Jeremi 17:9 - Bible azumeina

⁹ Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Jeremi 17:9 Kruisverwysings

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

2 Samuel 11:15

Mi dum kur ala: Agi tinigi Uri ata yima ayîna zozogom kuana, agi yogi tagi woi blogomu, ar ayîna mi tchumu.

Sawal la giled’a 51:5

Kayam an we tchila manda, an nga ni djib’er yam tcho manda teteu.

Sawal la giled’a 64:7

Azi ndjak vunazi á le tchod’a, a nga dala: Zla meid’a ndjak wa da’. Djib’er ra kur sana krovod’a, sa nga mi wat ad’ut ti.

Zla d’a d’ogolâ 28:26

Sama mi tin hurum yam mam tam gona ni sama lilid’a, wani sama nga mi tit ki ned’ina mba mi kak ki halasa.

Ma tchi wala 9:3

Wana ni vama tcho ma nga mi le aduk suma yam andagad’a petna: Vama mi mba yam suma petna ni vama tu máma. Wani ata yima suma a nga kaka ki irazi yam andagad’a ka hina, huruzi mi ni oîd’a ki tchod’a ki guruta. Bugola, a bo woyo.

Isai 1:5

Ata yima agi tcholi ad’enga ngingring i avogovo’â, agi min ala mi togi nata yima lara d’ei ge? Yagi pet ni mbuleina, hurugi pet ni tugud’eid’a mi.

Isai 1:6

Tin ad’ud’a kä ata asema dei gak i akulo ata yamba, vama djivi nga d’i, ni mbilâ vam tu ki zlita ki mbil ma ngadja’eî ma bei sana mi mbuzum mbei d’oze mi vom mbulâ iram mboze mi djinim ba na.

Isai 6:10

Ang b’al sum ndazina huruziya, ang tozozi humazi woyo, ang duguzi irazi woi tala a we ki irazi a hum ki humazi a wat ad’ut a mbut huruzi ba, an sud’uziya d’a d’i.

Jeremi 16:12

Agi tagid’a, agi lagi tchod’a kal abuyogi ngolo. Gola! Nge nge pî adigagi nga mi tit yam djib’er mam mba yam mba ad’eng nga kurum krovo d’a bei wad’ud’a bei humun vunan ba d’a.

Jeremi 7:24

Azi humun nga d’i. A tin nga humazi á humba d’i, wani a tit ni yam min mazina, yam djib’er mazi d’a yam mba ad’eng nga tcho d’a kuruzi krovod’a mi. A ar zla d’a a mbut irazi iranda ta, a hanï azigazi zang.

Matiye 13:15

Kayam sum ndazina, huruzi ni b’ala, a tos humazi woi á humba, a duk irazi woyo, kayam a we ki irazi d’i, a hum ki humazi d’uo mi tala a wad’ud’a kuruzi a mbut huruzi mbut ba, an ni sud’uziya d’a.

Matiye 15:19

Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

Marik 2:17

Kid’a Jesus mi humba, mi dazi ala: Suma a nga kad’eng tazina, va mi ndolozi nga ki dokdor ri, wani ni suma tugud’eid’a hol. An mba ná yi suma d’ingêrâ d’i, wani ná yi suma tchona.

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

Romê-na 7:11

Ni kayam vun ma hed’a ba, tchod’a ti fe lovota á lobonu. Ni yam vun ma he máma ba, tchod’a ti tchan ndei mi.

Efes-sâ 4:22

Kayam ndata, ar agi fogogi sama adjeuna woi ki sun mam mba led’a. Sama nga kurugi adjeuna, ni ma nga mi lobogi á igi kur b’lakina.

Hebre-na 3:12

B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.