Jeremi 15:11 - Bible azumeina

¹¹ Ma didina, le an lang nga sun nda djivid’a ki hur ma tuna d’uo, le an tcheneng nga yam man suma djangûna ata yima azi nga kur ndaka ki kid’eî irana d’uo ni, ar azi ngulunu.

Jeremi 15:11 Kruisverwysings

Sawal la giled’a 106:46

Mi zut suma a yozi magombina pet á wazi hohowoziya.

Sawal la giled’a 138:3

Kur bur ma an yangâ, ang humunu, ang siranu, ang han ad’enga atan mi.

Zla d’a d’ogolâ 16:7

Le Ma didina hurum ve tita hi sanid’a ni, mam suma djangûna pî, mba mi zlabam darigïd’a ki sed’eziya.

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Ma tchi wala 8:12

An we le ma le tchod’a, mi le tchod’a yam kis, nga mi te ngola tatâ yam andagad’a pî, an wala suma a nga le mandara Alonina a mba kak ki halasa kayam azi nga le mandarâ avoromu.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Jeremi 37:17

Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu? Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.

Jeremi 37:3

Amulâ Sedekiyas mi sun Jukal Selemiya goroma ki Sofoni ma ngat buzuna Mäseya goroma gen ma djok vun Alona Jeremi á dum ala: Ang tchen Ma didina Alo meina kamiya.

Jeremi 38:14

Amulâ Sedekiyas mi ge sunda, mi halï ma djok vun Alona Jeremi. Mi mbamî gevem avun agrek ma hindina hi gong nga kud’ora hi Ma didinid’ina. Amulâ mi de mi Jeremi ala: An nga ni djobong va tu. Ang ngeyen va d’i.

Jeremi 42:2

a de mi ma djok vun Alona Jeremi ala: Ar ang hum tchen mami d’a hud’a. Ang tchen Ma didina Alo mangâ yam djivid’a hi ami suma aramina pet. Kayam avok ami nablaud’a, wani ki tchetchemba, ami arami nakid’eid’a d’igi ang we ki irang ini na.