Jeremi 2:17 - Bible azumeina

¹⁷ Israel-lâ, ahle ndazina a mba hina pet ni kayamba agi aragi Ma didina Alo magina woi ata yima nga mi tagagi lovot ta djivid’ina d’uo zu?

Jeremi 2:17 Kruisverwysings

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

Wana ni mbaktumba hi Job-pa 34:27

Kayam azi wal lei ki sed’emu, azi tit nga yam gat mam tu d’i.

Wana ni mbaktumba hi Job-pa 4:8

An wala suma a nga zum sun nda ata yat tuo d’ina, ki suma a nga zar ndakina a nga dud’uzi vud’uziya.

Sawal la giled’a 107:7

Mi tagazi lovot ta d’ingêra kayambala a fe azì ma kaka d’a.

Sawal la giled’a 136:16

Ni ma buzuk sum mama woi abagei hur fulîna, kayam o mamba nga d’i dap pi.

Sawal la giled’a 77:20

Ang ge lovot manga kur alum ma nglona, ang kal tita kä kur galileina; sa nga mi wang balum aseng ngi.

Zla d’a d’ogolâ 15:10

Sama mi d’es sei kur lovotina a mba ngobom ngop pa ad’enga, wani sama mi noî ngopina mba mi mit teyo.

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Isai 59:13

Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Jeremi 13:22

Le ndak mba d’i de kuruk ala: Ni kayam me ba, ahle ndazina a mba kan hina ge ni, djivid’a ndak wala ni kayam tcho mak ka ablaud’a ba, a yok vun baru maka akulo, a lak ki murud’umba wana.

Jeremi 19:4

Azi aran ndeyo, a mbut yima wana yina halo ma dingîna, a he dubang ma his djivid’ina malo ma ding ma azi tazid’a d’oze abuyozi ngolo d’oze amulei suma Juda-na pî a wum nga d’uo na, a oî yima wana ki buzuna hi suma zla nga kazi d’uo na.

Jeremi 2:13

Kayam sum mana a le tchod’a yazi mbà. Nala, a aran an mala ni mbiyo ma lau ma arina na woyo, a ka golongeî suma ndak nga á ve mbina d’uo na kam kua kam kua ki tazi vazi mi.

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Jeremi 4:18

Ahle ndazina a mba ka’î yam tit maka ki sun mak ka ata yat tuo d’a. Wana nasa’at maka! Gagazi, ta aglara mba d’i kal gak i kuruk krovo mi.

Jeremi 44:3

Ni kayam asa’at mazi d’a azi lat á zalan ki hurun ata yima azi i ngal dubang ma his djivid’ina, á le magomba ma alo ma ding ma azi d’oze agi kabuyogi ngolo a wum nga d’uo na.

Jeremi 5:25

Ni yam tchila magid’a ba, ahlena a mbut avorogi tchod’a wana; ni yam tcho magid’a ba, agi kid’agagi woi ata ahle suma djivi ndazina mi.

Ezekiyel 39:24

An lazi hina ni yam mbut ta azi mbut tazi ndjendjed’id’a, yam tcho d’a azi lata mi. Ni hina ba, an mbud’uzi huyogon mi.

Wana ni mbaktumba hi Oze-d’a 13:9

Agi Israel-lâ, agi b’lagagi woi ni kayamba agi kagagi djangûna ki an ma ni ndjunuginid’a.

Mise 1:5

Ahle ndazina a mba hina pet ni yam so vuna handjafâ hi Jakob-mina, ni yam tchod’a hi Israel-lîd’a. Ni me ba, mi zut andjafâ hi Jakob-ma á so vuna ge? Ni suma Samari-na d’uo zu? Ni me ba, mi zut suma hi Juda-na á tuwal fileina ge? Ni suma Jerusalem-ma d’uo zu?

Ndumba 32:23

Wani le agi lagi nga hina d’uo ni, agi lagi ni tchod’a avok Ma didina, agi wagi woi tetet ala tcho magid’a mba d’i hulong kagiya.

Gat ta a hat á mbàd’id’a 32:10

Ma didina mi feï Israel-lâ nabagei hur fulâ, aduk amburei suma tcho suma tchi mazina mbut suma mandarîna. Mi gahlabam kaziya, mi ngomoziya, mi ngomozi ni d’igi iram mba aduka na.

Gat ta a hat á mbàd’id’a 32:19

Ata yima Ma didina mi we grom suma andjofâ ki grom suma aropma a nga lazama, mi noyôzi woi mi.