Jeremi 16:19 - Bible azumeina

¹⁹ Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Jeremi 16:19 Kruisverwysings

1 Amuleina 20:23

Wani suma sunda hamul ma Siri-na a de mi salazina ala: Alona hi Israel-lîna nalo ma ahinad’a. Ni kayam ndata ba, azi kalei kad’enga wana, wani le ei duruzi woi pid’agi ni, gagazi, ei mba kalazi kad’enga.

Sawal la giled’a 18:3

Ma didina nahina man nda ndjununda, ni gulumun ma ad’eng ma sud’una; Alo mana nahina man nda an ngei tan kuad’a, mam mi mbarei manda, mam mi ad’eng man nda sud’unda, mam mi yima an sut tan kuana.

Sawal la giled’a 19:14

Ang ngomon an azong mangâ tala an le tchod’a ki iran á ngangata d’uo d’a, arat ti te kan ndi. Hina wani, an mbut ni sama d’ingêr ma bei ni le tcho d’a ngola ba na.

Sawal la giled’a 27:5

Kayam mam mba mi ngomon kur gong mamba kur bur ma tchona, mam mba mi ngeyen kur zlub’u mamba, mba mi hlan akulo yam ahinad’a mi.

Sawal la giled’a 46:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 46:7

Andjaf suma a nga siwela, leud’a nga d’i giget teteng mi. Ata yima Alona mi de zlad’ina, andagad’a ti lau woi d’igi mbina na.

Sawal la giled’a 62:2

Nata Alona tu ba, an kak ki halasa; sut manda ti tcholï natamu.

Sawal la giled’a 62:7

Mam tu nahina manda, ni sut manda, ni gulumun man ma ad’eng ma ngunguna; an nga ni le mandara va tu d’i.

Sawal la giled’a 65:3

Ang ma nga hum tchendina, suma pet a mba mba atangû.

Sawal la giled’a 68:31

Ang ngop ambur ma aduk tchereunina, nala, Ezipte, ang ngop ades amuzlei suma andjofâ ki grozina, nala, andjaf suma dingâ, ang hulongôzi yazi kä gak a mba á hang bege d’a hapa he d’a hawad’a, ang ndjoî andjaf suma a min dur ayînina woyo.

Sawal la giled’a 86:9

Salad’a, andjaf suma ang lazina pet, a mba grif kä avorongû, a mba suburung simiyêng mi.

Zla d’a d’ogolâ 18:10

Simiyê Ma didina ni gong nga ndjol la fiyak ka ad’eng nga ngungud’a, sama d’ingêrâ nga mi ring kua, mi kak ki halasa.

Isai 25:4

Kayam angî yima ngeid’a hi suma amangeînina, angî yima ngeid’a hi suma hohou suma a nga kur ndakina, angî anguzu ma mi d’el alo ma mi se ki babarîna, angî anguzu ma mi d’el huwakina mi. Kayam zla d’a nga d’i ndavun suma a nga te yam suma kad’engina, ti ni d’igi alo ma mi se ki babarâ mi wat huyok gulumunina na.

Isai 32:2

Nge nge pî adigazi mba mi mbut ni d’igi anguzu ma mi d’el simetnina na, d’oze yima ngei ma mi d’el babar ma ngolîna na, d’oze d’igi mbiyo ma mi djang yam andaga d’a so d’a gangrasina na, d’oze d’igi anguzu ahina d’a ngol la yam andaga d’a sod’id’a na mi.

Isai 44:10

Ni nge ba, mi min alo ma dingâ d’oze mi yor fileina tala mi fe va kua d’uo d’a ge?

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Isai 45:14

Ma didina mi dala: Agi Israel-lâ, fed’a hi suma Ezipte-nid’a ki beged’a hi suma Etiyopi-nid’a ki d’a hi suma Sabe suma fuyogeinid’a mba d’i kalï avo hatagiya, mba d’i arî magid’a mi. A mba tit blogogi ki kindjingâ aseziya, a mba dagi zlad’a ki hud’a ala: Alona navo hatagi tu, ma ding nga d’i.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Isai 62:2

Ata yi máma andjaf suma a mba we sut ta Ma didina mi sud’uka, amuleina pet a mba we subur maka, a mba yak ki simi ma awili ma Ma didina mba mi yakina.

