Jeremi 20:10 - Bible azumeina

¹⁰ An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Jeremi 20:10 Kruisverwysings

1 Amuleina 19:2

Ata yi máma Jezabel ti ge sunda ata Elie, ti dum ala: Avin aboina hina dedege, le an tchang nga d’igi ang tchi suma djok vuna hi Bäl-lâ hina d’uo ni, ar alo ma teteng mi mban ndak ka ngol la kala kanu!

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

1 Amuleina 22:27

Ang dazi ala: Amulâ mi he vuna ala: Agi gagi sama wana dangeina, agi hum tena ngol luo mi na, agi hum mbina ngol luo mi, gak an hulongî avo ki halasa tua.

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

Wana ni mbaktumba hi Job-pa 19:19

Buniyôn suma kokodjona a golon ni vama ndjendjed’a, buniyôn suma an le kazi heîna a han azigazi mi.

Sawal la giled’a 31:13

Azi mar kan d’igi sama mit teina na; an mbut ni d’igi vama ba woina na.

Sawal la giled’a 31:14

An hum zla d’a tcho d’a suma ablaud’a a nga minit kanda; mandarâ mi nguyun ata yina pet. Ata yima azi nga ndjak vunazi kana, a nga hal lovota á tchan ndeyo.

Sawal la giled’a 41:10

Banan ma kokodjo ma an tin hurun kama ni ma nga mi te tena ki sed’ena, mi mbut iram mi kak djangûna ki sed’enu.

Sawal la giled’a 41:9

Mi dap wa ata zla d’a tchod’a! Gola! Mi nga ged’a kä! Mi dok tchol akulo d’uo d’a!

Sawal la giled’a 57:4

Ei ata yi mang ma akulona, ang sud’unu. Ar sama nga mi digin ad’una mi mbut zulona, ang tagan o mang nga didinda ki gagazi manga mi. Tchol ndjö

Zla d’a d’ogolâ 10:18

Sama nga mi ve sana kurum gumuna ni sama ka zlad’a, wani sama lilid’a nga mi tchuk zla d’a aboina yam ndrama aduk suma.

Jeremi 1:19

Azi mba durung ayîna, wani azi mba kus kang ngi, kayam an nga zlapa ki sed’eng á sud’ung ngeyo. An Ma didina ni de na.

Jeremi 11:19

Wani an ni d’igi timi ma kukud’ok ma a im ata yima ngatina na. An we nga vunazi ma ndjak ma a ndjagam kan ala: Ei tchi angusâ woi ki vud’umu; ar ei kam mbei yam andagad’a hi suma a nga ki irazina, ar sa mi djib’er yam simiyêm bugol luo d’angû na d’i.

Jeremi 11:21

Ni kayam ndata ba, Ma didin ma ad’engêm kal petna mi nga ki va á de mi suma Anatot ndazina. Ni suma a hal á tchana, a dan ala: Ang ar bei djok vuna ki simiyê Ma didina. Le d’uo ni, ang mba mit akulo hur abomiya!

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 20:3

Tcha ndjivinda, Pasehur mi galeina asem Jeremi woyo. Jeremi mi dum ala: Ma didina nga mi yang ala Pasehur ruo d’a, wani nga mi yang ala Mandarâ mi ngui ata yina pet.

Jeremi 37:13

Kid’a mi mbaza avun agre’â hi Benjamin-nid’a, ma ngolâ hi suma ngom yina ma a yum ala Jireya na, ni Selemiya goroma, ni Hananiya gorom ngolona, mi nga kua. Mi ve ma djok vun Alona Jeremi, mi dum ala: Ang i naduk suma Babilon-na!

Jeremi 6:25

Ar agi buzugugi abagei kel li, agi tid’igi hur lovota d’i, kayam ma djangûna mi nga kua ki mbigeu mam mba fiyaka abomu. Mandarâ mi nguyi kä ata yina pet.

Ezekiyel 22:9

Suma tchuk zla d’a aboina yam suma á tchi sumina a nga kurungû. Suma a tahle suma a hazi mi fileina akulo yam ahuniyônina a nga kurungû, suma a nga le sun nda batrangina a nga kurung mi.

Daniel 6:4

Kayam ndata, ndrom suma sunda ki satrap-ma a nga hal lovota á tchugum zlad’a kam yam sun nda le d’a kur leud’id’a. Wani azi fe nga yina d’oze tchod’a atam tu d’i, kayam mam mi ma d’engzeng ma a fe nga va kam mbuo ma a fe nga vama tcho atam mbuo mi na.

Wana ni Zla d’a Djivi d’a Luc mi b’irita 20:20

Kayam ndata, azi nga tchiged’emu, a tchuk led’et suma a nga golozi d’igi suma d’ingêrâ na na á vum ki zla d’a avunamba á hum abo suma te yamba, á ka sariyad’a kam mi.

Sunda hi suma a sunuzinid’a 24:13

Azi ndak á fe vama tak abu ala zla d’a azi nga tchugut kanda ni zla d’a gagazid’a na d’i.

Sunda hi suma a sunuzinid’a 5:33

Wani kid’a azi hum zla ndatid’a, huruzi zal ngola, a min á tchi suma a sunuzina.

Sunda hi suma a sunuzinid’a 7:54

Kid’a suma b’ak zlad’a a hum zla ndatid’a, huruzi zal ngola, a mut siyazi atamu.