Jeremi 2:10 - Bible azumeina

¹⁰ Agi igi yam til la Kitim-mba, agi gologiya. Agi sunugi sä Kedar, agi halagi ad’ud’a, agi gologiya. Na ni vama hina mi le woi yam tu zu?

Jeremi 2:10 Kruisverwysings

Ad’u Tinda 25:13

Wana ni simiyê Ismael groma ad’u vut mazid’a: Gorom ma ngolâ ni Nebayot. Bugola, a vut Kedar, Atpel, Mipsam,

1 Amuleina 9:9

Azi mba hulong dazi ala: Ni kayamba Israel-lâ a ar Ma didina Alo mazi ma mi buzugï abuyozi ngolo woi kur andaga d’a Ezipte-d’ina woi d’a. Ni kayamba azi i bugol alo ma dingâ teteng á lum sunda, á grif kä avorom á kud’uromba. Ni kayam ndata ba, Ma didina mi mbazi ndak ndata kazi wana!

1 Sunda Hamuleinid’a 1:7

Javan groma ba wana: Elisa, Tarsis, Kitim ki Rodanim.

1 Sunda Hamuleinid’a 23:1

David mi mbut mamara kikra, mi tin goroma Salomon amula yam Israel-lâ.

1 Sunda Hamuleinid’a 23:12

Kehat groma ba wana: Amram, Jisar, Hebron ki Uziyel. Azi pet ni fid’i.

Sawal la giled’a 120:5

Ni vama hohoud’a kan á kak mbeid’a aduk suma Mese’â, á kak aduk suma Kedar-râ mi.

Isai 21:16

Gola! Salad’a mi dan ala: Kur bur ma dabid’a hi biza d’a tud’a, subura hi suma Kedar-rîd’a mba d’i dap peyo.

Isai 23:1

Wana ni zla d’a a dat yam azì ma Tir-rîd’a: Agi suma kur bato d’a Tarsis-sa, agi tchigiya, kayam a b’lagat tei da’. Azì nga d’uo mi na, vun agrek ma kal kuana mi nga d’uo mi. Zla ndata a humud’ï ni yam til la Kitim-mba.

Isai 23:12

Mi dala: Ndak gor wei d’a Sidon nda a b’lagaka, ndak nga d’i i avok kur furîd’a d’uo d’a. Le ndak tchol akulo, ndak i yam ambas sa Kitim-mba pî, ndak mba d’i fe lovota á tuk tak ki.

Jeremi 49:28

Wana ni zla d’a Ma didina mi dat yam andjaf suma Arap suma Kedar-râ ki suma kur leud’a hi Hasor suma Nebukanezar amul ma Babilon-na mi te kazina. Mi dala: Agi tchologi akulo, agi i durugi suma Kedar-râ, agi tchagi suma abo ma yorogona woyo.

Ezekiyel 16:16

Ndak yo baru mak ma nga kandjaf d’udjod’a teteng atama, ndak minim akulo yam yima ndingâ ndak le gaulangâ kamu. Wani vama hina mi le nga avok yam tu d’i, vama hina mba mi mba bugol luo mi.

Ezekiyel 27:21

Suma Arabi-na ki suma nglo suma Kedar-râ pet a nga mbut abozi ki sed’eng ki gro tumiyôna ki gamlâna ki b’ogeina mi.

Ezekiyel 27:6

A min prau mangâ ni kagu sen ma Basan-na, a min bang mangâ ni kagu ma kur til la Kitim-mba ma a gulud’um ki sï ahlo’îna.

Ezekiyel 5:7

Ni kayam ndata ba, an Salad’a Ma didina nga ni dagiya: Agi lagi sun nda batranga kal andjaf suma a nguyugina, kayam agi tid’igi nga yam gat manda ki vun man ma hed’a d’i, agi tid’igi nga yam gata handjaf suma a nguyugina d’uo mi.

Daniel 11:18

Bugola, mba mi mbut iram yam suma kur tilina, mba mi yo andagad’a ablaud’a, gak grangâ hi suma dingîna mba mi d’elem avun sun mam mba zulo ndata; sun mam mba zulo ndata mba d’i hulong kamu.

Daniel 11:30

Azigar suma abo ma fladegena a mba mba ki batod’a á dur ki sed’emu. Tam mba d’i tchuk lus, mba mi hulong kazigam glovod’o. Hurum mba mi zal ata suma Alona mi djin vunam ki sed’ezina, mba mi ndjak vunam ki suma a nga d’engzeng yam vun ma djin ma Alona mi djinim ki sed’ezina d’uo na.

Ndumba 24:24

Wani batod’a mba d’i tcholï kur til la Kitim-mba, suma kurutna a mba hulong suma Asiri-na yazi kä, a mba hulong yam andjafâ hi Heber-râ kä mi, wani suma kur bato ndatina a mba b’lak kei mi.

1 Korente-na 5:1

Ami humumi ata yina pet ala mizeuna nga adigagiya. Aduk andjaf suma dingâ pî, andjaf mizeu ma hina na nga adigazi d’i. A nga dala sama dingâ adigagi mi vatchad’a habumba.

Suma ka sariyad’a 19:30

Suma a we zla ndatina pet a dala: Kid’a Israel-lâ a buzugï woi kur Ezipte-d’a dei d’a gak kur bur máma, vama hina mi le nga tu d’i. Sa mi we nga vama hina ki iram mbuo mi. Agi vagi zla ndata kurugiya, agi djobogi tagiya, agi dagi zlad’a kat mi.