Jeremi 17:21 - Bible azumeina

²¹ Mi dala: Agi gologi tagi djiviya, agi zigi ahlena kur bur ma sabatna d’i, ar agi kalagizi avun agrek ma Jerusalem-ma d’uo mi.

Jeremi 17:21 Kruisverwysings

Buzuk ka Abud’a 20:8

Ar ang djib’er yam bur ma sabatna, ang tinim iram vam yam anu.

Zla d’a d’ogolâ 4:23

Ang ngom djib’er ra kurung krovod’a kal ahle suma dingâ pet, kayam ni yima arid’a tcholï kuana.

Isai 56:2

Sama mi le vama an duma, ma nga tchola ngingringâ, ma nga mi ngom bur ma sabatna á mbud’um ndjendjed’a d’uo na, ma nga mi d’el tam mbei ata tcho d’a lara ge petna, mi le furîd’a.

Isai 58:13

Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Marik 4:24

Jesus mi dazi kua ala: Agi gologi tagi djivi ki vama agi humuma. Ni vama agi nga ngagi ki na ba, Alona mba mi ngagi ki mi.

Wana ni Zla d’a Djivi d’a Luc mi b’irita 8:18

Agi gologi tagi djivi yam vama agi humugizina. Kayam sama lara pî ma nga ki va aboma, a mba hum kam kua, wani sama lara pî ma nga ki va abom mbuo na, a mba hle vama mam mi djib’er ala ni mama na woi abomu.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Gat ta a hat á mbàd’id’a 11:16

Agi gologi tagi djivi á d’ezegi woi kur lovot ta d’ingêra á kud’urogi alo ma dingâ á grivigi kä avoromu.

Gat ta a hat á mbàd’id’a 4:15

Moise mi dazi kua ala: D’igi agi wagi nga ir sa kur bur ma Ma didina mi dagi zlad’a aduk akud’a yam ahina d’a Horep-pa d’uo na na, agi gologi tagi djivi

Gat ta a hat á mbàd’id’a 4:23

Agi gologi tagi djiviya, agi maragi yam vun ma djin ma Ma didina Alo magina mi djinim ki sed’egina d’i. Ar agi tched’egi va d’oze angus vama lara ma Ma didina Alo magina mi d’elegi kama d’i.

Gat ta a hat á mbàd’id’a 4:9

Moise mi dazi kua ala: Wani agi gologi tagi djivi burâ ki burâ kur kak magi d’a yam andagad’id’a tala ahle suma agi wagizi ki iragi pet wana, agi maragizi d’i, ar a buzuk kei kurugi d’uo mi d’a. Agi had’agizi mi grogina ki grogi ngolona mi.

Josue 23:11

Agi gologi tagi djivi á lagi yam Ma didina Alo magina.