Jeremi 2:8 - Bible azumeina

⁸ Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jeremi 2:8 Kruisverwysings

1 Amuleina 18:22

Ata yi máma Elie mi dazi ala: An tu ni ma djok vuna hi Ma didina ma arâ, wani suma a djok vun Bäl-lâ a ni kikis fid’i yam dok vahl.

1 Amuleina 18:29

Kid’a afata leng da d’a, azi nga yi Bäl akulo kua, azi tchi ki hur ma hata gak fladege d’a azi hahle suma ngat buzuna kuad’a, wani sa hulongôzi nga zlad’a de tu d’oze vama simat tu d’uo.

1 Amuleina 18:40

Elie mi dazi ala: Agi vigigi suma djok vuna hi Bäl-lâ, ar sa adigazi mi sut tu d’i. Azi vigiziya. Elie mi i ki sed’ezi kä avun toliyon nda Kison-nda, mi ngad’azi woi kua.

Wana ni mbaktumba hi Job-pa 35:10

Wani sa tu pî mi de nga ala: Alo ma mi lan ma nga mi mba ki sawal la furîd’a andjegena mi ni lara ge d’i.

Isai 28:7

Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Isai 29:10

Ma didina mi burugi sen ma ngolâ. Agi suma djok vuna mi dugugi iragi woyo. Agi suma wagi ahle suma a nga mbana, mi zlubugi ahlena woi iragi mi.

Isai 30:5

azi pet a mba mbut zulona abo suma a ndak á le vama djivi ki sed’ezi d’uo na, d’oze á ndjunuzi d’oze le vama ding tu kazi d’uo na, wani a mba mbut ni vama mi mangâzi woina.

Jeremi 10:21

Jeremi mi dala: Kayam suma pola yazi d’i vit teyo, a hal nga Ma didina d’i. Kayam ndata, a kid’ak keyo, suma azi polozina pet a ndjoî woi mi.

Jeremi 12:10

Suma pola ablaud’a a b’lagan asine man ma guguzlud’a, a mired’em kä kaseziya, a mbud’un asine man ma an hurun vun heîna hur ful ma va nga kua d’uo na.

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 2:11

Andjaf ma ding ma mi mbut vrak alo mam ma ala nalo ma gagazina d’uo na woi ki ndramina yam tu zu? Wani sum mana a vragan Subur mazid’a balum vama mi ndak nga á ndjun sa d’uo na!

Jeremi 2:6

A de nga ala: Ma didin ma mi buzugï woi kur ambas sa Ezipte-d’a ma mi tit ki sed’ei abagei hur fulâ ma mi tit hur ful ma d’ad’au ma angrifâ nga kua na ma mi tit ki sed’ei kur andaga d’a so d’a matna nga kua d’a ma mi tit ki sed’ei kur andaga d’a sa nga mi tit kua d’oze d’a sa nga mi kak kua d’uo d’ina, mi nga ni lara ge d’uo zu?

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Jeremi 7:8

Wani agi nga tinigi hurugi ni yam zla d’a mbut ir ra zlat nga d’uo d’a.

Jeremi 9:14

Kayam azi tit ni yam djib’er ra kuruzi krovo d’a bei wad’ud’id’a, azi tit ni bugol Bäl d’igi abuyozi a had’azi na mi.

Ezekiyel 22:26

Mat suma ngat buzuna a nga tchila yam gat manda, a nga mbut yi man ma an tinim iram vama ndjendjed’a, a nga wal ir vama an tinim iram vama woi ki vama ndjendjed’a d’i, a nga wal ir vama ndjendjed’a woi ki vama yed’etna d’i, a nga djib’er yam bur man ma sabatna d’uo mi. Kayam ndata, a mbud’un ndjendjed’a adigaziya.

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Habakuk 2:18

Agu ma sama d’alâ nga mi tched’em d’igi angusa na na, zlamî zla me ge? Kawei ma sana yorom d’igi angus vana na na, mi hat ni zla d’a kad’a. Ni kayam me ba sana mi tin hurum yam filei ma ngel mam minim máma ge?

Matiye 16:26

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge? D’oze, vama sana mba mi hum á vrak blangâm mam tambina ni me ge?

Wana ni Zla d’a Djivi d’a Luc mi b’irita 11:52

Ni zla d’a hohoud’a kagi agi suma hat gata, kayam agi hlagi vun lakled’a hi ned’id’a woyo. Agi tagi nga kalagi kua d’i, wani suma a min á kal kuana, agi nga d’eleziya.

Jean 16:3

Azi mba lagi hina kayam azi we nga Abun ndi, a wan nga an nduo mi.

Jean 8:55

Agi wum nga d’i, wani an wumu. Ladjï an dala: An wum nga d’uo ni, an mbut ni sama ka zlad’a d’igi agi na mi. Wani an wumu, an nga ni ge yan kä ad’u zla mamba mi.

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

Gat ta a hat á mbàd’id’a 33:10

Ni azi ba, a nga hat vun mang ma hed’a mi suma hi Jakob-ma, a nga hat gat manga mi Israel-lâ, a nga he dubang ma his djivid’ina kahle suma ngat buzu suma ngala yam yi mang ma ngal ahle suma ngat buzuna mi.

1 Samuel 12:21

Ar agi walagi woi ki sed’em á le sunda malo ma hawa yak ma ndak á ndjun sa d’oze ma ndak á sut sa d’uo na d’i, kayam mam mi alo ma hawa ya’â.

1 Samuel 2:12

Eli groma ni suma zlazi nga d’uo na, a we nga Ma didina d’i.