Jeremi 2:25 - Bible azumeina

²⁵ Agi gologi tagi djivi á tid’igi asegi hawad’a, ar delegi ti so kazas suo mi! Wani agi nga dagi ala: Ndata ni zla d’a hawa yaka! Ami minimi nalo ma dingâ, ami i zlabami ni ki sed’emu.

Jeremi 2:25 Kruisverwysings

2 Sunda Hamuleinid’a 28:22

Amulâ Ahas kur ndaka hina pî, nga mi i avogovok ki sun nda ata yat tuo d’a avok Ma didina.

2 Sunda Hamuleinid’a 28:23

Mi hahle suma ngat buzuna malona hi suma Damas ma nga mi durum ayînina, mi dala: Nalona hamulei suma Siri-na ba, nga mi ndjunuziya, an i ni hum he d’a hawad’a ngat buzuna, kayam mi ndjununu. Hina wani, mi mba ki b’laka kam ki Israel-lâ pet mi.

Isai 2:6

Ma didina, ang ar mang suma hi Jakob-ma woyo, kayam azi nga tuwal fileina ngola d’igi suma abo ma yorogona na, a nga djop fileina d’igi suma Filistê-na na, kayam azi zlap darigïd’a kandjaf suma dingâ mi.

Isai 57:10

Kur tit magi d’a kad’engid’a agi kawagiya, wani agi nga dagi ala: Ei areya d’i, agi fagi ad’eng nga dinga kua, agi nga seyêgi d’uo mi.

Jeremi 13:21

Ndak mba d’i de nana fata suma ndak had’azi á mbut buniyô’îna a mba mba á te kaka ge? Ndak mba d’i fe ndaka d’igi atcha d’a ti nde vutid’a na d’uo zu?

Jeremi 13:22

Le ndak mba d’i de kuruk ala: Ni kayam me ba, ahle ndazina a mba kan hina ge ni, djivid’a ndak wala ni kayam tcho mak ka ablaud’a ba, a yok vun baru maka akulo, a lak ki murud’umba wana.

Jeremi 14:10

Ma didina mi hulong de yam sum ndazina ala: Azi ni suma tcha tatana, azi ni suma a nga ve tazi hina kei d’uo na. An Ma didina tan nga d’i lan djivi kazi d’i, an djib’er yam tchila mazid’a, an mba ni ngobozi yam tcho mazid’a mi.

Jeremi 18:12

Wani a nga dala: Hawa yak! Ami tid’imi ni yam djib’er mamid’a, nge nge pî mi le ni ata djib’er ra yam mba ad’eng nga kurum krovod’a.

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Jeremi 22:20

Ndak Jerusalem, ndak djak akulo Liban, ndak er ad’uk akulo, ndak de zlad’a ki delek akulo kur Basan, ndak tchi wulula kur ahina d’a Abarim-mba, kayam a tchi wa suma a le kak heîna woyo.

Jeremi 22:21

Ata yima ndak nga kur ndjondjoîd’ina, an dak zlad’a, wani ndak dala: An min humung ngi. Wana ni tit maka ki gogorok dei. Ndak humun nga vunan ndi.

Jeremi 3:13

Mi de kua ala: Vama djivina ar agi wagi tcho magid’a, ar agi wagi ala agi sogi vunan an Ma didina Alo magina, agi walagi woi ki sed’enu, agi i zlabagi kalo ma dingâ ad’u agu ma angus ma lara, agi humun nga vunan ndi.

Jeremi 44:17

Wani ami tid’imi ni yam zla d’a lara d’a ndavunamid’a á ngal dubang ma his djivid’ina ki süm guguzlud’a mi Astarte amul la akulod’a, d’igi ami kabuyomi ngolo kamulei mamina ki mami suma nglona, ami lami adjeu kur azì ma nglo ma Juda-na ki ir palum mba Jerusalem-mba na. Ni kayam ndata ba, ami tamiya, ami hobomiya, ami lami furîd’a, ami wami nga ndak ki.

Hor ma tchina 1:2

Nga d’i tchi andjege, simina nga mi djang kä irad’u. Aduk suma a le katna pet, sama mi b’lengêt hurutna nga d’i. Buniyôtna pet a mbut ni suma a mbud’ut iratna, a mbut ni suma djangû matna mi.

Hor ma tchina 4:4

Gogor ma avun aponina vunam mi so, sinam ti b’al akulo ata d’id’igamu. Gugureina a nga hal tena, wani sama hazizina nga d’i.

Ezekiyel 20:32

Agi nga djib’eregi ala agi mba mbud’ugi ni d’igi andjaf suma yam andaga d’a dinga suma a nga kud’or aguna kahinad’ina na, wani ahle ndazina a mba le d’i.

Wana ni mbaktumba hi Oze-d’a 2:3

Agi dagi mi b’oziyogi suma andjofâ ala: Ammi (nala, Ni sum mana!) Agi dagi mi b’oziyogi suma aropma ala: Ruhama (nala, We hohoud’a!)

Wana ni mbaktumba hi Oze-d’a 2:5

Le d’uo ni, an mba ni fogot baruna atat tei pet, an mba ni arat gandilad’a d’igi ndat ti vud’ï kä adjeu na, an mba ni mbud’ut andaga mata hur ful ma so ma gangrasâ, an mba ni tchat tei ki vun ma sod’a mi.

Malatchi 3:14

Agi dagi ala: Ei tchi tei á le sunda mAlona ni hawa. Kid’a ei nga ngomei gat mamba ei tid’i ki hohoud’a avoromba, ei fei ni me abo Ma didin ma ad’engêm kal petna ge?

Wana ni Zla d’a Djivi d’a Luc mi b’irita 15:22

Wani abum mi de mazungeî mama ala: Agi mbeyegï atogo ki baru d’a djif fa kal teglesa, agi tchugumzi atamu, agi nigim ngangama abomu, agi tchugum atuguruna asem mi.

Wana ni Zla d’a Djivi d’a Luc mi b’irita 16:24

Mi nde mi tchiya, mi dala: Abun Abraham, ang wan hohowonu, ang sunï Lazar, kayam mi nik yam tchitchid’am aduk mbina, mi b’lengên ki sinanu, kayam an nga ni fe ndaka aduk akud’a heî.

Romê-na 8:24

Ni yam tin hurâ ba, ei fei ki suta. Wani le sana nga mi djup vama mi wuma ni, nga ni hur ma tinda d’i. Ni nge ba, mi djup vama mi wuma ge?

Gat ta a hat á mbàd’id’a 28:48

agi mba lagi magomba mi magi suma djangû suma Ma didina mba mi sunuzi atagina ki meid’a ki vun ma sod’a ki gandilad’a. Agi mba kid’agagi woi ata ahlena pet. Ma didina mba mi gagi djuk ma kaweina kelegi gak agi mba dabagi woyo.

Gat ta a hat á mbàd’id’a 32:16

Azi djo Ma didina ki sun mazi d’a ndjendjed’a, a zalam hurum ki kud’or ra azi nga kud’or alo ma dingîd’a mi.