Jeremi 2:37 - Bible azumeina

³⁷ Agi mba buzugugï sä kua yagi tchoka kä, kayam an Ma didina nga ni noî suma agi tinigi hurugi kazina woyo, agi mba fagi djivid’a atazi d’uo mi.

Jeremi 2:37 Kruisverwysings

2 Samuel 11:12

Amulâ David mi dum ala: Ang kak ka hî ini gak ndjivin tua ba, an arang lovota. Uri mi ar kaka avo Jerusalem kur bur máma gak yina fö.

2 Samuel 13:19

Tamar ti ko butna kad’u, ti haû barud’a woi atad’u, ti tchuk abot kat nga d’i i ki tchina.

2 Sunda Hamuleinid’a 13:12

Gola! Alona mi nga ki sed’emiya, mi nga mi tit avoromiya, mam suma ngat buzuna a nga kaduvei suma tchina á bud’a á tagami lovota á dur ayîna ki sed’egiya. Agi Israel-lâ, ar agi durugi ayîna ki Ma didina Alona habuyogi ngolona d’i, kayam agi ndak á kus kam mbi.

Isai 10:4

Agi mba hulongôgi yagi kä zlapa ki suma a yozi magombina, agi mba pugugi kä aduk suma a tchazina. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 28:18

Vun magi ma djin ma agi djinim ki matnina, mba mi but teyo, bana d’a agi vat ki yima azuleinid’a, mba d’i but tei mi. Fata tugud’ei d’a tcho d’a tchi matna ti ndja abot tei ti kala, mba d’i mired’egi kä kased’u.

Jeremi 14:3

Suma nglona a nga sun azungeî mazina á gul mbina. Azi i kur golongeîna, a nga fe mbina d’i, a nga hulong kagolongeî mazina huruzi hawa, a mbut zulona, a mang ngeyo, a tchok yazi kä abo zulona.

Jeremi 14:4

Andagad’a ti wak ngongok, kayam alona nga mi se yam ambasa d’i. Suma zuma a mbut zulona, a tchok yazi kä abo zulona.

Jeremi 17:5

Ma didina mi dala: Sama mi tin hurum yam sana d’oze mi deng tam yam sana mi wal lei ki an Ma didinina, an nga ni gum vuna.

Jeremi 2:36

Ni kayam me ba, agi mbud’ugi djib’er magid’a atogo hina zak á mbud’ugi lovot magid’a ge? Zulona mba mi vagï avo Ezipte, d’igi mi vagï avo Asiri na mi.

Jeremi 22:20

Ndak Jerusalem, ndak djak akulo Liban, ndak er ad’uk akulo, ndak de zlad’a ki delek akulo kur Basan, ndak tchi wulula kur ahina d’a Abarim-mba, kayam a tchi wa suma a le kak heîna woyo.

Jeremi 22:30

Mi dala: Ar a b’ir sa máma d’igi sama bei grona na, ni sama mi fe nga djivid’a kur kak mamba d’uo na. Andjavam tu pî mba mi fe lovota á kak yam zlam mba amula hi David-ta d’i, tu pî mba mi fe lovota á te leud’a yam azì ma Juda-na d’uo mi.

Jeremi 32:5

Amul ma Babilon-na mba mi i ki Sedekiyas Babilon, mba mi kak sä kua gak bur ma an mba ni duma. Le agi durugi ayîna ki suma Babilon-na pî, agi mba kuzuzi d’uo ge?

Hor ma tchina 4:17

Irami ti kau hawa kau á djup ma ndjunumina, ami djubumi andjaf ma mba á sud’umina tatâ pî, wani mi mba nga d’i.

Ndumba 14:41

Moise mi dazi ala: Ni kayam me ba, agi tchilagi yam vun ma hed’a hi Ma didinina ge? Agi mba ndagagi d’i.