Jeremi 21:9 - Bible azumeina

⁹ Sama lara ma mi ar kaka kur azì ma ngol ma wanina, a mba tchum avun ayîna ki baktarad’a ki tugud’ei d’a tcho d’a tchi matna. Wani sama mi nde woi mi i gen suma Babilon suma a nguyugi kä na, mba mi sut tam d’igi sama a vumï hurumba avun ayînina na.

Jeremi 21:9 Kruisverwysings

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Jeremi 21:7

Bugola, an mba ni he Sedekiyas amul ma Juda-na kazungeî mama zlapa ki suma kur azì ma ngolâ suma a mba sut abo tugud’ei d’a tcho d’a tchi matna kayî ma durâ ki baktarad’ina, abo amul ma Babilon-na, abo mazi suma djangûna, abo suma a nga halazi á tchid’ina mi. Nebukanezar mba mi tchazi bei wazi hohowoziya, mba mi keng sa woi tu d’i, mba mi djib’er kazi d’uo mi. An Ma didina ni de na.

Jeremi 24:10

An mba ni sun ayî ma durâ ki baktarad’a ki tugud’ei d’a tcho d’a tchi matna adigazi gak a dabazi woi yam andaga d’a an hat mabuyozi ngolo zlapa ki azid’a mi. An Ma didina ni de na.

Jeremi 27:11

Ma didina mi dala: Wani andjaf ma mi ge djuk ma amul ma Babilon-na mi humzi kelem mi lum sundina, an mba ni aram kur andaga mamba, mba mi zumud’u, mba mi kak kurut mi.

Jeremi 27:12

An de zla ndata mi Sedekiyas amul ma Juda-na pet. Ni dum ala: Ang ki sum mangâ, agi gagi djuk ma amul ma Babilon-na mi hagizina kelegiya, agi lum sunda ki sum mama. Hina wani, agi mba sud’ugi tagiya.

Jeremi 27:13

Ni kayam me ba, agi ki sum mangâ, agi tchagi tagi woi kayî ma durâ ki baktarad’a ki tugud’ei d’a tcho d’a tchi matna d’igi Ma didina mi de yam andjaf ma mi min á le sunda mamul ma Babilon-na d’uo na na ge?

Jeremi 38:2

Ma didina mi dala: Sama mba mi ar kaka kur azì ma ngol ma wanina, a mba tchum kayî ma durâ d’oze ki baktarad’a d’oze ki tugud’ei d’a tcho d’a tchi matna, wani sama mba mi nde woi á i aduk suma Babilon-nina mba mi sut tamu; ari mamba mba d’i mbut ni d’igi va mam ma mi hurumumï avun ayînina na, mba mi kak karid’a mi d’a.

Jeremi 38:3

Ma didina mi dala: Gagazi, a mba hazì ma ngol ma wana abo amul ma Babilon-na, mba mi hlumu!

Jeremi 39:18

An mba ni sud’ung ngeyo, a mba tchang avun ayîna d’i. Ari manga mba d’i mbut ni d’igi va mang ma ang hurumï avun ayînina na, kayam ang tin hurung kanu. An Ma didina ni de na.

Jeremi 45:5

Ang nga halî ahle suma nglona kang ang zu? Ang halazi d’i, kayam an nga ni mba ki ndaka yam suma pet. Ata yima lara ma ang mba i kuana pet, an mba ni hang ari manga ni d’igi vama a hurumumï avun ayînina na. An Ma didina ni de na.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.