Jeremi 17:11 - Bible azumeina

¹¹ Sama yo ahlena abo suma ki mbut irina, mi hle tamî d’igi alei ma mi bur yam ase ma mam gum nga ni mam mbuo na na. Ndjondjoî mamba mba d’i dap pei abom bei burum dap ba, dabid’a mba mi mbut ni d’igi sama lilid’a na.

Jeremi 17:11 Kruisverwysings

Wana ni mbaktumba hi Job-pa 20:21

Va mi ar nga abom bei ted’a d’i. Kayam ndata, ndjondjoî mamba mba d’i kak tatâ d’i.

Sawal la giled’a 49:13

Wani sana kur subur mamba hina pet pî, nga mi kak didin ndi, mba mi mit ni d’igi ahle suma abageina a bo na mi.

Sawal la giled’a 55:23

Ang tchuk ahle suma a hang djib’erina yam Ma didina, mam mba mi ndjunung á tchola, kayam mam nga mi ar sama d’ingêrâ á ka azlard’eid’a d’i.

Zla d’a d’ogolâ 13:11

Ndjondjoî d’a a fat ki mbut irid’a, mba d’i feyâ, wani sama nga mi tok ahlena ndendena, mba mi i avogovogo.

Zla d’a d’ogolâ 15:27

Sama mi le d’od’oka á fe bege d’a mbut irina mi mba ni ki ndaka yam aziyamu, wani sama nga mi noî he d’a hawa d’a mbut ira woina, mba mi kak karid’a.

Zla d’a d’ogolâ 21:6

Suma a nga fe ndjondjoîd’a ki mbut irina ni suma lili suma nga hal matnina.

Zla d’a d’ogolâ 23:5

Ang min tin irang yam ndjondjoî d’a kal leina zu? Gagazi, ndjondjoîd’a nga d’i min gigingâ d’igi agigilauna na, ti pir akulo aduk alona, ti vit teyo.

Zla d’a d’ogolâ 28:16

Ma te yam ma mi we nga ad’u zlad’a d’uo na nga mi djop vun suma ngola, wani ma nga mi noî bege d’a a fat ki lovod’ot tuo d’a woina, mba mi te leud’a tatâ.

Zla d’a d’ogolâ 28:20

Sama d’engzengâ, a mba b’e vuna kam ngola, wani sama mi b’at tam á mbut ma ndjondjoînina, a mba ar bei ngobom mbi.

Zla d’a d’ogolâ 28:22

Sama d’od’oka nga mi b’at tam atogotogo á mbut tam ndjondjoîd’a, wani mi we nga d’ala mam mba mi nde ni kur houd’a d’a d’i.

Zla d’a d’ogolâ 28:8

Sama nga mi i ndjondjoî mamba avok ki bege d’a mi hat mi suma ki mbiyo ma ngolîd’a, mi togot ni mi sama nga mi hahlena mi suma kid’akina.

Jeremi 22:13

Ni zla d’a hohoud’a yam sama mi min aziyam ki bege d’a mbut ira ma nga mi min gongîyona yam tazi akulo kulo ki lovod’ot tuo ma nga mi ar ndrama mi lum sunda hawa bei mi wuragam bege mambina.

Jeremi 22:17

Wani ang irang ki hurung tinda ni yam djivi manga á tchi suma bei zlad’a kazina, á b’at ahlena hi suma kad’enga mi.

Jeremi 6:13

Kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Jeremi 8:10

Ma didina mi dala: Kayam ndata, an mba ni hamiyôzina mi suma dingâ, an mba ni hasinezi mi suma a yozina, kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.

Mise 2:9

Agi digigi aropma hi sum manina woi kur aziyazi ma azi huruzi vum heîna, agi nga yogi ahle suma djivi suma an hazi abo grozinina woi burâ ki burâ.

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Sofoni 1:9

Kur bur máma an mba ni ngop suma a nga pir yam agu ma avun gongina ki suma a nga oî azina hi salazina ki ndjondjoî d’a murud’umba ki d’a mbut irina.

Zakari 5:4

Ma didin ma ad’engêm kal petna mi dala: An mba ni sunï vun ma ge máma, mba mi kal avo hi ma kul ma lara d’oze avo hi sama lara ma nga mi gun tam ir gurzula ki simiyêna, mba mi kak avo hatam mba mi ngalam ahligiyem mbei kagu ma murgulina kahinad’a woi pet.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [

Wana ni Zla d’a Djivi d’a Luc mi b’irita 12:20

Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

1 Timote 6:9

Wani suma a hal ndjondjoîd’ina a nga nde kur kuka, a nga ve ki dauna, a nga ve ki d’od’ok ka lili d’a tchod’a ablaud’a yam ahle suma a sir suma kä kur b’laka ki bad’ina.

Wana ni mbaktum mba Paul mi b’irit mi Tit-ta 1:11

Mbeî ang d’eleziya, kayam a nga b’lak sumazina ablaud’a, a nga hat ahle suma ata yazi d’uo na á fe mbiyo ma mbut ira.

2 Pierre 2:14

Irazi nga tinda yam aropma teteu á le mizeuna ki sed’eziya. Azi ndak á ar tchod’a d’i. Azi nga ve suma amangeîna ki dauna. Djib’er mazid’a nga zud’uzi á le d’od’ok ka fe beged’a. Azi ni suma Alona mi gazi vunina.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.