Jeremi 18:23 - Bible azumeina

²³ Wani Ma didina, ang we ndjak vun mazi ma a ndjagam kan á tchana pet. Ar ang vat hurung ngei yam tchila mazid’a d’i, ar ang has tcho mazid’a woi avorong ngi. Ar azi puka avorongû, ar hurung zal kaziya.

Jeremi 18:23 Kruisverwysings

Sawal la giled’a 119:126

Ma didina, yina ndak wa ang le va, kayam suma a nga tchila yam gat manga.

Sawal la giled’a 35:4

Ar suma a min á tchan ndeina a mbut zulona, a mbut vama lasa; ar suma a hal á lan tchod’ina a hulong bugol ki zulona.

Sawal la giled’a 56:8

Kur tcho mazi ndata hina pet ni, azi mba prut tei abong zu? Alo mana, ang kuzuzi vunazi kayî mangâ.

Sawal la giled’a 59:5

An le nga vama tcho d’i, wani azi nga ringâ, a nga min tazi kanu. Ang tchol akulo, ang mbeï d’ugulonu, ang gola!

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Isai 2:9

Kayam ndata, suma pet a mba hulongôzi yazi kä, suma nglona a mba grif kä mi. Ar ang vat hurung ngei kazi d’uo mi.

Jeremi 11:23

Suma Anatot ndazina, sa mazi mba mi ar tu d’i, kayam an mba ni mba ki ndaka kazi kur biza d’a an mba ni mba á ngobozid’a.

Jeremi 15:15

Jeremi mi dala: Ma didina, ang we pet, ang djib’er kanu, ang mbeï ndjununu, ang san atchugulun ki man suma a nga djobon vunana. Ar ang hlan ndei d’i, kayam hurung nga mi zal atogo d’i. Ang we ni kayam ang ba, an nga ni ve tan kur ngula wana.

Jeremi 17:18

Ar suma a djobon vunana a mbut zulona, ar an mbut zulona d’i. Ar azi zlaga, ar an zlak ki. Ang mbazi bur ma ndaka kaziya, ang b’lagazi woi b’ib’lak yang mbà.

Jeremi 17:4

Agi tagi mba aragi djo ma an hagizina woi kabogiya, an mba ni mbud’ugi magumeina hi magi suma djangûna kur ambas sa agi wat nga yagi tu d’uo d’a, kayam agi fogi ayî mana akulo, mba mi ngal burâ ki burâ mi.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 26:11

Suma ngat buzuna, suma djok vuna kablau d’a peta a dazi ala: Sa máma mi ndak á tchid’a, kayam nga mi djok vun ma tchona yam Jerusalem; agi tagi humugizi ki humagi mi.

Jeremi 26:8

Ata yima Jeremi mi dap zla d’a de d’a Ma didina mi hum vuna kat á ded’a mi suma petina, suma ngat buzuna, suma djok vuna ki suma hawana pet a vumu, a dum ala: Ang ndak á tchid’a!

Jeremi 37:15

Suma nglona huruzi mi zal ata Jeremi, a tomu, a gum dangeina avo hi Jonatan ma b’ir mbaktumba, kayam a mbud’um gong mamba gong nga dangeina.

Jeremi 38:4

Suma nglona a de mamulâ ala: Sa máma mi ndak á tchid’a, kayam ni mam ba, nga mi tchuk suma dur ayî suma a ar kaka kur azì ma ngol ma wana zlapa kablau d’a peta tazi susub’ok ki zla mam mba de d’a hina d’a. Sa máma nga mi halî djivi d’a yam sumid’a d’i, wani mi hal nala ndaka ti mba kaziya.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Jeremi 6:21

Kayam ndata, Ma didina mi dala: An nga ni tin ahina d’a dap asema avok sum ndazina, mba d’i dabazi aseziya. Azi pet, abuyod’a, grod’a, ndrozi sumazina ki buniyôzina a mba dap peyo.

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Hor ma tchina 3:60

Ang watchugul mazi d’a azi sandjid’a pet, ang we vun mazi ma ndjak ma azi ndjagam kan adjeuna pet mi.

Hor ma tchina 3:61

Ma didina, ang hum wa krak ka azi nga kraganda, ang we vun mazi ma ndjak ma azi ndjagam kan adjeuna mi.

Wana ni Zla d’a Djivi d’a Luc mi b’irita 21:22

Kayam bur máma ni bur ma sä atchugula á ndak vun ahle suma a b’irizi kur mbaktumba hAlonid’ina.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.