Jeremi 19:11 - Bible azumeina

¹¹ Ang dazi ala: Ma didin ma ad’engêm kal petna mi dala: An mba ni to suma kur azì ma ngol mámina woi d’igi sana mi to agel la lubuna woi kikizek sana mi ndak á minit bugol luo na. A mba tos matna ni Tofet kayam yima ding nga d’uo d’a.

Jeremi 19:11 Kruisverwysings

Sawal la giled’a 2:9

Ang mba gad’azi ki totogo d’a kaweina, ang mba tozi woi d’igi dei ma sana minima na.

Zla d’a d’ogolâ 6:15

Kayam ndata, b’laka mba d’i mba kam dumuzi, mba mi ba woi atogo zak bei mi fe lovot ta prut tam ba.

Isai 30:14

A mba tom mbei d’igi sama min deina mi tom mbei kikizek bei fe anduruna á yo kakud’a kur givina d’oze á gul ki mbina golong ba na.

Jeremi 13:14

An mba ni tchuguzi ata tazi huneîd’a, abuyod’a ki grod’a abo tazi tu. An mba ni wazi hohowozi d’i, an mba ni keng sa woi tu d’i, an mba ni hat hurun kazi d’i, vama mba mi d’elen á dabazi woina nga d’uo mi. An Ma didina ni de na!

Jeremi 19:12

Ma didina mi dala: An mba ni mbut azì ma ngol ma wana ki suma a nga kaka kuruma ni d’igi Tofet hina dedege.

Jeremi 19:6

Ma didina mi dala: Kayam ndata, burâ nga mi mba, kur bur máma a mba yi yima wana ala Tofet toze Hor ra Ben-Hinom-mba d’uo d’a, wani a mba yum ala Hor ra a Tchi Suma Kuad’a.

Jeremi 25:34

Agi suma pola, agi tchagi wulula, agi suma avok tumiyônina, agi bululugi kä aduk butna. Kayam bur ma a ngad’agi kuana, d’oze bur ma a ndjoyôgi woi kuana mi mba wa, kayam an mba ni togi woyo, agi mba galalagi woi d’igi dei ma guzum kal teglesâ na.

Jeremi 48:38

Ma didina mi dala: Kur azì ma Mowap ma lara ki ir palum mamba pet ni tchi ma hohoud’a vam tu, kayam an ni to azì ma Mowap-ma woi d’igi dei ma sana hurum vum mbuo na na.

Jeremi 51:63

Le ang dap wa mbaktumba ndumba da ni, ang djin mbaktum ndata zlapa kahinad’a, ang gat aduk alum ma Efrat-na,

Hor ma tchina 4:2

Alë! Ni nana ba, Siyon grot suma a kal tegles suma d’igi lor ra bei zozota ba d’a na na, a mbut golozi d’igi dei ma andaga ma sama min deina mi minima na ge?

Sunda hi suma a sunuzinid’a 21:11

Mi yo d’i’â hi Paul-lâ, mi djin asem kabomu. Mi dala: Muzuk ma bei tchod’a ba na mi de woi ala: Juif suma Jerusalem-ma a mba djin sala d’ik máma hina, a mba hum abo andjaf suma dingâ mi.