Jeremi 2:36 - Bible azumeina

³⁶ Ni kayam me ba, agi mbud’ugi djib’er magid’a atogo hina zak á mbud’ugi lovot magid’a ge? Zulona mba mi vagï avo Ezipte, d’igi mi vagï avo Asiri na mi.

Jeremi 2:36 Kruisverwysings

2 Sunda Hamuleinid’a 28:16

Kur atchogoi ndata amulâ Ahas mi sun ata amul ma Asiri-na ala mi ndjunumu,

Isai 20:5

Suma a tin huruzi yam suma Etiyopi-na ki suma a subur tazi yam suma Ezipte-nina, tazi mba d’i tchuk susub’ok, zulona mba mi lazi mi.

Jeremi 2:18

Ki tchetchemba, ni djiviya me kagi á hulongôgi Ezipte á tchagi mbiyo alum ma Nil-lâ ge? Ni djiviya me kagi á hlagi lovot ta Asiri-d’a á tchagi mbiyo alum ma Efrat-na ge?

Jeremi 2:23

Ni nana ba, agi mba dagi ala: Ami mbud’umi nga tami ndjendjed’a d’uo, ami zlabami nga ki Bäl á kud’urom mbuo ge? Gola! Asegi mi kä kur hora wana, agi wagi vama agi luma. Agi ni d’igi djambal la arop pa afefet ta i abo hî i abo hî d’a na.

Jeremi 2:33

Gagazi, agi wagi lemba kur tit magid’a á halagi lovot ta le mizeuna, gak agi mbud’ugi suma had’agi suma lovot ta le tchod’ina.

Jeremi 22:20

Ndak Jerusalem, ndak djak akulo Liban, ndak er ad’uk akulo, ndak de zlad’a ki delek akulo kur Basan, ndak tchi wulula kur ahina d’a Abarim-mba, kayam a tchi wa suma a le kak heîna woyo.

Jeremi 22:22

Mak suma pola, simetna mba mi torozi woi pet; suma a le ka’â a mba yozi magomba. Ata yi máma ndak mba d’i mbut zulona, ndak mba d’i mang ngei yam asa’at ta ndak lata.

Jeremi 31:22

Ndak gor wei d’a bei hum vuna ba d’a, ni mindja ba, ndak mba d’i ar tcha mak ka tatad’a woi ge? Kayam an Ma didina ni min nga vama awilina yam andagad’a, natchad’a ba, mba d’i hal mandjufâ.

Jeremi 37:7

Ang dazi ala: Ma didina Alona hi Israel-lîna mi dala: Agi dagi mamul ma Juda ma mi sunugï geven á djobona ala: Gola! Azigarâ hi Faron suma a mbeï á ndjunugina, a nga hulong yam ambas mazid’a avo Ezipte.

Jeremi 46:12

Andjaf suma a hum yam zulo ma’â. Tchi ma’â mi b’rau wa woi yam andagad’a pet, kayam ma dur ayîna mi dap tam ki ndrama, azi djak a puk kä.

Hor ma tchina 4:17

Irami ti kau hawa kau á djup ma ndjunumina, ami djubumi andjaf ma mba á sud’umina tatâ pî, wani mi mba nga d’i.

Hor ma tchina 5:6

Ami nga mad’ami abomi mi suma Ezipte-na ki suma Asiri-na á hami te ma ndagamina.

Ezekiyel 16:28

Ndak le gaulangâ ki suma Asiri-na, kayam d’od’ok maka dap nga d’i, ndak le gaulangâ ki sed’ezi hina pet pî, ndagak nga d’uo tua.

Ezekiyel 29:7

Kid’a azi vabozi atanga, ang kus seyo, ang hôzi pepelezi ngata hôhô. Kid’a azi deng tazi atanga, ang kus seyo, ang tozi furuzi kä lod’ot.

Wana ni mbaktumba hi Oze-d’a 10:6

A mba i ki sed’em he d’a hawad’a mamul ma ngol ma Asiri-na. Suma Efraim-ma a mba tchuk susub’ok, Israel-lâ a mba mbut zulona yam nga hur mazina mi.

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Wana ni mbaktumba hi Oze-d’a 14:3

Amul ma ngol ma Asiri-na mba mi sud’umi d’i, ami mba fulumi yam akulumeina d’i, ami mba dami mi sun nda ami lat kabomid’a ala: Nda’î alo mamina d’uo d’a. Kayam ni ang ba, we hohowa ma hokuyod’a.

Wana ni mbaktumba hi Oze-d’a 5:13

Suma Efraim-ma a we tugud’ei mazid’a, suma Juda-na a we mbil mazina. Suma Efraim-ma a ge sunda ata amul ma ngol ma Asiri-na. Wani amul máma mi nga kad’enga á sud’uzi d’oze a hazi kumana yam mbil mazina d’uo mi.

Wana ni mbaktumba hi Oze-d’a 7:11

Suma Efraim-ma a mbut ni d’igi gugu d’a yat nga d’uo d’a bei wad’ud’a ba d’a na, a nga yi Ezipte-na, a nga i Asiri mi.