Jeremi 17:1 - Bible azumeina

¹ Tchilad’a hi suma Juda-nid’a, a b’irit ni ki plim ma kawei ma ahina d’a a yat ala diyamanda ti nga nika avunama, a b’irit ni kur tablo ma kuruzi krovona, ata adif yi mazi ma ngal ahle suma ngat buzuna teteng mi.

Jeremi 17:1 Kruisverwysings

Zla d’a d’ogolâ 3:3

Ar ang wal lei ki djivid’a ki gagazid’a d’i. Ang djinizi kelengû, ang b’irizi kä kurung mi.

Zla d’a d’ogolâ 7:3

Ang tchuguzi abong ngangam ngangami, ang b’irizi kä kurung mi.

Isai 49:16

Gola! An b’irik nga ni hur abon ma biyarâ, iran nga tinda yam gulumun ma’â teteu.

Jeremi 11:13

Kayam agi nga kalona ngad’a yam azì ma nglo ma Juda-na gagang, agi tinigi yima ngal dubang ma his djivid’a ma zulona teteng ir palum mba Jerusalem-mba á ngalagi dubang ma his djivid’ina mi Bäl.

Jeremi 2:22

Salad’a Ma didina mi dala: Le agi mbuzugi tagi woi ki tumuta ki sabulâ yagi ablaud’a pî, tcho magid’a mba d’i arî ndala avoron hina baba.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Wana ni mbaktumba hi Oze-d’a 12:11

An de zla manda mi suma djok vuna, an ar ahlena a nde tazi woi irazi teteng, an de zlad’a woi ki d’ogolâ mi suma djok vuna mi.

Wana ni mbaktumba hi Oze-d’a 7:2

A nga de kuruzi ala an nga ni djib’er yam asa’at mazid’a d’i. Wani ki tchetchemba, tcho mazid’a ti nguyuzi wa, ti ni woi pid’ak avoron mi.

Wana ni mbaktumba hi Oze-d’a 8:11

Suma Efraim-ma a zul yima ngal ahle suma ngat buzuna yam tcho mazid’a, wani yi mazi ma ngal ahle suma ngat buzu ma teteng máma nga mi zud’uzi á le tcho d’a kala mi.

Sunda hi suma hi Levi-nid’a 4:25

Ma ngat buzuna mi nik tchitchid’am tu aduk buzuna hi vama a hum vama ngat buzuna á zlup yam tchod’a máma, mi yamam akulo keng yima ngal ahle suma ngat buzu ma a ngal he d’a hawa d’a ngala kuana, mi vo buzu máma kä kur kawei ma kä ad’uma mi.

Zakari 7:12

Azi b’al huruzi ad’enga d’igi kaweina na, azi min nga á tit yam gata hi an Ma didin ma ad’engên kal petna d’a an djogozizi kur Muzuk mana avun suma djok vuna adjeud’a d’i. Ata yi máma an hurun zal ngola,

2 Korente-na 3:3

Wani suma a wagi woi tetet ala agi ni mbaktum mba Christ mi b’irit ta ami djogot teid’a. Mi b’irit nga ni ki engkrana d’i, wani ni ki Muzu’â hAlo ma arina. Mi b’irit nga ni kur tablo ma ahina d’a bebed’e d’a tcheta d’i, wani ni kur suma.