Jeremi 2:20 - Bible azumeina

²⁰ Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 2:20 Kruisverwysings

1 Amuleina 12:32

Jerobowam mi le vun tilâ kur bur ma dogo yam vahlâ hi til ma klavandina d’igi vun til ma a lum avo Juda-na na. Mam tamba mi hahle suma ngat buzuna yam yima ngal ahle suma ngat buzuna. Wana ni vama a lum avo Betel-lâ, a hahle suma ngat buzuna mamuzlei suma a yorozina. Mi tin suma ngat buzu suma ding suma mam manazina ata yima nding ma mam minima.

1 Amuleina 14:23

Azi min yina ata yima ndingâ, a tchet ahinad’a, a tinit akulo yam ahuniyô suma djodjohlâ kad’u agu ma d’uf ma lara ge pet mi.

Sawal la giled’a 107:14

Mi buzuguzi woi kur dangeina, mi tchal kindjing mazina woi mi.

Sawal la giled’a 2:3

A dala: Ar ei tchalei kindjing ma azi djini ki na woyo, ar azi te kei d’i!

Sawal la giled’a 78:58

Azi nga zalam hurum ki tuwal la azi nga tuwal alona handjaf suma bei dingîd’a, azi nga zalam hurum ngola heî ki filei ma azi nga tcholom ata yina tetengâ.

Buzuk ka Abud’a 19:8

Israel-lâ ki zla tazi pet a hulong dum ala: Ami mba lami ahlena pet suma Ma didina mi de kazina. Moise mi hulong zla d’a ded’a hi Israel-lîd’a mi Ma didina mi.

Buzuk ka Abud’a 24:3

Moise mi mba, mi de zla d’a Ma didina mi dumzid’a ki vun ma he ma mi humzina pet mi Israel-lâ. Israel-lâ ki zla tazi pet a hulongôm zla d’a ded’a ki vun ma tuna ala: Ami mba lami ahlena pet suma Ma didina mi dami kazina.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Isai 1:21

Ang azì ma amul ma d’engzengâ, ni nana ba, ang mbut d’igi atcha d’a gaulangâ na ge? Angî ma a nga ka sariya d’a d’ingêra kurung adjeuna, angî ma a nga le sun nda irata kurung adjeuna mi. Wani ki tchetchemba, suma tchi matna a nga kaka kurungî aziya.

Isai 10:27

Kur bur máma Ma didina mba mi hlanek mazid’a woi hîhîngâgiya, mba mi hle djuk mazina kä woi kelegi mi, dju’â mba mi kus sei kelegiya.

Isai 14:25

An mba ni b’lak suma Asiri-na woi yam ambas manda, an mba ni mired’ezi kä kasen yam ahuniyô mana, an mba ni hle djuk mazina woi kel sum mana, an mba ni hlanek mazid’a kä woi yam sum mana mi.

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Jeremi 13:27

An we mizeu ma’â ki breî mak ka d’igi akulumeina na d’a ki gaulang mak ma akulo yam yima ndingâ kabagei kelâ, an we sun mak ka ndjendjed’a mi. Ndak Jerusalem, ni zla d’a hohoud’a kagu. Ndak mba mbut tak yed’et tuo hina gak mindja ge?

Jeremi 17:2

Wani grozina a nga djib’er yam yi mazi ma ngal ahle suma ngat buzuna mi fileinina teteng, yam agu mazi ma tchet ma a pum malo d’a a yat ala Asera-d’a teteng ma go kagu ma angus ma akulo yam yima ndingîna teteng mi.

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Jeremi 3:13

Mi de kua ala: Vama djivina ar agi wagi tcho magid’a, ar agi wagi ala agi sogi vunan an Ma didina Alo magina, agi walagi woi ki sed’enu, agi i zlabagi kalo ma dingâ ad’u agu ma angus ma lara, agi humun nga vunan ndi.

Jeremi 30:8

Ma didin ma ad’engêm kal petna mi dala: Fata yina ndaka, an mba ni kus djuk ma anek ma a gazizi kelezina woyo, an mba ni tchalam ziyom mbei mi. Ata yi máma andjaf ma ding mba mi lazi magomba d’uo d’a.

