Jeremi 17:18 - Bible azumeina

¹⁸ Ar suma a djobon vunana a mbut zulona, ar an mbut zulona d’i. Ar azi zlaga, ar an zlak ki. Ang mbazi bur ma ndaka kaziya, ang b’lagazi woi b’ib’lak yang mbà.

Jeremi 17:18 Kruisverwysings

Wana ni mbaktumba hi Job-pa 16:14

Mi nde kan atogo d’igi grang ma dur ayîna na, mi durun mbuleina ndjandjar.

Sawal la giled’a 35:4

Ar suma a min á tchan ndeina a mbut zulona, a mbut vama lasa; ar suma a hal á lan tchod’ina a hulong bugol ki zulona.

Sawal la giled’a 35:8

Ar b’laka ti mba kazi dumuzi, ar azi ve kabei d’a azi tazi gunut kä d’a, ar azi puk kä kur zul la azi djugud’ota, a ba woyo.

Sawal la giled’a 40:14

Ma didina, le ang mina ni, ang sud’unu; Ma didina, ang mbeï atogo ndjununu!

Sawal la giled’a 70:2

Alona, ang mbeï sud’unu; Ma didina, ang mbeï atogo ndjununu!

Sawal la giled’a 71:1

Ma didina, an ngei tan natangû, ar an mbut zulona bugol luo d’a.

Jeremi 1:17

Wani ang Jeremi, ang djin d’i’â furungû, ang tchol akulo, ang i dazi woi yam ahlena pet suma an mba ni hang vuna kazina. Ar ang zlak avorozi tala an zlagang avoroziya d’a d’i.

Jeremi 11:20

Wani ang Ma didin ma ad’engêng kal petna, angî ma ka sariya ma d’ingêrâ, angî ma fek hur sana ki djib’era hi sanid’ina. An mba ni we atchugul la ang mba sazizid’a, kayam an ar zla manda nabongû.

Jeremi 12:3

Ma didina, ang wanu, ang golon mi. Ang halan hurunu, an nga go ki sed’engû. Ar ang yozi woi d’igi suma a yo tumiyôna a izi á ngata na, ar ang tinizi irazi vazi yam bur ma tchid’a.

Jeremi 14:17

Ang dazi zla ndata ala: Iran nga d’i yak simina falei kandjege bei ara ba, kayam a ka sum mana mbilâ. Ni b’lak ka ngola, mbil mazina ni mbil ma ngol ma kalâ.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Jeremi 17:13

Ma didina, angî ma Israel-lâ a tin huruzi kangâ, suma a arang ngeina, zulona mba mi laziya; suma a wal lei ki sed’engâ a mba dap pei d’igi simi ma a b’irim kä aduk andaga d’a gugud’upa na, kayam a arang ang Ma didina mbiyo ma lau ma arid’a woyo.

Jeremi 17:16

Ma didina, Ni an ba ni noî á mbut mang ma pola d’i. An min nga ala ndaka ti mba yam suma d’uo mi. Ang we, kayam ang we zla d’a ndavunanda pet.

Jeremi 17:19

Ma didina mi dan ala: Ang i tchol avun Agre’â hi Suma ma amulei suma Juda-na a tchuk kavona, d’oze a buzuk ki woi abuna. Bugola, ang i tchol avun agrek ma Jerusalem-ma hina pet mi.

Jeremi 20:11

Wani Ma didina, angî ma sib’ika, angî ma dur kana. Kayam ndata, suma a nga djobon vunana a mba puk kä. Azi mba kus kan ndi, azi mba tchuk susub’ok abo kus sa azi kus nga kan nduo d’a, azi mba mbut zulona burâ ki burâ. Ni zulo ma sa mba mi mar kam mbuo na mi.

Gat ta a hat á mbàd’id’a 33:11

Ma didina, ang hazi ad’eng nga dinga, ang ve he d’a hawa d’a azi nga hangzid’a aboziya. Ang mbut mazi suma djangûna amangeîd’a, ar suma a noyôzina a hle yazi akulo bugol luo d’a.

Vama ndum mbeina 18:6

Agi lat d’igi ndat lagi na, agi wuragat yagi mbà d’igi ndat le na, agi oyôt kop mat ma tched’a yagi mbà d’igi ndat tata minigizi mi agi na mi.