Jeremi 18:10 - Bible azumeina

¹⁰ Wani le andjaf máma mi le nga vama mi lan tan djivid’ina d’uo, le mi humun nga vunan nduo mi ni, an nga ni ar djivi d’a an ngat kurun á lumzid’a woyo.

Jeremi 18:10 Kruisverwysings

Sawal la giled’a 125:5

Wani suma a nga tit kur lovot ta gundina, ang b’lagazi woi ki suma murud’umba. Ar ang mba ki b’leng nga halasa yam Israel-lâ!

Ezekiyel 18:24

Wani le sama d’ingêrâ mi ar sun mam mba d’ingêra woi mi le sun nda ndjendje d’a sama asa’atna nga mi lata ni, mam mba mi kak karid’a zu? Sun mam mba d’ingêra pet a mba ndumumzi kam mbi. Wani yam sun nda ata yat tuo d’a ki tcho d’a mam he tam kat á led’id’a, mba mi mit tei kad’u.

Ezekiyel 33:12

Ang gor sana, ang de mi sum mangâ ala: Ata yima sama d’ingêrâ mi le tchod’ina, d’ingêr mam mba mi lat avoka, ti ndak á prud’um mbei d’i. Ata yima sama asa’atna mi ar tit mam mba tchod’a woina, tcho mam mba mi lat avoka ndak á tchum kat tuo mi. Ata yima sama d’ingêrâ mi le tchod’ina, a mba aram bei tchid’a yam djivi mam mba mi lat avoka d’uo mi.

Ezekiyel 33:18

Wani le sama d’ingêrâ mi ar sun mam mba d’ingêra woi mi le tchod’a ni, mba mi mit yam tcho ndata.

Ezekiyel 45:20

Kur bur ma kid’iziyana hi til ma avo’îna, agi lagi d’igi agi lagi kur bur ma avo’â yam suma a le tchod’a bei min mazid’a bei wed’a ba na na mi. Hina wani, agi mba mbud’ugi gong man nda kud’ora yed’et.

Sofoni 1:6

An mba ni dap suma a noyôn an Ma didina suma a nga halan nduo suma a nga djobon yam va d’uo na woyo.

Ndumba 14:22

Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na,

Ndumba 14:23

sum ndazina pet a mba wambas sa an gun tan kat mabuyozi ngolo á hazizid’a d’i. Azi pet suma a golon isâ a mba wat ti.

Ndumba 14:34

Agi lagi burâ á d’u ambasa ni dok fid’i, agi mba zigi aneka hi tcho magid’a bizad’a dok fid’i mi; bur ma lara pî ni ngad’a yam bizad’a gagang. Hina wani, agi mba wagi ala ni ndaka á kak djangûna ki sed’enu.

1 Samuel 13:13

Samuel mi dum ala: Ang le ni sun nda lilid’a; ang ngom nga vun ma he ma Ma didina Alo mangâ hangzina d’i. Le ang ngomom á djïya ni, Ma didina mba mi he lovota mandjavang á te yam Israel-lâ didin.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.

1 Samuel 15:35

Samuel mi mit ni bei mi hulong gen Saul ba, kayam hurum b’lak yam Saul heî. Ma didina mi mbut hurum hata kayamba mam tin Saul amula yam Israel-lîd’a.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.