Jeremi 2:3 - Bible azumeina

³ Ma didina mi dala: Agi Israel-lâ, agi mi sum mana, agi ni d’igi awu ma ne avo’â na. Suma pet suma a dogina, a halî zlad’a ki anu, ndaka mba d’i mba kazi atogo hina zak mi.

Jeremi 2:3 Kruisverwysings

Buzuk ka Abud’a 22:29

Agi lagi lilinga á han awu magina ki vud’agu magi ma ne avo’â d’i. Agi handï grogi suma a vut avo’â.

Buzuk ka Abud’a 23:16

Agi ngomogi vun til ma yam awu ma ne avok kur asine maginina, kahle suma agi mba zaragizi kur asine maginina mi. Agi ngomogi vun til ma dut awuna kur dabid’a hi bizad’a ata yima agi togogi awu ma kur asinena avo petna.

Isai 41:11

Gola! Suma pet suma huruzi mi zal kagina, a mba mbut zulona, a mba mang ngeyo. Suma a nga tchi tuguyod’a ki sed’egina, a mba mbut ni vama hawana, a mba dap peyo.

Isai 47:6

Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

Jeremi 12:14

Ma didina mi dala: An nga ni de zlad’a yam andjaf suma asa’at suma a ngui sum mana suma a do sum mana yam andaga d’a an hat mi man suma Israel-lîd’ina. An mba ni yozi woi yam andaga mazid’a, an mba ni yo suma Juda-na woi adigazi mi.

Jeremi 2:4

Agi suma hi Jakob-ma, agi humugi zlad’a hi Ma didinid’a. Agi andjafâ hi Israel-lîna pet, agi humugi mi.

Jeremi 30:16

Kayam ndata, suma a nga tagi d’igi suma a te hliuna na na, a mba tazi mi; magi suma djangûna pepet, a mba izi magomba; suma a nga b’ad’agi ahligiyegina, a mba b’ad’azi mazina mi; suma a nga hurumugi ahligiyegina, a mba hurumuzi ahligiyezi na mi.

Jeremi 50:7

Suma a fazina a nga mud’uziya. Mazi suma djangûna a nga dala: Zla nga kami d’i, kayam ni azi ba, a le tchod’a avok Ma didin mala ni Sala d’ingêrâ na, a le tchod’a avok Ma didin mala ni Hur ma tinda habuyozi ngolona na mi.

Joel 1:3

Agi dagizi woi mi grogina, ar grogina a dazi woi mi grozina, grozina a dazi woi mi suma kur atchogoi d’a sä avokina mi.

Amos 6:1

Ni zla d’a hohoud’a yam agi suma nga kaka halas kur Siyon-na, yam agi suma nga kaka tchugot yam ahina d’a Samari-d’ina mi. Agi ni suma avok andjaf suma ma Israel-lâ a nga i gevem á hal ndjundina!

Habakuk 1:11

Ad’engêzi nga d’i i avogovogo, nga d’i kal d’igi simetna na; ad’engêzi nalo mazina.

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Zakari 2:8

Ma didin ma ad’engêm kal pet ma ganï sundina, mi de zla d’a ndaka yam andjaf suma a hurumugina ala: Sama lara ma dogina mi don ni iran nda aduka.

Ndumba 18:12

An hang ahle suma avok suma a mba handjina, nala, mbul ma djivi ma kalâ pet, süm guguzlu ma ayî ma kalâ kawuna mi.

Romê-na 11:16

Le avungô ma avo’â a tinim iram vam mAlona ni, ad’um mba ara ni mama mi. Le sidei aguna a tinim iram vam mAlona ni, abomî mama mi.

Romê-na 16:5

Agi gagi Tok ka avo hatazid’a depa mi. Agi gagi Epenet man ma o ma mi he gagazid’a yam Christ avok kikidji kur ambas sa Asi-d’ina depa.

Efes-sâ 1:4

Mi manei zlapa tu ki Christ avok dei bei ad’u tinda hi duniyad’a, kayam ei kagei sum mama bei zlad’a kei ba avoromu.

Gat ta a hat á mbàd’id’a 14:2

Kayam agi ni suma a tinigi iragi vagi mi Ma didina Alo maginina, Ma didina Alo magina mi managi á kak sum mama tazid’a aduk suma pet suma yam andagad’ina.

Gat ta a hat á mbàd’id’a 26:19

Mi min ala agi kagagi ni suma avo’â yam andjaf suma pet suma mi lazina, kur subura, kur simi ma yid’a, kur ndak ka memeta mi. Mi min ala agi kagagi ni sum mam suma mi tinigi iragi vagi yam sun mamba d’igi mam dagi na.

Gat ta a hat á mbàd’id’a 7:6

Kayam agi ni suma a tinigi iragi vagi mi Ma didina Alo maginina. Mi managi ni kayambala agi kagagi ni sum mama tazid’a aduk suma yam andagad’a ka hina ped’u d’a.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Vama ndum mbeina 14:4

Azi ni suma a mbut nga tazi ndjendjed’a karopma d’uo na, ni suma a ngom tazi ped’etna, ni suma a nga tit ad’u Gor timina ata yima lara ge pet ma mam nga mi i kuana, ni suma a guzuzi aduk suma, a hazi mAlona azi ki Gor timina avok kikidjina.