Jeremi 2:13 - Bible azumeina

¹³ Kayam sum mana a le tchod’a yazi mbà. Nala, a aran an mala ni mbiyo ma lau ma arina na woyo, a ka golongeî suma ndak nga á ve mbina d’uo na kam kua kam kua ki tazi vazi mi.

Jeremi 2:13 Kruisverwysings

2 Amuleina 22:17

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

Sawal la giled’a 36:9

Azi nga hop kahle suma zul avo hatang heîna, ang nga hazi mbiyo alum mang ma djivina á tched’a.

Ma tchi wala 1:14

An gol sun nda a nga lat yam andagad’a ka hid’a pet. An gol ni sun nda hawa yaka, ni d’igi sana mi dik simetna na mi.

Ma tchi wala 1:2

Ma tchi wala mi dala: Ahlena pet ni hawa na, zlazi nga d’i, ahlena pet ni hawa na, ni hawa na.

Ma tchi wala 12:8

Kayam ndata, ang djib’er yam Ma langâ, avok ka bei ziyo kawei ma hapma mi djala bei dei ma lora mi to, bei angot ta ganda ti djal kä golongô, bei vama tan mbina mi kus kä golongô,

Ma tchi wala 2:11

Bugola, an gol sun nda an lat kabonda hina pet ki kau d’a an kawat yam sun nda an lata hina pet, wani an gol ahle ndazina hina pet nahle suma hawa ya’â, ni d’igi sana mi dik simetna na mi. Vama djivi nga ka hî yam andagad’a tu d’i!

Ma tchi wala 2:21

Sama dingâ mi nga mi le sunda ki ned’a ki wad’ud’a ki d’ingêra ki kaud’a. Wani mba mi arazi mi sama mi fe nga ndaka ki sed’ezi d’uo na. Wana ni sun nda hawa yak ka tcho d’a kala!

Ma tchi wala 2:26

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

Ma tchi wala 4:4

An we sun nda suma a nga lat ki ndak ka a nga he tazi kata, nala, nge nge pî mi lat ná kal ndrama. Wan pî, ni hawa hina yak d’igi sana mi dik simetna na.

Isai 1:3

Amuhlâ mi we salama, korona mi we kupma hi salamina mi, wani Israel-lâ a nga wan ndi, sum mana a nga wäd’u zlad’a d’uo mi.

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Isai 12:3

Agi mba gulugi mbina ni ki furîd’a kur golong nga lau d’a suta.

Isai 5:13

Kayam ndata, Ma didina mi dala: Sum mana a mba yozi magomba, kayam azi nga wad’ud’a d’i. Mazi suma nglona a mba bo abo meid’a, ablau mazid’a mba d’i bo abo vun ma sod’a mi.

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Isai 63:8

Adjeu mi dala: Gagazi, azi ni sum mana, azi ni gro suma bei ka zlad’a ba na. Kayam ndata, mam mi ma sud’uzina.

Jeremi 1:16

An mba ni kazi sariyad’a kazi yam asa’at mazid’a, kayam a aran ndei a ngal dubang ma his djivid’ina malo ma dingâ, a grif kä avok sun nda azi lat kabozid’a.

Jeremi 14:3

Suma nglona a nga sun azungeî mazina á gul mbina. Azi i kur golongeîna, a nga fe mbina d’i, a nga hulong kagolongeî mazina huruzi hawa, a mbut zulona, a mang ngeyo, a tchok yazi kä abo zulona.

Jeremi 15:6

Ma didina mi dala: Ni ndak ba, noyôn ndeyo, ndak han huyogogu. Kayam ndata, an mba á b’lagak keyo, kayam an kau wa abo djivi d’a an laksid’a.

Jeremi 17:13

Ma didina, angî ma Israel-lâ a tin huruzi kangâ, suma a arang ngeina, zulona mba mi laziya; suma a wal lei ki sed’engâ a mba dap pei d’igi simi ma a b’irim kä aduk andaga d’a gugud’upa na, kayam a arang ang Ma didina mbiyo ma lau ma arid’a woyo.