Jeremi 5:5

Wani an mba ni i gen suma nglona, ni de zlad’a ki sed’eziya, kayam azi ni suma a we minda hi Ma didinid’a ki gata hAlo mazinid’a. Wani azi tazi pet ni hina mi, a kus djuk ma kelezina woyo, a but vun mazi ma djin ma a djinim kAlonina woi mi.

Ezekiyel 16:28

Ndak le gaulangâ ki suma Asiri-na, kayam d’od’ok maka dap nga d’i, ndak le gaulangâ ki sed’ezi hina pet pî, ndagak nga d’uo tua.

Ezekiyel 16:31

Ata yima lara ma ndak min azì mak ma gaulangâ avun lovot ta lara ge ndak min yima ndingâ ata yima lara ge pet mi na, ndak nga d’i ve bege d’a wuraka d’igi atcha d’a gaulang nga hawad’a na d’i.

Ezekiyel 16:41

Azi mba ngalak aziyak ma tetengâ woi kakud’a, a mba kak sariyad’a kak kä ir aropma ablaud’a. An mba ni d’elek bei le gaulangâ, ndak mba d’i wurak sa bugol luo d’a.

Ezekiyel 20:28

An i ki sed’ezi yam ambas sa an hlabon akulo ni gun tan kat á hazizid’a. Ata yi máma azi we yima ndingâ kagu ma d’ufa. Ni kua ba, azi nga ngat ahle suma ngat buzu mazina, a nga he he d’a hawad’a kua á zalan ki hurunu, a nga ngal mbul ma his ma afufuîna, a nga he he d’a hawa d’a süm guguzlud’a mi.

Ezekiyel 23:5

Ohola tala ni manda d’a ti mbut tat gaulangâ, e’eû mat ta yam buniyôt suma Asiri-nid’a ti kal kad’u.

Wana ni mbaktumba hi Oze-d’a 1:2

Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.

Wana ni mbaktumba hi Oze-d’a 2:5

Le d’uo ni, an mba ni fogot baruna atat tei pet, an mba ni arat gandilad’a d’igi ndat ti vud’ï kä adjeu na, an mba ni mbud’ut andaga mata hur ful ma so ma gangrasâ, an mba ni tchat tei ki vun ma sod’a mi.

Wana ni mbaktumba hi Oze-d’a 3:3

An dat ala: Ndak mba d’i kak avo hatan tatâ, ar ndak le gaulangâ d’i, ndak ar tak mi sama ding nguo mi. An pî mba ni ar tan kak hina mi.

Wana ni mbaktumba hi Oze-d’a 4:13

A ngat ahle suma ngat buzuna akulo yam ahinad’a yat ta ked’iwurenga, a ngal dubang ma his djivid’ina akulo yam yima ndingâ, ad’u agu sena, ad’u agu pepliyena, ad’u agu tereben suma anguzuna b’uguma mi. Ni kayam ndata ba, grogi suma aropma a nga le gaulangâ, grogina amiyôzina a nga le mizeuna mi.

Wana ni mbaktumba hi Oze-d’a 9:1

Agi Israel-lâ, agi lagi furîd’a d’oze hur ma hapma d’igi andjaf suma dingâ na d’i, kayam agi walagi woi kAlo magina á lagi gaulangâ, agi nga minigi wurak ka ata yat tuo d’a ata yima lara ma a nga to gemena kuana.

Sunda hi suma hi Levi-nid’a 26:13

An ni Ma didina Alo magi ma buzugugï woi kur ambas sa Ezipte-d’ina tala agi kagagi magumei mazina d’uo d’a. An kus djuk ma kelegina woyo, an aragi agi tid’igi yagi akulo herengîleng.

Nahum 1:13

Ki tchetchemba, an nga ni kus djuk mazina woi kelegi á tchugugi akulo ad’u ad’enga hi magi suma djangûnid’a, an nga ni tchalagi erdje ma a djinigi ki na woi mi.

