi á kagagi kur aziyagi ma djivina zu?

Malatchi 1:4

Suma Edom-ma a dala: Gola! Ahle mamina a b’lak kei wan pî, ami mba minizi akulo! Ni hina ba, Ma didin ma ad’engêm kal petna, mi dala: Arazi a mina; an mba ni tozi woi mi. Suma a mba yazi ala: Ambas sa tchod’a! Suma Ma didina hurum zal kazi ki iram fafatna.