Jeremi 18:14

Na ni nes ma Liban ma yam ahuniyô suma fuyogei suma abageina mi lau woi zu? D’oze mbiyo ma ab’leng ma mi tcholï djangâ ata yima deina mi so woi zu?

Jeremi 19:4

Azi aran ndeyo, a mbut yima wana yina halo ma dingîna, a he dubang ma his djivid’ina malo ma ding ma azi tazid’a d’oze abuyozi ngolo d’oze amulei suma Juda-na pî a wum nga d’uo na, a oî yima wana ki buzuna hi suma zla nga kazi d’uo na.

Jeremi 2:11

Andjaf ma ding ma mi mbut vrak alo mam ma ala nalo ma gagazina d’uo na woi ki ndramina yam tu zu? Wani sum mana a vragan Subur mazid’a balum vama mi ndak nga á ndjun sa d’uo na!

Jeremi 2:17

Israel-lâ, ahle ndazina a mba hina pet ni kayamba agi aragi Ma didina Alo magina woi ata yima nga mi tagagi lovot ta djivid’ina d’uo zu?

Jeremi 2:26

D’igi sama kula mi mbut zulona ata yima a vum ki kulina na, agi Israel-lâ kamulei magina ki magi suma nglona ki magi suma ngat buzuna ki magi suma djok vuna, agi mba mbud’ugi zulona ni hina mi.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 5:26

Kayam suma asa’atna a nga aduk sum mana. Azi ni d’igi suma a nga tchiget á gun dauna kä a vik aluweinina na, a nga gun abeid’a kä, a nga vik suma mi.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Ezekiyel 14:5

Hina wani, zlad’a mba d’i ve Israel suma a wal ki sed’en yam filei mazi ma tetengâ kuruzi krovo.

Ezekiyel 47:1

Sa máma mi hulongônï avun agre’â hi gong nga kud’ora hAlonid’ina. An gol wani, mbina nga mi djangî kä ad’u vun gonga abo ma yorogona kayam gong nga kud’ora hAlonid’a irat nabo ma yorogona. Mbina nga mi djangî kä kur gong ndata abo ma sutna, mi kal abo ma sutna hi yima ngal ahle suma ngat buzunina mi.

Mise 2:8

Wani Ma didina nga mi dagiya: Agi tchologi djangûna ki sum mana, agi fogogi barud’a woi ata suma a hulongî avo ata yima ayîna ki halasina.

Mise 6:3

Mi dala: Agi sum mana, an lagi ni me ge? An kawagi ni ki me ge? Agi dandiya!

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Jean 4:11

Atcha ndata ti djobom ala: Banana, golong ndata ni kä yiyik. Ang nga ki gan á gul mbina d’i, ang fe mbiyo ma he arid’ina ni lara ge?

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Jean 7:37

Kur bur ma dabid’a hi vun tilîna, ni bur ma ngolâ, Jesus mi tchol akulo avok ablau suma, mi de ki delem akulo ala: Le sa vunam mi so ni, mi mbeï gevenu, mi tche.

Gat ta a hat á mbàd’id’a 31:16

Ma didina mi de mi Moise ala: Gola! Ang nga mid’a. Sum ndazina a mba mbut tazi gaulangâ kalona handjaf suma ding suma kur ambas sa azi nga kal kurut wanda, a mba aran ndeyo, a mba but vun ma djin ma an djinim ki sed’ezina woi mi.

2 Pierre 2:17

Azi ni golongeî suma bei lau mbina, azi ni d’igi d’ugul la babarâ nga mi tchat tatad’a na. Alona nga mi ngom zul la nduvun nda yiyika kaziya.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Suma ka sariyad’a 10:13

Wani agi aran ndeyo, agi kud’urogi alo ma dingâ. Ni kayam ndata ba, an nga sud’ugi d’uo ni na.

1 Samuel 12:10

Abuyogi ngolo a yi Ma didina kua á ndjunuziya, a dum ala: Ma didina, ami lami tchod’a, ami arang ngei á le sunda malo ma hawa yak ma a yum ala Bäl-lâ kalo d’a hawa yak ka a yat ala Astarte-d’a. Wani ki tchetchemba, ang sud’umi woi abo mami suma djangûna; ami mba lang sunda.