Jeremi 17:27 - Bible azumeina

²⁷ Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 17:27 Kruisverwysings

2 Amuleina 22:17

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

2 Sunda Hamuleinid’a 36:19

Suma Babilon-na a ngal gong nga kud’ora hAlonid’a woyo, a to gulumun ma Jerusalem-ma kä woyo, a ngal azì ma amula woyo, a b’lak ahle suma guzuzi kal tegles suma kur azinina woi pepet mi.

Sawal la giled’a 122:7

ar halasa ti kak kur gulumun ma’â, ar kak ka tchugota ti kak kur gongîyo mak suma amula mi.

Isai 1:20

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Jeremi 17:24

Ma didina mi dala: Le agi humun gagazi, le agi kalagi nga kahlena kagi avun agre’â hazì ma ngol máma kur bur ma sabatna d’uo, le agi tinim iram vamu, le agi lagi nga sun kur ngiyeû d’uo ni,

Jeremi 17:4

Agi tagi mba aragi djo ma an hagizina woi kabogiya, an mba ni mbud’ugi magumeina hi magi suma djangûna kur ambas sa agi wat nga yagi tu d’uo d’a, kayam agi fogi ayî mana akulo, mba mi ngal burâ ki burâ mi.

Jeremi 18:1

Ma didina mi dan ala:

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Jeremi 21:14

An nga ni mba á ngobogi yam sun nda agi lata, an nga ni do agu magid’a akud’a; mba d’i ngal ahle suma a nguyugi kä na woi pet. An Ma didina ni de na.

Jeremi 22:5

Wani le agi humugi nga zla ndata d’uo ni, an nga ni gun tan ki an tanda, azì ma amul máma mba mi arî djona. An Ma didina ni de na.

Jeremi 32:29

Suma Babilon suma a nga durum ayînina, a mba kal kuru, a mba dom akud’a, a ngalam mbei kazuwei suma yam gongîyona akulo suma a nga ngal dubang ma his djivid’ina mi Bäl kua a nga he he d’a hawa d’a süm guguzlud’a kua malo ma dingâ á zalan ki huruna woi mi.

Jeremi 39:8

Azigar suma Babilon-na a ngal azì ma amula kazina hi sumina woi pet, a hô gulumun ma Jerusalem-ma kä woi mi.

Jeremi 44:16

Ami min hum zla d’a ang nga damizi ki simiyê Ma didinid’a d’i.

Jeremi 49:27

An mba ni do akud’a ata gulumun ma yam Damas-sâ, ti mba d’i ngal azì ma amula hi Ben-Hadat-na woi mi.

Jeremi 52:13

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Jeremi 6:17

An tin suma ndjola gevegi go. Agi tinigi humagi humugi tchina hadifina. Wani azi hulong dala: Ami min tin humami á humba d’i.

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Hor ma tchina 2:6

Mi hô kangâ mama woi kad’enga d’igi kangâ ma a gum yam asinenina na, mi b’lak yi mam ma toka woyo. Ma didina mi zut suma kur Siyon-na á mar yam tok ka vun tilâ ki bur ma sabatna. Kur hur mam ma zala, mi hamulâ ki ma ngat buzuna abo suma á lazi ndaka.

Hor ma tchina 4:11

Ma didina mi ndak wa vun ayî mama, mi vo wa ayî mama woi da’, mi do akud’a ata Siyon, ti ngalat kä woi kad’ut ta ged’a pet.

Ezekiyel 16:41

Azi mba ngalak aziyak ma tetengâ woi kakud’a, a mba kak sariyad’a kak kä ir aropma ablaud’a. An mba ni d’elek bei le gaulangâ, ndak mba d’i wurak sa bugol luo d’a.

Ezekiyel 21:15

A gurut ná tchi suma, a heget ná wiled’a. Na ni ei mba le furîd’a zu? Ti totogod’a hi goronid’a gol agu ma lara ge pet is.

Ezekiyel 21:3

Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.

Ezekiyel 22:8

Ang nga golon yi man ma an tinim iram vama is, ang nga b’lagan bur man ma sabatna mi.

Ezekiyel 23:38

Vama azi landjina wan d’ei: A mbud’un yi man ma an tinim iram vama ndjendjed’a kur bur máma baba, a mbud’un bur man ma sabatna ndjendjed’a mi.

Wana ni mbaktumba hi Oze-d’a 8:14

Israel-lâ a mar yam an ma lazina, a min azì ma amula. Suma Juda-na a min azì ma nglo ma ad’eng ma ngunguna ablaud’a. Wani an mba ni do azì mazi ma nglo máma akud’a. Akud’a mba d’i ngalazi azì mazi ma djifâ woi mi.

Amos 1:10

an mba ni do akud’a ata gulumun ma Tir-râ, ti mba d’i ngal azì ma ad’eng ma ngunguna woi mi.

Amos 1:12

an mba ni do akud’a ata azì ma Teman-na, ti mba d’i ngal azì ma ad’eng ma ngungu ma Bosra-na woi mi.

Amos 1:14

an mba ni do akud’a ata gulumun ma Raba-na, ti mba d’i ngal azì ma ad’eng ma ngunguna woi kur bur ma ayîna ki siwela d’igi babarâ ki mbirlimba a siwela na.

Amos 1:4

An mba ni do akud’a ata azì ma amula hi Hazayel-lâ, ti mba d’i ngal azì ma ad’eng ma ngunguna hi Ben-Hadat-na woi mi.

Amos 1:7

an mba ni do akud’a ata gulumun ma Gaza-na, ti mba d’i ngal azì ma ad’eng ma ngunguna woi mi.

Amos 2:2

an mba ni do akud’a ata azì ma ngol ma Mowap-ma, ti mba d’i ngal azì ma ad’eng ma ngungu ma Keriyot-na woyo, suma Mowap-ma a mba dap pei aduk siwela hayînid’a, aduk tchina hadifina mi.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?