Jeremi 18:7 - Bible azumeina

⁷ Bur ma dingâ an nga ni de zlad’a yam andjaf ma dingâ d’oze yam leu d’a dinga á pad’at teyo, á pleyêt teyo, á b’lagat tei mi.

Jeremi 18:7 Kruisverwysings

Ad’u Tinda 6:6

mi mbut hat hurum yam le d’a mi le sana yam andagad’id’a. Kayam ndata, hurum zal ngola,

Jeremi 1:10

Gola! An tining ini yam andjaf suma ki leud’a tala ang pat teyo, ang to kä woyo, ang b’lak keyo, ang pleî woyo, ang min akulo, ang pe mi d’a.

Jeremi 26:3

Dam a mba huma, nge nge pî mba mi ar sun mam mba tchod’a woi kla. Hina wani, an mba ni ar tcho d’a an ngat kurun á lazizi yam sun mazi d’a asa’at ta azi lata woyo.

Jeremi 31:28

D’igi an tin iran kazi avok á pad’azi woi á tozi woi á b’lagazi woi á dabazi woi á lazi tchod’a na, an mba ni tin iran kazi á minizi akulo, á pazi ka hina dedege mi. An Ma didina ni de na.

Jeremi 42:10

Le agi aragi kaka kur ambas sa wanda ni, an mba ni minigi akulo, an mba ni b’lagagi woi d’i, an mba ni pagi ad’ugi kä, an mba ni pad’agi woi d’i. Kayam an mbut hat hurun yam tcho d’a an lagizid’a.

Jeremi 45:4

Jeremi, ang dum ala: Ma didina mi dala: Gola! An mba ni b’lak vama an minima woyo, an mba ni pat vama an puma woi mi. Nala, an mba ni b’lak ambas sa wanda woi ki zla tat pet.

Ezekiyel 33:14

Le an de mi sama asa’atna ala: Ang mba mid’a, wani le mi ar tit mam mba tchod’a woyo, le mi tit yam d’ingêra ki gagazid’a ni, mba mi mit ti.

Daniel 11:4

Wani ata yima leu mamba ad’ut ti b’al kä na, ad’eng mam mba tamula mba d’i kus seyo, leu mamba mba d’i wal lei abo andagad’a fid’i. Nga nandjavam ba mba mi vrak blogom mbi, a mba had’eng nga tamula mi suma dingâ. Wani sum ndazina ad’eng mazid’a mba d’i ndak d’igi mamba na d’i.

Amos 9:8

Gola! An Salad’a Ma didina iran nga tinda yam leu d’a le tchod’a, an mba ni b’lagat tei yam andagad’a. Hina pet pî, an mba ni dap andjafâ hi Jakob-ma woi pet ti.

Jonas 3:10

Alona mi we sun mazi d’a azi lata, a mbut huruzi yam tcho mazid’a, mi ar ndak ka mam ngat kurum á lazizid’a woyo, mi lat nga d’i.

Jonas 3:4

Jonas mi tit kua bur tu. Ata yi máma mi nde tchi wala ala: Ar burâ dok fid’i Alona mba mi b’lak azì ma ngol ma Ninif-fâ woyo.