Jeremi 18:16 - Bible azumeina

¹⁶ A mbut ambas mazid’a vama suma a le atchap kama, vama las ma gak didina. Suma a nga kal kurâ pet a nga le atchap kad’u, a nga kidjik yazi mi.

Jeremi 18:16 Kruisverwysings

1 Amuleina 9:8

Fata suma a kal gen gong nga ngol la ndandal ndatid’a, a mba le atchap, a mba le mandarâ, a mba djop tazi ala: Ni kayam me ba, Ma didina mi le zla ndata kambas ndata ki gong nga kud’or ndata na ge?

2 Sunda Hamuleinid’a 29:8

Kayam ndata, Ma didina hurum zal yam suma Juda-na ki suma Jerusalem-ma. Mi mbud’uzi vama mandarâ, vama hohoud’a ki vama sanda d’igi agi wagizi ki iragi ini na.

Sawal la giled’a 109:25

An mbut ni vama lasa avoroziya; ata yima a wana, a hle yazi woi ad’un vivik.

Sawal la giled’a 22:7

An mbut ni d’igi ndjuvulâ na, an ni sa d’i; suma a ngulunu, suma a golon is mi.

Sawal la giled’a 44:14

Ang mbud’umi vama lasa avok ndromina, ang mbud’umi vama sanda avok suma a nguyumina.

Isai 37:22

Ki tchetchemba, ang hum zla d’a mi dat kamba ala: Ang Sanakerip, azì ma ngol ma Siyon-na mi golong is, mi san ad’ungû, Jerusalem mba djifâ ti hle yat tei ad’ungû.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Jeremi 19:8

An mba ni mbut azì ma ngol máma vama suma a le atchap kama ki vama lasa. Suma a mba kal kuana pet a mba le atchap kamu, a mba san yam b’lak ka nga kur azì mámid’a.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 29:18

An mba ni digizi kayî ma durâ ki baktarad’a ki tugud’ei d’a tcho d’a tchi matna, an mba ni mbud’uzi vama mandarâ ir suma a nga kur leu d’a yam andagad’ina pet, an mba ni mbud’uzi vama ge vuna, vama atchapma, vama sanda ki vama ngula aduk andjaf suma pet suma an mba ni ndjoyôzi woi kuana.

Jeremi 42:18

Kayam Ma didin ma ad’engêm kal petna, Alona hi Israel-lîna, mi dala: D’igi an ni wet ayî mana ki hur man ma zal ma gugulu’â woi yam suma a nga kaka avo Jerusalem adjeuna na, le agi igi Ezipte ni, an mba ni wed’em mbei kagi na mi. Agi mba mbud’ugi ni vama ge vuna, vama atchapma, vama a golom isâ ki vama ngula. Agi mba wagi yima kä wana ki iragi d’uo d’a.

Jeremi 44:12

An mba ni yo suma Juda suma a ar suma a nga huruzi á i yam ambas sa Ezipte-d’a á kak sä kuana, an mba ni dabazi woyo. A mba puk kä kur ambas sa Ezipte-d’a, a mba tchazi avun ayîna, baktarad’a mba d’i tchaziya, a mba dap peyo, tin ad’ud’a ata gugureina gak mba yam suma nglona. A mba tchazi avun ayîna, baktarad’a mba d’i tchazi mi. A mba mbut ni vama ge vuna, vama atchapma, vama a golom isâ ki vama ngula mi.

Jeremi 48:27

Agi suma Mowap-ma, agi gologi Israel-lâ ni vama sanda iragi adjeu d’uo zu? Adjeu agi ndumuzi naduk suma kula, agi nga dagi zla mazid’a ni ki yam mba kidjika mi d’uo zu?

Jeremi 49:13

An Ma didina, ni gun tan ki an tanda ala azì magi ma ngol ma Bosra-na mba mi mbut ni vama hohoud’a, vama ngula, vama b’laka ki vama ge vuna. Azì mam ma nglo ma nguyuma pet mba mi b’la’î b’lak ka didinda.

Jeremi 49:17

Azì ma Edom-ma mba mi mbut vama hohoud’a. Suma a mba kal gevema a mba le atchap, a mba tchi kukurup yam b’lak mamba.