Gat ta a hat á mbàd’id’a 12:2

Moise mi de kua ala: Agi pleyêgi yima andjaf suma agi nga digizi woi wana a nga kud’or alo mazina kuana woyo, nala, yima yam ahuniyô suma fuyogeinina, yima yam ahuniyô suma djodjohlîna ki yima ad’u agu ma d’ufina pet mi.

Gat ta a hat á mbàd’id’a 15:15

Agi djib’eregi ala adjeu agi ei ni magomba kur ambas sa Ezipte d’a Ma didina Alo magina mi tchugugï woi akulo kura. Ni kayam ndata ba, an hagi ini vun ma he ma wana wana.

Gat ta a hat á mbàd’id’a 26:17

Agi dagi ini woi avok Ma didina ala mi arî Alo magina kayambala agi tid’igi kur lovot mamba, agi ngomogi gat mamba, vun mam ma hed’a ki vun mam ma hled’a, agi gagi yagi kä ad’u zla mamba mi d’a.

Gat ta a hat á mbàd’id’a 4:20

Wani agiya, Ma didina mi yogi mi buzugugï woi kur aku d’a für ra kaweina hi Ezipte-nid’a kayambala agi kagagi ni sum mama d’igi agi nga ini na d’a.

Gat ta a hat á mbàd’id’a 4:34

Alo ma ding ma mba, mi prut andjaf ma ding ma nga aduk andjaf ma dingâ á mbud’um sum mama kahle suma kuka, kahle suma simata, kahle suma yoyouna, kayî ma durâ, kabom ma ad’engâ ki bigam mba zid’a kam akulo zid’a, kahle suma ndandal suma mbut suma mandarâ hina pet d’igi Ma didina Alo magina mi le ki sed’egi avo Ezipte hina na nga zu?

Gat ta a hat á mbàd’id’a 5:27

Ang tang hut go, ang humï ahlena pet suma Ma didina Alo meina mba mi dangzina, ang mba hulongômi ahlena pet suma Ma didina Alo meina mba mi dangzina ded’a. Ami mba humuziya, ami mba lami sunda kazi mi.

Josue 1:16

Azi hulong de mi Josue ala: Ami mba lami ahlena pet suma ang hami vuna kazina. Ata yima lara ma ang mba sunumi kuana, ami mba imi kua mi.

Josue 24:24

A hulong de mi Josue ala: Ami mba lami sunda mi Ma didina, ami mba gami yami kä ad’u zla mamba mi.

Josue 24:26

Mi b’ir zla ndata kä kur mbaktum mba gata hAlonid’a, mi hlahina d’a ngola, mi tinit akulo kad’ut ad’u agu ma a yum ala sen ma nga kur yima a tinim iram vam mi Ma didinina na.

Vama ndum mbeina 17:1

Bugola, ma dingâ tu aduk malaika suma kid’iziya suma a nga ki angulei suma kid’iziyana abozina, mi dan ala: Ang mbeya; an mba ni tagang sariya d’a a mba kat yam atcha d’a gaulang nga ngol la aziyat mi nga minda avun alum ma tetenga.

Suma ka sariyad’a 10:6

Israel-lâ a nde le sun nda ding nga Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ kalo d’a a yat ala Asera-d’a, a nga kud’or alo ma teteng ma hi suma Siri-na, hi suma Sidon-na, hi suma Mowap-ma, hi suma Amon-na, hi suma Filistê-nina mi. A ar Ma didina woyo, a nga lum sunda d’uo d’a.

Suma ka sariyad’a 2:11

Israel-lâ a nde le sun nda Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ.

Suma ka sariyad’a 2:13

A ar Ma didina woyo, a nga kud’or alo ma a yum ala Bäl-lâ kalo d’a a yat ala Asera-d’a mi.

1 Samuel 12:10

Abuyogi ngolo a yi Ma didina kua á ndjunuziya, a dum ala: Ma didina, ami lami tchod’a, ami arang ngei á le sunda malo ma hawa yak ma a yum ala Bäl-lâ kalo d’a hawa yak ka a yat ala Astarte-d’a. Wani ki tchetchemba, ang sud’umi woi abo mami suma djangûna; ami mba lang sunda.