Jeremi 22:11 - Bible azumeina

¹¹ Ma didina mi de zlad’a yam Salum Josiyas goroma amul ma Juda ma mi vrak tamula balum abum Josiyas ma mi nde woi ata yi mámina ala: Mba mi hulongî d’uo d’a!

Jeremi 22:11 Kruisverwysings

2 Amuleina 23:29

Kur atchogoi mamba, Faron Neko amul ma Ezipte-na mi i ki azigar mama avun alum ma Efrat-na á ndjun amul ma Asiri-na. Wani amulâ Josiyas mi min ndi, mi ngavam vunam á durâ. Kid’a Faron mi wumba, mi tchum Megido.

2 Amuleina 23:30

Azungeî mama a hlumï mad’am ki pusâ Megido, a mbam Jerusalem, a tozom kur zul mamba. Bugola, suma Juda-na a hle goroma Jowahas, a vom mbulâ kamu, a tinim amula balum abuma.

2 Amuleina 23:31

Kid’a Jowahas mi kak amulid’a, bizamî dok mbà yam hindi. Mi tamula avo Jerusalem tilâ hindi. Asum a yat ala Hamutal ni Jeremi ma Libina-na goromba.

2 Amuleina 23:34

Faron Neko mi pat Eliyakim Josiyas goroma, mi vragam amula balum abumu, mi djogom simiyêm ala Jojakim. Wani Jowahas mam i ki sed’em Ezipte, mi mit sä kua.

1 Sunda Hamuleinid’a 3:15

Josiyas groma ba wana: Ma avo’â ni Johanan, ma mbàna ni Jojakim, ma hindina ni Sedekiyas, ma fid’ina ni Salum.

2 Sunda Hamuleinid’a 28:12

Ata yi máma suma nglo suma avok andjafâ hi Efraim-mina, nala, Azariya Johanan goroma, Berekiya Mesilemot goroma, Ezekiyas Salum goroma ki Amasa Hadalai goroma, huruzi zal ata suma a tcholï yima ayînina,

2 Sunda Hamuleinid’a 34:22

Hilkiya azi ki suma ding suma amulâ mi manazina, a i avo hi d’a djok vun Alona Hulda d’a nga kaka avo Jerusalem kur kartiye d’a awilid’id’a. Natchad’a hi Salum ma Tokehat-na gorom ma Hasra gorom ngolonina ni ma ngom baru ma nga kur gong nga kud’orina. Azi vat ad’u zla d’a azi mba kata.

Jeremi 22:27

Agi mba had’agi hurugi ngola á hulongôgi yam ambas magid’a, wani agi mba fagi lovota á hulongôgi kat ti.

Sofoni 1:1

Wana ni zla d’a Ma didina mi dat mi Sofoni kur atchogoi d’a Josiyas Amon goroma nga mi tamula yam suma Juda-nid’a. Sofoni ni Kusi goroma, Kusi tamba ni Gedaliya goroma, ni Amariya gorom ngolona, ni Ezekiyas gorom ngolo ma mbàna.