Jeremi 50:13

Yam hur ma zala hi Ma didinina, a mba fe sama kak kurut tuo d’a. Ti mba d’i arî djona. Sama lara ma mba mi kal gevetna, mba mi le atchap, a mba tchi kukurup yam b’lak mata.

Jeremi 51:37

Babilon mba d’i mbut ni d’igi ahina d’a mola na, mba d’i mbut ni domina hi hânina, mba d’i mbut ni vama atchapma ki vama sanda, sa mba mi kak kur ruo mi.

Jeremi 51:43

Azì mat ma nglona mi mbut wa djona, ti mbut wa ambas sa so d’a gangras sa hur fulîd’a, nambas sa sa nga mi kak kua d’oze sa nga mi kal kua d’uo d’a!

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Hor ma tchina 1:12

Agi suma pet suma nga kalagi ka hina, Agi mbeyegiya, agi gologiya! Agi wagi andjaf ndak ka an nga ki sed’et ta Ma didina mi tumun ki sed’et kur bur ma hurum zal kana, ta hle tat d’igi ndat hina d’a nga d’i.

Ezekiyel 12:19

Ang de mi suma kur ambas sa wandina ala: Salad’a Ma didina mi de mi suma a nga kaka Jerusalem yam andaga d’a Israel-lina ala: A mba te te mazina ni ki tcha d’a tatad’a, a mba tche mbiyo mazina ni ki hohoud’a, kayam ambas mazid’a mba d’i ar djona, ahle suma kurutna pet a mba dap pei yam murud’umba hi suma nga kurutna.

Ezekiyel 27:36

Suma mbut abozi suma aduk andjaf sumina a nga le atchap kangû, kayam ang mbut ni vama mandarâ, ang mbut ni vama hawana ki irang fafat.

Ezekiyel 36:3

Kayam ndata, ang djogozi vuna, ang dazi ala: Salad’a Ma didina mi dala: Gagazi, suma a min á b’lagagi woi ata yina pet, á ligigi mi, tala agi mbud’ugi nahlena handjaf suma dingâ agi mbud’ugi ni vama ndala ki vama ngula hi sumina mi d’a.

Ezekiyel 6:14

An mba ni hlabon kan akulo á ngoboziya, an mba ni mbut ambas mazid’a djona, an mba ni mbud’ut fula tinï ad’ud’a hur ful ma abo ma sutna dei gak mba ata azì ma ngol na Ribla-na. A mba wala an ni Ma didina.

Sunda hi suma hi Levi-nid’a 26:32

An tanda mba ni b’lak ambas magid’a woyo; magi suma djangû suma a mba kak kurâ, a mba le atchap kad’u.

Sunda hi suma hi Levi-nid’a 26:43

Ata yima azi mba ar ambasa blogozi djona woi deina, mba d’i mbut awilid’a yam biza mat ta sabat ta tuk tad’a. Ata yi máma azi mba fe ndaka kayamba azi noî vun man ma hed’a, a gol gat manda is mi d’a.

Mise 6:16

Agi hlagi ni zlad’a hamulâ Omri-d’a ki zlad’a hi suma hi Ahap-mid’a, agi tid’igi ni yam d’al mazina. Ni kayam ndata ba, an nga ni mba ki b’laka yam azì magi ma ngolâ, an mba ni mbud’ugi agi suma kuruma vama lasa, agi mba zigi zulona hi sum manina mi.

Matiye 27:39

Suma a nga kalâ a nga ngulumu, a nga kidjik yaziya.

Marik 15:29

Suma a nga kalâ a nga ngulumu, a nga kidjik yazi ala: Ahâ! Ang ma dala ang to gong nga kud’ora hAlonid’a kä ang mba minit akulo kur bur ma hindina na,

Gat ta a hat á mbàd’id’a 28:59

Ma didina mba mi tumugi agi kandjavagi ki mbil ndod’ina ki tugud’ei d’a nglo d’a teteng nga hagi djib’erid’a.

Gat ta a hat á mbàd’id’a 29:23

a mba we sama zar awu kat ti, va mba mi deî kat ti, asu mba mi d’uf kat tuo mi, mba d’i hle tat ni d’igi Sodom, Gomor, Atma ki Seboyim suma Ma didina mi b’lagazi woi kur ayî mama ki hur mam ma zalina na.