Jeremi 18:8 - Bible azumeina

⁸ Wani le andjaf ma an de zlad’a kama mi hulong mbut hurum yam asa’at mamba ni, an mba ni ar ndak ka an ngamzi kam á lumzid’a woyo.

Jeremi 18:8 Kruisverwysings

2 Sunda Hamuleinid’a 12:6

Nglo suma Israel-lâ kamulâ a hulong yazi kä, a dala: Ma didina ni Ma d’ingêrâ!

Sawal la giled’a 106:45

Mi djib’er yam vun mam ma djin ma mi djinim ki sed’ezina; kur djivi mamba mi wazi hohowoziya.

Sawal la giled’a 135:14

Ma didina mba mi ka sariyad’a hi sum mamid’a, mba mi we hohowa azungeî mama mi.

Sawal la giled’a 90:13

Ma didina, ang mba ar ayî mangâ kami hina gagak mindja ge? Ar ang wami ami azungeî mangâ hohowomiya!

Buzuk ka Abud’a 32:12

Le ang le hina ni, Ezipte-na a mba dala: Mi buzuguzi woi kur ambas sa Ezipte-d’a ná lazi tchod’a, ná tchazi woi yam ahinad’a, ná dabazi woi yam andagad’a doliyo! Ma didina, ar hurung b’lengâ, ar ang le sum mangâ tchod’a d’i.

Buzuk ka Abud’a 32:14

Ma didina hurum b’lengâ, mi ar bei lazi tcho d’a mam hurum zal ala mi lat mi sum mama d’a woyo.

Jeremi 12:16

Le azi a hat gata hi sum manid’a, le azi nga gun tazi ki simiyên ala Ma didina ni ma bei matna ba na d’igi adjeu azi hat sum mana a gun tazi ki simiyê Bäl na ni, an mba ni tinizi aduk sum mana tua.

Jeremi 15:6

Ma didina mi dala: Ni ndak ba, noyôn ndeyo, ndak han huyogogu. Kayam ndata, an mba á b’lagak keyo, kayam an kau wa abo djivi d’a an laksid’a.

Jeremi 26:13

Ki tchetchemba, agi djogogi tit magid’a ki sun magi d’a led’a, agi humugi dela hi Ma didina Alo maginid’a mi. Hina wani, Ma didina mba mi ar tcho d’a mam ngat kurum á lagizid’a woyo.

Jeremi 26:19

Na ni Ezekiyas amul ma Juda-na ki suma Juda-na pet a tchum zu? Ezekiyas mi le nga mandara Ma didina d’uo zu? Mi tchen nga Ma didina ba, Ma didina mi ar nga tcho d’a mi ngat kurum á lazizid’a woi mi d’uo zu? Ei lei hî ni tei tcho d’a ngola d’uo zu?

Jeremi 26:3

Dam a mba huma, nge nge pî mba mi ar sun mam mba tchod’a woi kla. Hina wani, an mba ni ar tcho d’a an ngat kurun á lazizi yam sun mazi d’a asa’at ta azi lata woyo.

Jeremi 36:3

Dam suma Juda-na a mba hum zla d’a tcho d’a an ngat kurun á lazizid’a tala a mba hulongî nge nge pî mba mi ar tit mam mba tchod’a, an mba ni vat hurun ndei yam tchila mazid’a ki tcho mazid’a zi ge d’a.

Jeremi 42:10

Le agi aragi kaka kur ambas sa wanda ni, an mba ni minigi akulo, an mba ni b’lagagi woi d’i, an mba ni pagi ad’ugi kä, an mba ni pad’agi woi d’i. Kayam an mbut hat hurun yam tcho d’a an lagizid’a.

Ezekiyel 18:21

Le sama asa’atna mi ar sun mam mba tcho d’a mi lata woi pet, le mi ngom gat manda ki d’ingêra ped’u ni, gagazi, mba mi kak karid’a, mba mi mit ti.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ezekiyel 33:12

Ang gor sana, ang de mi sum mangâ ala: Ata yima sama d’ingêrâ mi le tchod’ina, d’ingêr mam mba mi lat avoka, ti ndak á prud’um mbei d’i. Ata yima sama asa’atna mi ar tit mam mba tchod’a woina, tcho mam mba mi lat avoka ndak á tchum kat tuo mi. Ata yima sama d’ingêrâ mi le tchod’ina, a mba aram bei tchid’a yam djivi mam mba mi lat avoka d’uo mi.

Ezekiyel 33:13

Le an de mi ma d’ingêrâ ala: Ang mba kak karid’a, wani le mi tin hurum yam d’ingêr mam mba mi lat adjeud’a ala: Ti ndaga, mi le tchod’a ni, an mba ni djib’er yam sun mam mba d’ingêr ra mi lat adjeud’a d’i. Mam mba mi mit yam tcho mam mba mi lata.

Ezekiyel 33:14

Le an de mi sama asa’atna ala: Ang mba mid’a, wani le mi ar tit mam mba tchod’a woyo, le mi tit yam d’ingêra ki gagazid’a ni, mba mi mit ti.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Jonas 4:2

Mi tchen Ma didina, mi dum ala: Ma didina, wana ni zla d’a an dat kurun kid’a an sä yam ambas mandid’a d’uo zu? Ni kayam ndata ba, an hal lovota atogo zak á ring Tarsis, kayam an we angî Alo ma djivi ma we hohowa suma, hurung nga mi zal atogo d’i, djivi manga kal ngola heî mi. Angî ma nga djok djib’er manga yam vama ang ngam kurung á led’ina.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Suma ka sariyad’a 2:18

Ata yima Ma didina mi tinizi suma avorozina, Ma didina mi nga zlapa ki ma avorozi máma, nga mi pad’azi woi abo mazi suma djangûna, kid’a ma avorozi máma mi nga ki iramba. Kayam Ma didina mi wazi hohowozi yam zam ta d’a azi nga zamat abo suma a nga lazi ndaka suma a nga djobozi vunazina.