Jeremi 15:7 - Bible azumeina

⁷ Kur azì ma nglo ma lara ma kur ambasina, an sirizi woi d’igi suma a sir awuna na, an dabazi grozina woyo, an dap sum mana woyo, wani azi wal nga ki sun mazi d’a tcho ndata d’i.

Jeremi 15:7 Kruisverwysings

Sawal la giled’a 1:4

Wani suma asa’atna a nga hina d’i. Azi ni d’igi bra d’a simetna mi felet teid’a na.

Isai 41:16

Agi mba sirizi woyo. Simetna mba mi siraziya, mbirlimba mba d’i ndjoyôzi woi mi. Wani agi mba lagi furîd’a kan an Ma didina, agi mba suburugi tagi kan an Ma tin tan irat vat kagi Israel-lîna mi.

Isai 9:12

Hina pî, Israel-lâ a hulongî nga gen ma nga mi ngobozina d’i, a hal nga Ma didin ma ad’engêm kal petna d’uo mi.

Isai 9:13

Kayam ndata, Ma didina mba mi ka yamba kandjaud’a kabo amilaûna ki tchereuna woi aduk Israel-lâ kur bur ma tuna mi.

Jeremi 18:21

Kayam ndata, ang ar baktarad’a ti mba yam grozina, ang tchuguzi azi tazid’a avun ayî ma durâ. Ar amiyôzina a kak hawa bei grona, a ar modonod’a! Ar matna mi tchazi andjuviyoziya, ar azungeî mazina a tchazi woi avun ayîna ki mbigeu d’a fiyaka!

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Jeremi 51:2

Gola! An nga ni sun suma sir ahlena yam Babilon, a mba sirit teyo, a mba dap ahlena woi kur ambas mata. Suma a mba tcholï abo yina pet, a nde kat kur bur mat ma ndaka.

Jeremi 9:21

Kayam matna mi djak wa ir fenetre meid’a, mi kal wa kur azì mei ma nglona, nga mi tchi kemba ir palumba, nga mi tchi azungeîna avun graka kä glovod’o.

Ezekiyel 24:21

Ang de mi Israel-lâ ala: Salad’a Ma didina mi dala: An mba ni mbut yi man ma an tinim iram vam mala nad’eng nga agi nga suburugi tagi kat ta hurugi vat heî d’a tagi lagi djivid’a kat heîd’a ndjendjed’a. Grogi suma andjofâ ki grogi suma arop suma agi arazi woi avo Jerusalem-ma, a mba tchazi ki mbigeu d’a fiyaka.

Ezekiyel 24:25

Ang gor sana, an mba ni hlazi va mazi mala nad’eng nga azi nga subur tazi kat tad’a woyo. An mba ni hlazi va mazi mala ni furî mazid’a ki djif mazina ma huruzi vum heî ma tazi lazi djivid’a kam heîna woi zlapa ki grozi suma andjofâ ki grozi suma aropma.

Ezekiyel 36:12

An mba ni he lovota mi man suma Israel-lâ a mba tit kagiya, a mba hlagiya, a mba mbud’ugi ni djo mazina, agi mba dabazi grozina woi d’uo mi.

Zakari 1:4

Ar agi lagi d’igi abuyogi ngolo suma adjeuna na d’i. Suma djok vuna a dazi ala: Ma didin ma ad’engêm kal petna mi dala: Agi hulongôgï woi kur sun magi d’a tchod’a, kur tit magi d’a ata yat tuo d’a. Wani azi hum nga d’i, a djib’er nga yam zla d’a an Ma didina ni data d’uo mi.

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Gat ta a hat á mbàd’id’a 28:18

mi grogina, mi andaga magid’a, mi d’uwar magi ma nglona ki d’uwar magi ma gureina mi.

Gat ta a hat á mbàd’id’a 28:32

Grogi suma andjofâ ki grogi suma aropma, a mba yozi a hazi mandjaf suma dingâ kä iragiya. Iragi mba d’i kau abo gol la ala a mba hulongôzi zi ge d’a, wani ad’engêgi mba d’i dap pei abo gola mi.

Gat ta a hat á mbàd’id’a 28:41

Agi mba vud’ugi gro andjofâ ki gro aropma, wani a mba kak ki sed’egi d’i; a mba yozi magomba izi yam ambas sa dinga.