Jeremi 2:5 - Bible azumeina

⁵ Ma didina mi dala: Abuyogi ngolo a fe ni tcho me atan ba, a wal lei dei ki sed’en á zlap tazi kahle suma hawa ya’â, á mbut tazi vama hawa ya’â mi ge?

Jeremi 2:5 Kruisverwysings

2 Amuleina 17:15

Azi ar gata hAlonid’a ki vun ma djin ma mam djinim kabuyozi ngolona ki ge hum mba mi gazi humazi kad’engid’a woyo. Azi i bugol ahle suma hawa ya’â, azi tazi a mbut tazi vama hawa ya’â mi. Azi tit bugol andjaf suma nguyuzi suma Ma didina mi dazi ala a tit blogozi d’uo na.

Sawal la giled’a 115:8

Suma a lazina ki suma a tin huruzi kazina, a hle tazi ni d’igi azi tazid’a na mi!

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Isai 44:9

Suma a min fileinina pet a ni va d’i, sun mazi d’a djif ndata nga d’i lazi va d’uo mi. Azi ni glangâsâ hi filei mazi máma, wani a nga we d’i, a nga wäd’u zla d’uo, a mba mbut zulona mi.

Isai 46:12

Agi suma hurugi b’ala suma walagi woi dei ki d’ingêrina, agi humugiya.

Jeremi 10:8

Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Jeremi 12:2

Ang pazi ni angû. Sideyezi nga mi sir kä, a nga wula, a nga vud’a, a nga yang simiyêng ki vunazi burâ ki burâ, wani huruzi woi dei ki sed’engû.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Jeremi 2:4

Agi suma hi Jakob-ma, agi humugi zlad’a hi Ma didinid’a. Agi andjafâ hi Israel-lîna pet, agi humugi mi.

Jeremi 8:19

Gola! Del la tchina hi sum manid’a, ti tcholï yam andaga d’a deid’a, ti dala: Ma didina mi nga kur Siyon d’uo d’ang zu? Amul matna mi nga kurut tuo mi zu? Ma didina mi dala: Ni kayam me ba, azi zalan hurun kangus ahle mazi suma tcheta kahle suma hawa ya’â hi suma dingîna ge?

Ezekiyel 11:15

Ang gor sana, suma a nga kaka Jerusalem-ma a de mi Israel suma a yozi magomba sumala ni b’oziyongâ nandjavangû na pet ala: Ar agi kagagi sä woi dei ki Ma didina, kayam ambas sa wanda a hamizi ni mi ami ki irami fafat!

Ezekiyel 14:5

Hina wani, zlad’a mba d’i ve Israel suma a wal ki sed’en yam filei mazi ma tetengâ kuruzi krovo.

Jonas 2:8

Ata yima an nga ni lá matnina, an djib’er kangû. Ma didina, tchen man nda an tchenenga, ang humunï kur gong mang nga kud’ora.

Matiye 15:8

Sum ndazina a nga hun ni ki vunazi hawa, wani huruzi woi dei ki sed’enu.

Sunda hi suma a sunuzinid’a 14:15

a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

Gat ta a hat á mbàd’id’a 32:21

Azi nga tinin á le yungôra yam alo ma ka zlad’a, a nga djon ki filei ma tuwala. An tan mba ni tinizi á le yungôra yam suma ala nandjaf ma gagazi d’uo na, an mba ni djozi kandjaf ma bei ned’a mi.

1 Samuel 12:21

Ar agi walagi woi ki sed’em á le sunda malo ma hawa yak ma ndak á ndjun sa d’oze ma ndak á sut sa d’uo na d’i, kayam mam mi alo ma hawa ya’â.