Jeremi 2:11 - Bible azumeina

¹¹ Andjaf ma ding ma mi mbut vrak alo mam ma ala nalo ma gagazina d’uo na woi ki ndramina yam tu zu? Wani sum mana a vragan Subur mazid’a balum vama mi ndak nga á ndjun sa d’uo na!

Jeremi 2:11 Kruisverwysings

1 Amuleina 11:33

An nga ni le hina kayam me Israel-lâ a aran ndeyo, a i kud’or Astarte alod’a hi suma Sidon-nid’a, Kemos alona hi suma Mowap-mina ki Milkom alona hi suma Amon-nina. Azi tit nga yam lovot ta an tagazizid’a d’i, azi tit nga yam lovot ta d’ingêra avoron ndi, azi ge nga yazi kä ad’u gata ki vun ma he ma teteng ma an hazizina d’igi Salomon abum David na d’uo mi.

2 Amuleina 1:3

Wani malaikana hi Ma didinina mi mba mi de mi Elie ma Tisbe-na ala: Ang i ngaf vun suma sunda hamul ma Samari-nina, ang dazi ala: Na ni Alona mi nga avo Israel luo ba, agi i djobogi Bäl-Zebup alo ma Ekron-na zu?

2 Sunda Hamuleinid’a 13:9

Agi digigi suma ngat buzuna hi Ma didinina andjafâ hi Aron-na ki suma hi Levi-na woyo, agi tinigi suma ngat buzuna d’igi suma yam ambas sa dinga a nga le na. Nge nge pî, mi mba kamuhl ma azongâ ki gamlâna kid’iziya á tinim ki kur sun nda ngat buzuna malo mala nAlona d’uo na.

Sawal la giled’a 106:20

Azi vrak Alo mala ni subur mazid’a na kangus gor amuhl ma te hatna.

Sawal la giled’a 115:4

Wani alo mazina, a lazi ni ki kawei ma hapma ki lora; ni sun nda sana mi lat kabomba.

Sawal la giled’a 3:3

suma ablaud’a a nga de kan ala: Alona mi dok ndjunum mbuo d’a. Tchol ndjö

Isai 37:19

A tchuguzi alo mazina aduk akud’a, kayam mam nga nalo ma gagazina d’i, wani nahle suma a minizi kabozina, naguna kahinad’a. A b’lagazi woyo.

Jeremi 16:20

Sana mi ndak á le alona yam tamu, nga nalo ma gagazina d’i.

Jeremi 18:13

Kayam ndata, Ma didin mi dala: Agi djobogi aduk andjaf suma, ni nge ba, mi hum nga ahle suma hina na yam tu d’uo ge? Israel-lâ a le vama ndjendje ma kalâ.

Jeremi 2:5

Ma didina mi dala: Abuyogi ngolo a fe ni tcho me atan ba, a wal lei dei ki sed’en á zlap tazi kahle suma hawa ya’â, á mbut tazi vama hawa ya’â mi ge?

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jeremi 5:7

Ma didina mi dala: Ndak Jerusalem, Ni nana ba, an mba ni vat hurun ndei kak ke? Kayam gro’â a nga aran ndeyo, a nga gun tazi kalo ma nga nalona d’uo na. An hobozi ki tena, wani azi le ni mizeuna, a nga tok tazi avo hi gaulangâ.

Ezekiyel 14:5

Hina wani, zlad’a mba d’i ve Israel suma a wal ki sed’en yam filei mazi ma tetengâ kuruzi krovo.

Ezekiyel 5:7

Ni kayam ndata ba, an Salad’a Ma didina nga ni dagiya: Agi lagi sun nda batranga kal andjaf suma a nguyugina, kayam agi tid’igi nga yam gat manda ki vun man ma hed’a d’i, agi tid’igi nga yam gata handjaf suma a nguyugina d’uo mi.

Mise 4:5

D’igi andjaf suma pet nge nge pî nga mi ge yam kä ad’u alo mama na, ami pî nga gami yami kä ad’u Ma didina Alo mamina burâ ki burâ gak didin.

Romê-na 1:23

Azi nga subur Alo ma bei matna ba na d’i, wani a nga suburî angusa hi sama matna kaluweina kahle suma lara ge pet suma asezi fifid’ina kahle suma a dram kä na mi.

1 Korente-na 8:4

Hina, yam ted’a hahle suma a ngad’azi buzuna mi fileinina, ei wei ala: Fileina ni vama gagazi kur duniyad’a ka hî d’i, wani Alona ni tu go.

Galat-na 4:8

Wani adjeu d’a agi ni suma bei wAlona tua d’a, agi lagi ni magomba mi filei ma ala nAlo ma gagazina d’uo na.

Gat ta a hat á mbàd’id’a 32:16

Azi djo Ma didina ki sun mazi d’a ndjendjed’a, a zalam hurum ki kud’or ra azi nga kud’or alo ma dingîd’a mi.

Gat ta a hat á mbàd’id’a 32:21

Azi nga tinin á le yungôra yam alo ma ka zlad’a, a nga djon ki filei ma tuwala. An tan mba ni tinizi á le yungôra yam suma ala nandjaf ma gagazi d’uo na, an mba ni djozi kandjaf ma bei ned’a mi.

Gat ta a hat á mbàd’id’a 33:29

Agi Israel-lâ, agi lagi furîd’a! Ni nge ba, d’igi agi suma Ma didina mi sud’ugina na ge? Mam mi mbarei magi d’a ndjunugid’a, ni mbigeu magi d’a kus ayîna mi. Magi suma djangûna a mba tchuk kä avorogiya, agi mba b’lagagi yi mazi ma ndingâ woyo.

1 Pierre 1:18

Kayam agi wagi ala a wurak kagi ni ki vama b’lak kei ma d’igi kawei ma hapma d’oze lora d’oze sun nda hawa yaka d’igi vama djo ma abuyogi ngolo a hagizina na d’i.

1 Samuel 4:21

Ti yum ala Ikabot, nala, Subura hAlonid’a ti wal ki Israel-lâ, kayam Filistê-na a hle wa zandu’â hAlonina, akunotna ki ndjuvut a bo mi.