Jeremi 2:32 - Bible azumeina

³² Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Jeremi 2:32 Kruisverwysings

Ad’u Tinda 24:22

Kid’a djambala ndak dad’a, mi hle ngangam ma lor ma ngal wiwilik ma anegem ndak grama karagayana, mi nigittchi atchinad’u, mi yo wulak ka lor ra mbà d’a aneget kal grama kisa, mi tchuguttchi del abot abot mi,

Ad’u Tinda 24:30

Kayam mi we ngangama ki wulaka abo wiyemba, mi hum zla d’a wiyemba Rebeka dumzi ala: Sa máma mi dan na, mi dan na d’a, mi i gen sama nga tchola ki djambala avun golongina.

Ad’u Tinda 24:53

Mi buzugï ahle suma a yorozi ki kawei ma hapma ki lorina woi abu ngola ki baruna, mi hazi mi Rebeka, mi hahle suma guzuzi kal teglesâ mi wiyetna kasut mi.

2 Samuel 1:24

Agi arop suma Israel-lâ, agi tchigi yam Saul mam ma mi tchugugi baru d’a hleu d’a subura atagina, ma mi tchugugi ahle suma lora ata baru maginina mi.

Sawal la giled’a 106:21

Azi mar Alo ma sud’uzi ma lahle suma ndandalâ avo Ezipte-na woyo,

Sawal la giled’a 9:17

Ma didina mi tak tam mbeyo, mi ka sariya d’a d’ingêra; sama asa’atna nga mi ve tam ki dau ma mam tam gunuma. Tchol ndjö

Isai 17:10

Agi Israel-lâ, agi maragi yam Alo ma sud’ugina, agi djib’eregi nga yam ahina magi d’a ad’enga d’i. Kayam ndata, agi pagi nagu ma agi tinigi hurugi kama, agi pagi nandjaf guguzlud’a hi suma dingîd’a.

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Jeremi 13:10

Sum ndazina ni suma asa’at suma a noî á hum zla mandina, ni suma a nga tit kur djib’er mazi d’a kuruzi d’a krovo d’a yam mba ad’engid’a, ni suma a nga zlap kalo ma dingâ á lum sunda, á kud’urom mi na. Ar azi mbut ni d’igi d’ik ma mi b’lak kei ma mi ndak á le vama djivi d’uo máma na mi.

Jeremi 13:25

Ma didina mi dala: Ndak Jerusalem, wana ni vama an ngaksi ka’â, wana ni b’rau maka, kayam ndak maranu, kayam ndak tin huru’î yam zla d’a kad’a mi.

Jeremi 18:15

Wani sum mana a maran ndeyo, a nga ngal dubang ma his djivid’ina mi filei ma hawa ya’â, a nga lá puka kä kur lovot mazid’a, a ar lovot mazi d’a adjeud’a woyo, a nga tit kur lovot ta sa nga mi tit kua d’uo d’a.

Jeremi 2:11

Andjaf ma ding ma mi mbut vrak alo mam ma ala nalo ma gagazina d’uo na woi ki ndramina yam tu zu? Wani sum mana a vragan Subur mazid’a balum vama mi ndak nga á ndjun sa d’uo na!

Jeremi 2:33

Gagazi, agi wagi lemba kur tit magid’a á halagi lovot ta le mizeuna, gak agi mbud’ugi suma had’agi suma lovot ta le tchod’ina.

Jeremi 23:27

Azi hal á maran simiyên ndei ir sum mana kadï mazi d’a de d’a azi nga vat ad’ut mi tazid’a d’igi abuyozi ngolo a maran simiyên ndei yam Bäl na mi.

Jeremi 3:21

A nga hum dela yam ahuniyô suma fuyogeina. Ni tchina ki tchen nda hud’a hi Israel-lîd’a, kayam azi mbut lovot mazi d’a gunda kur tit mazid’a, a mar rei yam an Ma didina Alo mazina mi.

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Wana ni mbaktumba hi Oze-d’a 8:14

Israel-lâ a mar yam an ma lazina, a min azì ma amula. Suma Juda-na a min azì ma nglo ma ad’eng ma ngunguna ablaud’a. Wani an mba ni do azì mazi ma nglo máma akud’a. Akud’a mba d’i ngalazi azì mazi ma djifâ woi mi.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.

Suma ka sariyad’a 8:34

Israel-lâ a nga djib’er yam Ma didina Alo mazi ma mi prud’uzi woi abo mazi suma djangû suma a nguyuzina d’uo d’a.