Jeremi 15:21 - Bible azumeina

²¹ An mba ni prud’ung ngei abo suma asa’at ndazina, an mba ni gang akulo woi abo suma a nga te yam suma kad’engina mi.

Jeremi 15:21 Kruisverwysings

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

Sawal la giled’a 27:2

Ata yima suma asa’atna a mba ndan ayîna á kizagan hliwin ndeina, ni azi suma noyôna ki suma djangû mana ba, a mba dap asezi a puk kä.

Sawal la giled’a 37:40

Ma didina nga mi ndjunuziya, nga mi prud’uzi woi mi, nga mi prud’uzi woi abo suma asa’atna, mi sud’uzi kayam azi ngei tazi natamu.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

Isai 29:20

Kur bur máma sama te yamba kad’engina nga d’uo d’a, sama las suma nga d’uo mi. Suma a le suma tchod’ina, suma a nga ka sariyad’a yam sana ki zla mazi d’a ded’ina, suma a nga gun dauna kä ata yima ka sariyad’a á kal sama d’ingêrâ kur ndakina, a mba tchazi woyo.

Isai 29:5

Mang suma djangû suma mimiyâ’â a mba mbut ni d’igi gugum ma fefelâ na, suma mimiyâk suma a nga te yam sum ndazina kad’engina, a mba mbut ni d’igi bra d’a simetna mi felet teid’a na, ahle ndazina a mba le natogo hina zak bei sa mi we ba.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Isai 60:16

Andjaf suma kamulei mazina a mba wulugu. Ata yi máma ndak mba d’i wala an Ma didina ni ma sud’u’â, an ni ma sib’ika hi Jakob-ma, an ni ma wurak ka’â mi.

Jeremi 16:1

Ma didina mi dan ala:

Jeremi 20:13

Agi suma, agi hlagi sawala mi Ma didina, agi gilemu, kayam mi prut suma hohoud’a woi abo suma a nga lazi tchod’ina.

Jeremi 26:24

Wani Ahikam Safan goroma nga mi ngom Jeremi. Ni kayam mam ba, Jeremi mi nde nga abo ablaud’a á tchum mbuo ni na.

Jeremi 31:11

Kayam Ma didina mi tchuk Israel-lâ akulo, mi prud’uzi woi abo mazi suma djangû suma kalazi kad’engina.

Jeremi 38:28

Jeremi mi ar kaka kur gulumuna hi suma a ngom yinina gak bur ma a hle Jerusalem-ma.

Jeremi 39:11

Nebukanezar amul ma Babilon-na mi he vuna yam Jeremi avun Nebuzaradan ma ngolâ hi suma a ngom yinina ala:

Jeremi 39:12

Ang vum wana, ang tin irang kamu, ang lum vama tcho d’i, ang lum ahlena pet suma mam mba mi dangzina!

Jeremi 50:34

An ma tchuguzi akulona ni ma sib’ika. Simiyên ala Ma didin ma ad’engên kal petna. An mba ni ndjun kaziya, ambasa ti kak ki halasa, an mba ni mbut suma a nga kaka Babilon-na mandarâ mi.

Daniel 3:17

Wani ami minimi ala ang wala Alo mami ma ami lum sundina, mi ndak á prud’umi woyo. Mba mi prud’umi woi abong aduk für ra aku d’a hîhîka mi!

Daniel 3:25

Amulâ mi hulong dazi kua ala: Ni nana ba, an nga ni we suma fid’i a nga tit aduk akud’a bei djinda, bei vama tcho mi lazi ba ge! An we sama fid’ina iram hle tat d’igi ir gor alona na!

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Romê-na 16:20

Alo ma hei b’leng nga halasina mi ar go á miret Seitan kä ad’u asegiya. Ar Saleina Jesus mi vagi sumad’a.

2 Korente-na 1:10

Mam ma sud’umi woi avun matnina, mba mi sud’umi woi kua. Ami tinimi hurumi kam ala mam mba mi sud’umi woi kua d’ei.