Jeremi 18:13 - Bible azumeina

¹³ Kayam ndata, Ma didin mi dala: Agi djobogi aduk andjaf suma, ni nge ba, mi hum nga ahle suma hina na yam tu d’uo ge? Israel-lâ a le vama ndjendje ma kalâ.

Jeremi 18:13 Kruisverwysings

Isai 36:22

Ata yi máma Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulina ki Jowa Asaf gorom ma b’ir zla d’a led’a kä na a haû baru mazina woyo, a hulong gen Ezekiyas, a dum zla d’a ma avun ma ngol ma Asiri-na mi data.

Isai 66:8

Ni nge ba, mi hum zla d’a hina d’a yam tu ge? Ni nge ba, mi wahle suma hina na yam tu ge? Ambasa a vud’ut ni bur tu zu? Andjaf suma a vud’umî bur tu mi zu? Ata yima Siyon hurut nde tat á vutina, atogo hina zak ti vut grotna.

Jeremi 14:17

Ang dazi zla ndata ala: Iran nga d’i yak simina falei kandjege bei ara ba, kayam a ka sum mana mbilâ. Ni b’lak ka ngola, mbil mazina ni mbil ma ngol ma kalâ.

Jeremi 18:14

Na ni nes ma Liban ma yam ahuniyô suma fuyogei suma abageina mi lau woi zu? D’oze mbiyo ma ab’leng ma mi tcholï djangâ ata yima deina mi so woi zu?

Jeremi 23:14

Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.

Jeremi 31:4

Ndak gor wei d’a Israel-la, an mba ni hulongôk blangâk ma adjeuna, ndak mba min tak ki daliyâ mak ka djifâ min nda dinga kua á nde ndjongâ aduk suma a nga lü ndjongâ ki furîd’ina.

Jeremi 5:30

Vama atchapma ki vama ndjendjed’a suma a mba kur ambas ndatina ba wana:

Hor ma tchina 1:15

Salad’a mi noî suma gangrang suma dur ayî suma a nga ki sed’ena woyo, mi yi tok ka ngola hi azigarîd’a kan á b’lak azungeî mana woyo. Salad’a mi mired’en an gor wei d’a Juda-d’a kä kasem d’igi a miret vud’a guguzlud’a ata yat ma mireta na.

Wana ni mbaktumba hi Oze-d’a 6:10

An we vama tcho ma ndjendjed’a aduk Israel-lâ. Ni kua ba, suma Efraim-ma a nga le gaulangâ, Israel-lâ a mbut ndjendjed’a mi!

Amos 5:1

Agi Israel-lâ, agi humugi zla d’a an nga ni data. Wana ni sawal la yor ta d’a an nga ni hlat kagid’a:

Amos 5:2

Agi Israel-lâ, agi ni d’igi gor wei d’a ti puk kä andaga d’a ti mita na. Agi mba hulong tchologi akulo d’i. A mba aragi kä yam andaga magid’a, Sama mi yogi akulona nga d’uo mi.

1 Korente-na 5:1

Ami humumi ata yina pet ala mizeuna nga adigagiya. Aduk andjaf suma dingâ pî, andjaf mizeu ma hina na nga adigazi d’i. A nga dala sama dingâ adigagi mi vatchad’a habumba.

1 Samuel 4:7

a le mandarâ, a dala: Alona mi mba wa kur kangâ hi Israel-lîna; ei bai wa woi da’! Ei wei nga vama hina yei tu d’i!