Jeremi 16:16 - Bible azumeina

¹⁶ Ma didina mi dala: Gola! An nga ni sun suma tchiuna ablaud’a, a mba tchiwiziya. Bugola, an mba ni sun suma nduwanda ablaud’a, a mba nduwanazi akulo yam ahuniyô suma fuyogeina, yam yima ndingâ kangra ahuniyôna ata yima lara ge pet mi.

Jeremi 16:16 Kruisverwysings

Ad’u Tinda 10:9

Mam mi sama gangrang ma nduwanda avok Ma didina. Ni kayam ndata ba, a nga dala: Ma nduwan ma gangrangâ d’igi Nimrot na avok Ma didina.

Isai 2:21

A mba tchuk angra ahuniyôna, a mba tchuk kur zul ahuniyôna á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’a mandarîd’a!

Isai 7:19

A mba kak ir b’irlima avun gongôd’id’a, kur zul ahinad’a, aduk azlupa, abagei hur fula mi.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 4:29

Suma kur azì ma nglona a wet ringâ abo siwela hi suma djang akulumeina ki d’a hi suma yet yeûd’id’a, a tchuk aduk azlupa, a nga djak akulo yam ahuniyôna, a ar azì ma nglona pet teyo, a nga fe sa á kak kurum mbuo d’a.

Jeremi 49:5

Salad’a Ma didin ma ad’engêm kal petna mi dala: An mba ni mba ki mandarâ kagu, mba mi nguyuk ata yina pet. agi mba ndjoyôgi woi vivreng, nge nge pî mba mi i yi mama, a mba fe sama mba mi tok suma a nga ringâ d’i.

Jeremi 6:9

Ma didin ma ad’engêm kal petna mi dala: A mba dut Israel suma a arâ d’igi sana mi dut guguzlud’a na. Ang hulong tin abong kua á dud’uzi d’igi sana mi dut guguzlud’a ata abowat na.

Hor ma tchina 4:18

A nga tchid’i aseya, ei ndak á tchei blangeîna d’i. Dabi meid’a mba wa go, bur meina ndak wa... Dap kei da’!

Hor ma tchina 4:19

Suma a nga djobei vuneina, afefed’ezi kal b’aruna. A nga digï akulo yam ahuniyôna, a nga buri kä abagei hur fulâ.

Wana ni mbaktumba hi Oze-d’a 10:10

An mba ni tozi d’igi hurun min na. fata an tozi yam tcho mazi d’a azi dugud’ot led’id’a, suma a mba tok tazi á duruzi mi.

Amos 4:2

Salad’a Ma didina mi gun tam ki tam mba bei tchod’a ba d’a ala: Burâ nga mi mba kagiya, kur bur máma a mba yogi ki kawei ma vunam gundina, a mba yogi grogina ki tunglîd’a mi.

Amos 5:19

Mba mi mbut ni d’igi sama ring avok azlona mi ngaf ki ursîna na, d’oze mi kal avo hatam mi gabom yam gulumun mama guguina mi ed’ema na mi!

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Sofoni 1:12

Kur bur máma an mba ni hal hur azì ma Jerusalem-ma ni ki lalamba, an mba ni ngop suma a nga burâ kä kur tcho mazid’a suma a nga de kuruzi ala: Ma didina nga mi le vama djivi d’oze vama tcho d’uo na.

1 Samuel 24:11

Ki tchetchemba, ang we ki irang ala Ma didina mi hang ini abon kur zul ahinad’a. A dan ala an tchangû, wani an arangû, an dazi ala: An min tin abon ata salana d’i, kayam mam mi ma Ma didina mi tinim amulina.

1 Samuel 26:20

Wani ar buzuwan mi djang kä woi yam andaga d’a dinga woi dei ki Ma didina d’i. Kayam ang amul ma Israel-lâ, ang nga i dur ayîna á hal b’ab’a’â wü d’a d’igi sana mi dik tcheged’a akulo yam ahinad’a na.