Jeremi 18:18 - Bible azumeina

¹⁸ Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 18:18 Kruisverwysings

2 Samuel 15:31

A mba de mi David ala: Ahitofel mi nga aduk suma a ndjak vunazi tu ki Apsalom-ma. David mi dala: Ma didina, an nga ni tchenengû, ar ang b’lak d’alâ hi Ahitofel-lâ woyo.

2 Samuel 17:14

Apsalom azi ki Israel-lâ pet a dala: D’alâ hi Husai ma Ara’â mi djivid’a kal ma hi Ahitofel-lâ. Na ni d’igi ni Ma didina ba, mi b’lak d’al ma djivina hi Ahitofel-lâ woi á mba ki ndaka yam Apsalom.

1 Amuleina 22:24

Ata yi máma na wat, Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

2 Sunda Hamuleinid’a 24:21

Ata yi máma a ndjak vunazi kamu, a durum kahinad’a yam vun ma hed’a hamulîna, a tchum kur gulumuna hi gong nga kud’ora hi Ma didinid’ina.

Wana ni mbaktumba hi Job-pa 5:13

Nga mi vik suma ned’a kur lem mazid’a, nga mi b’lak d’alâ hi suma wed’a heîna woi mi.

Sawal la giled’a 21:11

Ang mba dabazi grozina tchid’a woi yam andagad’a, ang mba dabazi andjavazi tchid’a woi aduk suma mi.

Sawal la giled’a 52:2

Mi hlat ni kid’a Dowek ma Edom-ma mi mba mi de mi Saul ala David mi kal nga avo hi Ahimelegu d’a.

Sawal la giled’a 57:4

Ei ata yi mang ma akulona, ang sud’unu. Ar sama nga mi digin ad’una mi mbut zulona, ang tagan o mang nga didinda ki gagazi manga mi. Tchol ndjö

Sawal la giled’a 64:3

Ang prud’un ndei abo zla d’a ndjak vuna hi suma asa’atnid’a, abo suma a ndjak vunazi kana ki suma batrangâ mi.

Zla d’a d’ogolâ 18:21

Matna ki arid’a a nad’u ad’enga hi sindid’a, sama mi le katna mba mi fe wurak mata.

Isai 32:7

Sunda hi suma mbut irid’a ni sun nda tchod’a, a nga nga huruzi á le tchod’a á ba suma hohoud’a woi ki zla d’a kad’a. Sama houd’a zla mamba ti le ni ki djivid’a ko, a b’lagat teyo.

Jeremi 1:19

Azi mba durung ayîna, wani azi mba kus kang ngi, kayam an nga zlapa ki sed’eng á sud’ung ngeyo. An Ma didina ni de na.

Jeremi 11:19

Wani an ni d’igi timi ma kukud’ok ma a im ata yima ngatina na. An we nga vunazi ma ndjak ma a ndjagam kan ala: Ei tchi angusâ woi ki vud’umu; ar ei kam mbei yam andagad’a hi suma a nga ki irazina, ar sa mi djib’er yam simiyêm bugol luo d’angû na d’i.

Jeremi 18:11

Ki tchetchemba, ang i de mi suma Juda-na ki suma a nga kaka avo Jerusalem-ma ala: Gola! Ma didina mi dala: An nga hurun á lagi tchod’a, an min nga zlad’a kurun á lagi ndaka. Ar nge nge pî adigagi mi ar tit mam mba tchod’a woyo, ar agi djogogi tit magid’a ki sun magi d’a led’a.

Jeremi 18:19

Jeremi mi tchen Ma didina ala: Ang tin humang humunu, ang hum zla d’a man suma djangûna a nga dat kanda.

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Jeremi 26:11

Suma ngat buzuna, suma djok vuna kablau d’a peta a dazi ala: Sa máma mi ndak á tchid’a, kayam nga mi djok vun ma tchona yam Jerusalem; agi tagi humugizi ki humagi mi.

Jeremi 37:13

Kid’a mi mbaza avun agre’â hi Benjamin-nid’a, ma ngolâ hi suma ngom yina ma a yum ala Jireya na, ni Selemiya goroma, ni Hananiya gorom ngolona, mi nga kua. Mi ve ma djok vun Alona Jeremi, mi dum ala: Ang i naduk suma Babilon-na!

Jeremi 43:2

Azariya Hosaya goroma, Johanan Kareya goroma ki suma yam mba ad’enga pet a de mi Jeremi ala: Zla d’a ang data ni zla d’a kad’a. Ma didina Alo mamina mi sunung nga d’ala ang dami ala: Agi igi Ezipte á kagagi sä kua d’uo d’a d’i.

Jeremi 44:16

Ami min hum zla d’a ang nga damizi ki simiyê Ma didinid’a d’i.

Jeremi 44:17

Wani ami tid’imi ni yam zla d’a lara d’a ndavunamid’a á ngal dubang ma his djivid’ina ki süm guguzlud’a mi Astarte amul la akulod’a, d’igi ami kabuyomi ngolo kamulei mamina ki mami suma nglona, ami lami adjeu kur azì ma nglo ma Juda-na ki ir palum mba Jerusalem-mba na. Ni kayam ndata ba, ami tamiya, ami hobomiya, ami lami furîd’a, ami wami nga ndak ki.

Jeremi 8:8

Ma didina mi dala: Ni nana ba, agi ndak á dagi ala: Ami ni suma ned’a, ami ni suma gata hi Ma didinid’a nga abomina ata yima magi suma hat gat suma ka zlad’a a nga had’at ata lovod’ot tuo na ge?

Hor ma tchina 3:62

Ang we zla d’a de d’a tcho d’a man suma djangûna a nga dat kanda, ang we nga hur mazi ma azi nga ngam kan yorogo dei gak fladegena mi.

Ezekiyel 7:26

Ndaka mba d’i mba yam ndrat ndaka, zlad’a mba d’i mba yam ndrat zla d’a dinga mi. A mba hal ahle suma a nde tazi woi ir sumina ata suma djok vuna ki labiyad’a. Suma ngat buzuna a mba we gat tuo d’a, suma nglona a mba fe d’al ma de d’uo mi.

Sunda hi suma hi Levi-nid’a 10:11

Agi had’agi Israel-lâ gat ta an Ma didina ni hazizi avunang ang Moise-sa.

Mise 3:6

Kayam ndata, yina mba mi rumî kagiya, va mba mi nde tam mbei iragi d’i! Yina mba mi mbut nduvunda kagiya, a mba fe sama djop filei adigagi d’uo d’a. Afata mba d’i nik yam suma djok vun ndazina, faleid’a mba d’i mbut nduvunda kaziya.

Mise 3:7

Suma wahle suma a nga mbana a mba mbut zulona, suma djop fileina a mba mang ngeyo, a mba tin abozi avunaziya, kayamba Alona mi hulongôzi nga humba d’uo d’a.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Wana ni Zla d’a Djivi d’a Luc mi b’irita 11:45

Ma hat gata tu mi dum ala: Ma hat suma, zla d’a ang dat wanda, ang ngulumi ni ami mi.

Jean 9:40

Fariziyê suma hiu suma a nga gevema, a hum zla ndata, a djobom ala: Ami ni duka mi zu?