Jeremi 21:14 - Bible azumeina

¹⁴ An nga ni mba á ngobogi yam sun nda agi lata, an nga ni do agu magid’a akud’a; mba d’i ngal ahle suma a nguyugi kä na woi pet. An Ma didina ni de na.

Jeremi 21:14 Kruisverwysings

2 Sunda Hamuleinid’a 36:19

Suma Babilon-na a ngal gong nga kud’ora hAlonid’a woyo, a to gulumun ma Jerusalem-ma kä woyo, a ngal azì ma amula woyo, a b’lak ahle suma guzuzi kal tegles suma kur azinina woi pepet mi.

Zla d’a d’ogolâ 1:31

Kayam ndata, agi mba tagi vud’a sun magid’a, agi mba hobogi ki ndjak vun magina tamba mi.

Zla d’a d’ogolâ 12:14

Sana mi fe djivid’a ni yam zla d’a de d’a ndavunamba, nge nge pî nga mi fe wuraka ni yam sun nda mi lat kabomba.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 10:16

Kayam ndata, Salad’a Ma didin ma ad’engêm kal petna mba mi sun itna ata suma d’or suma gugundulîna, mba mi fo aku d’a ngal bibiliud’a akulo aduk mazi suma nglona.

Isai 24:21

Kur bur máma Ma didina mba mi ngop ahle suma sä akulona, mba mi ngop amulei suma yam andagad’a ka hina mi.

Isai 37:24

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a.

Jeremi 11:16

Ma didina mi yagi ala Agu olif ma b’o ma vud’um djif heîna, wani aduk siwel la ngola, mi do akud’a ata humamu, abom mba mi kus seyo.

Jeremi 11:22

Ni kayam ndata ba, Ma didin ma ad’engêm kal petna mi dala: Gola! An nga ni mba á ngoboziya. Azungeî mazina a mba bo avun ayîna, grozi suma andjofâ ki grozi suma aropma, baktarad’a mba d’i tchazi mi.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 22:1

Ma didina mi de mi Jeremi ala: Ang i avo hamul ma Juda-na, ang dum zla ndata.

Jeremi 22:7

An nga ni mba ki suma b’lak yina kagiya. Ni suma a min tazi kahle mazi suma sïnina. A mba kagi agu sedre magi ma djivina kä woyo, a mba tchugum aduk akud’a.

Jeremi 32:19

Angî ma ngolâ kur d’alâ, ma ad’engâ kur sunda mi. Ang irang nga tinda yam tita hi sumid’a á wurak nge nge pî yam tit mamba, yam sun mam mba mi lata mi.

Jeremi 46:23

Ma didina mi de kua ala: Agu mat ta kal ndindik ka sa ndak á kal adigat tuo d’a pî, a mba kat kä woyo, kayam suma djangûna ablaud’a kal djera, sa ndak á ndumuzi d’i.

Jeremi 50:32

Ta subur tata mba d’i ka azlard’eid’a, ti puk kä. Sama mba mi tcholot akulona nga d’i. An mba ni do azì mat ma nglona akud’a, mba d’i ngal yima nguyutna woi pet mi.

Jeremi 52:13

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Jeremi 6:19

Agi suma yam andagad’ina pet, agi humugiya! Gola! An nga ni mba ki ndaka yam sum ndazina. Ni wurak ka yam djib’er mazid’id’a, kayam a tin nga humazi yam zla manda d’i, a gol gat manda is mi.

Jeremi 6:29

A nga le vigina ngola; kawei ma ane’â mi gakud’a, mi lau woyo. A tchi tazi á le vigina ni hawa na, zozot ta atazid’a nga d’i yak kei d’i.

Jeremi 9:25

Ma didina mi dala: Burâ nga mi mba, an mba ni mba á ngop suma a ngat bayâ d’a lop ir sumid’ina,

Hor ma tchina 2:3

Kur ayî mam ma bibiliuna, mi kus ad’enga hi Israel-lîd’a woi pet. Ata yima mazi ma djangûna mi mbana, mi arazi bei ndjunda. Mi do akud’a ata suma hi Jakob-ma, ti ngal yina ti nguyuzi woi d’uhl mi.

Ezekiyel 21:3

Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.

Mise 7:13

Andagad’a handjaf suma dingîd’a mba d’i mbut djona yam suma a nga kaka kurutna, yam sun mazi d’a le d’a tchod’a.

Zakari 11:1

Ndak ambas sa Liban-nda, ndak mal lovot maka woyo, ar akud’a ti ngal agu sedre ma’â.