Jeremi 16:7 - Bible azumeina

⁷ A mba fe sama b’rau tena mi suma a nga ki yor tad’ina á b’lengêzi huruzi d’i, d’oze a mba fe sama he süm guguzlud’a mi suma abuyozi a bona d’oze asuyozi a bona á b’lengêzi huruzina d’uo mi.

Jeremi 16:7 Kruisverwysings

Wana ni mbaktumba hi Job-pa 42:11

B’oziyom suma andjofâ, b’oziyom suma aropma ki suma mam wazi adjeuna pet, a mbeï gevemu, a nga te ki sed’em avo hur aziyamu, a nga yoromu, a nga b’lengêm hurum yam ndak ka pet ta Alona mi mbamzi kamba. Nge nge pî mi hum kawei ma hapma tutu ki ngangam ma lora tutu he d’a hawad’a.

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Jeremi 22:10

Agi suma Juda-na, agi tchigi yam sama mitna d’i, agi yorogi tagi kam mbuo mi, wani agi tchigi ni yam sama mi i yinina, kayam nga mi hulongî d’i, mba mi hulong á we ambas sa a vud’um kura d’uo d’a.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Ezekiyel 24:17

Ang oî ni kä kurung krovo, ang yor tang yam matna d’i, ang d’ut kadamul manga kangû, ang tchuk atuguru mangâ asengû, ar ang d’ut dudumang ngei d’i, ar ang tavu ma a yum yam matnina d’uo mi.

Wana ni mbaktumba hi Oze-d’a 9:4

Suma Efraim-ma a mba he he d’a hawa d’a süm guguzlud’a d’i; ahle mazi suma ngat buzuna Ma didina tam mba d’i lum djivid’a kazi d’i. A mba mbut ni d’igi te ma hohoud’a na kaziya. Suma pet suma a mba tazina a mba mbut ndjendjed’a, kayam te mazina mba mi arî kazi azi hol, a mba i ki te máma kur gong nga kud’ora hi Ma didinid’a d’i.

Gat ta a hat á mbàd’id’a 26:14

Kur yor ta mamid’a, ami tami nga va kur ahle ndazina d’i, ami lami nga ki sed’ezi vama ndjendje d’uo mi, ami hamizi nga yam zla d’a mat tuo mi, ami gami yami kä ad’u vun ma hed’a hi ang Ma didina Alo mamina, ami lami sunda yam ahlena pet suma ang hami vuna kazina.