Jeremi 2:28 - Bible azumeina

²⁸ An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

Jeremi 2:28 Kruisverwysings

2 Amuleina 3:13

Elise mi de mamul ma Israel-lâ ala: Vama ndolong ki sed’en ni me ge? Ang i djop suma djok vuna habungâ d’oze suma hasungâ. Amul ma Israel-lâ mi hulong dum ala: Nga na d’i! Ni Ma didina ba, mi yami ami amulei suma hindina ka hî á hami abo amul ma Mowap-ma.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Isai 46:2

Azi hom wa kä, a puk wa kä mi. Azi ndak á hle anek ndata woi d’i, azi tazi a nga izi magomba mi.

Isai 46:7

A nga hle filei máma, a nga zim keleziya, a nga tinim ata yamu. Mi arî ata yam máma na, nga mi djok kei d’i. Le a yum pî, nga mi hum mbi, nga mi sut sa woi kur yima ndaka d’uo mi.

Isai 57:13

Fata agi tchigid’a, ar filei magi ma ablauna mi prud’ugi woyo, ar simetna mi yozi woi pet, ar fod’a ti felezi woi mi. Wani sama ngei tam atana, mba mi tambasa djona, mba mi kak yam ahina man nda an tinit irat vata mi.

Jeremi 1:16

An mba ni kazi sariyad’a kazi yam asa’at mazid’a, kayam a aran ndei a ngal dubang ma his djivid’ina malo ma dingâ, a grif kä avok sun nda azi lat kabozid’a.

Jeremi 11:12

Ata yi máma suma Juda-na ki suma a nga kaka avo Jerusalem-ma a mba hulong gen alo ma ding ma azi nga hum dubang ma his djivid’ina. Wani mam mba mi sud’uzi woi ata yima ndaka mba kazi máma d’i.

Jeremi 11:13

Kayam agi nga kalona ngad’a yam azì ma nglo ma Juda-na gagang, agi tinigi yima ngal dubang ma his djivid’a ma zulona teteng ir palum mba Jerusalem-mba á ngalagi dubang ma his djivid’ina mi Bäl.

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Jeremi 37:19

Magi suma djok vun suma a djogogi vuna ala: Amul ma Babilon-na mba mi mba á durugi d’oze á dur ambas sa wanda d’uo na, a nga ni lara ge?

Wana ni mbaktumba hi Oze-d’a 10:1

Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Habakuk 2:18

Agu ma sama d’alâ nga mi tched’em d’igi angusa na na, zlamî zla me ge? Kawei ma sana yorom d’igi angus vana na na, mi hat ni zla d’a kad’a. Ni kayam me ba sana mi tin hurum yam filei ma ngel mam minim máma ge?

Habakuk 2:19

Ni zla d’a hohoud’a yam sama nga mi de magu ma a tuwalama ala: Ang tchol akulo na yam ma nga mi de mahina d’a a tuwalata ala: Ndak zlid’a na mi. Na ni a mba had’am zu? A gulud’uzi ni ki lora ki dorona mi, wani a nga muzuk ki.

Gat ta a hat á mbàd’id’a 32:37

Ma didina mba mi dazi ala: Alo magi ma hawa yak máma, mi nga ni lara ge? Ahina magi d’a hawa yak ka agi ring á ngei tagi atat ndata, ti nga ni lara ge?

Suma ka sariyad’a 10:14

Agi igiya, agi tchigi yam alo ma teteng ma agi manama, mi sud’ugi woi ata yima agi nga kur ndakina.