Jeremi 10:3

Kayam fileina hi suma dingîna ni sun nda hawa yaka. Sana mi kaï naguna aduk agud’a, sama d’alâ mi minim tcheta kandjetna.

Jeremi 10:5

Alo ma hina na mi ni d’igi agu ma sana mi pum aduk asinena á dik aluweinina na, nga mi de zla d’uo mi. Sana mi hlumî hle, kayam nga mi tit kayam tam mbi. Ar agi lagizi mandaram mbi, kayam mi we nga á le vama tcho mi sa d’uo mi na, mi ndak á le vama djivi mi sa d’uo mi.

Jeremi 12:16

Le azi a hat gata hi sum manid’a, le azi nga gun tazi ki simiyên ala Ma didina ni ma bei matna ba na d’igi adjeu azi hat sum mana a gun tazi ki simiyê Bäl na ni, an mba ni tinizi aduk sum mana tua.

Jeremi 14:8

Ang ma Israel-lâ a tin huruzi kangâ, ang ma sud’uzi woi ata yima ndaka mba kazina, ni kayam me ba, ang kak d’igi sama ding ma mi kal tita kur ambasina na d’oze d’igi akoi ma mi ve zlub’ud’a á le bur tu go na na ge?

Jeremi 17:17

Ang ma ala angî yan ma ngeid’a kur bur ma ndaka na, ar ang mbut vama mandarâ kan ndi.

Jeremi 2:11

Andjaf ma ding ma mi mbut vrak alo mam ma ala nalo ma gagazina d’uo na woi ki ndramina yam tu zu? Wani sum mana a vragan Subur mazid’a balum vama mi ndak nga á ndjun sa d’uo na!

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jeremi 3:23

Gagazi, siwel la nga d’i siwel yam yima ndingâ kahuniyô suma fuyogeinid’a ni zla d’a hawa yaka. Gagazi, suta hi Israel-lîd’a ti tcholï natang ang Ma didina Alo mamina.

Jeremi 33:9

Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Ezekiyel 11:16

Ni kayam ndata ba, ang i dazi ala: Salad’a Ma didina mi dala: Le an ni izi woi dei aduk andjaf suma, le an ndjoyôzi woi yam ambasa teteng pî, an mba ni mbut yi mazi ma kaka kur ambas sa azi i kuad’a.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Amos 2:4

Ma didina mi dala: Suma Juda-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ar gata hi an Ma didinid’a ki vun man ma hed’a woyo, kayam azi vit tazi woi ki filei ma ka zla ma abuyozi ngolo a he tazi kama,

Nahum 1:7

Ma didina ni ma djivina, ni yima ngeid’a kur bur ma ndaka, nga mi ngom suma a nga ngei tazi atama mi.

Habakuk 3:19

Ma didina, angî ad’eng manda; ang mbud’un asen ad’enga d’igi ma hi pandrid’ina na, ang nga tinin á tita akulo yam ahuniyôna. Mi ma ngolâ hi suma hle sawalina kading mama.

Zakari 2:11

Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Romê-na 1:25

Azi vrak zla d’a kad’a balum zla d’a gagazid’a hAlonid’a. Azi nga kud’or ahle suma Alona mi lazina a nga lazi sunda mi, wani a nga kud’or Alo ma mi lazi ma mi ndak á gilem gak didina d’i. Amin!

1 Pierre 1:18

Kayam agi wagi ala a wurak kagi ni ki vama b’lak kei ma d’igi kawei ma hapma d’oze lora d’oze sun nda hawa yaka d’igi vama djo ma abuyogi ngolo a hagizina na d’i.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.