Jeremi 15:1 - Bible azumeina

¹ Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 15:1 Kruisverwysings

Ad’u Tinda 19:27

Abraham mi nde iram yorogo tcholol, mi i ata yima mam tchol avok Ma didina kuana,

2 Amuleina 17:20

Kayam ndata, Ma didina mi noî andjaf Israel-lâ woi ki zla tazi pet, mi mbud’uzi zulona mi hazi abo suma á hurumuzi ahle mazina, gak mi digizi woi dei ki sed’emu.

Sawal la giled’a 106:23

Ma didina mi dala mi dabazi woyo; ni Moise ma mam manama hol ba, mi tchol avorom ir hod’ola hi gulumunid’a á d’el vun ayî mama tala mi dabazi woi d’uo d’a.

Sawal la giled’a 99:6

Moise azi ki Aron a nga aduk mam suma ngat buzuna, Samuel mi nga aduk suma a yum simiyêma mi. A yi Ma didina, mi humuzi mi.

Zla d’a d’ogolâ 14:35

Amulâ tam nga d’i lum djivid’a yam azong mam ma nga mi le sunda ki ned’ina, wani hurum nga mi zal yam azong mam ma mi le sun nda zulonid’ina.

Jeremi 10:18

Kayam Ma didina mi dala: Ki tchetchem wanda, an nga ni yo suma a nga kaka kur ambasina, an nga ni tchuguzi woi abua, an nga ni hebezi ped’et tala a sut tuo d’a.

Jeremi 11:14

Ang Jeremi, ang tchenen yam sum ndazina d’i, ang tchi kan ndoze ang tchenen tchen nda hud’a kazi d’uo, kayam an mba ni humuzi ata yima ndaka mba d’i mba kazi azi mba yan á ndjunuzina d’i.

Jeremi 14:11

Ma didina mi dan ala: Ar ang tchenen yam sum ndazina ala an lazi djivid’a d’i.

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Jeremi 15:19

Ma didina mi hulongôn humba ala: Le ang hulongî gevenu ni, an hulongông kur sun manda. Le ba ang de ni zla d’a hawa yaka d’uo ba, ang de ni zla d’a ndaka ni, ang mba mbut ni vunan ma ad’u kä na. Ni suma Juda-na ba, a mba hulongî gevengû, ni ang ba, mba hulong gevezi d’i.

Jeremi 16:13

Kayam ndata, an mba ni yogi woi kur ambas sa wanda, ni tchugugi sä woi dei kur ambas sa abuyogi ngolo d’oze agi tagi wagizi nga yagi tu d’uo d’a. Ata yi máma agi mba lagi sunda malo ma teteng ma dingâ andjege ki faleya, kayam an mba ni wagi hohowogi d’uo d’a.

Jeremi 16:5

Ma didina mi dan kua ala: Ar ang kal kur azì ma a tchi matna kuana d’i, ar ang i tchi matna d’i, ar ang tchi horâ ki sed’ezi d’uo mi. Kayam an hle wa b’leng man nda halasa woi yam sum ndazina. Djivi manda ki we hohou manda pî, an yozi wa woi kaziya. An Ma didina ni de na.

Jeremi 18:20

Na ni a mba hulong tchod’a yam djivid’a zu? Kayam a djugot nga zula kä kan á tchan ndeyo. Ang djib’er yam tchol la an nga tchola avorong á dang zlad’a kazi tala ang b’leng hurung kazi ang lazi djivid’a d’a.

Jeremi 22:28

Suma a mba djop tazi ala: Wana ni Jekoniya dei ma to woi ma suma a golom is ma sa nga mi minim mbuo na d’uo zu? Ni kayam me ba, a tchuguzi abu woi kandjavam ge? Ni kayam me ba, a digizi sä woi kur ambas sa azi wat nga d’uo d’a ge?

Jeremi 23:39

An mba ni maragi woi ki iran fafat, an mba ni tchugugi woi dei avoron zlapa kazì ma ngol ma an hagizi mi agi kabuyogi ngolona,

Jeremi 35:19

kayam ndata, an Ma didin ma ad’engên kal petna, Alona hi Israel-lîna, ni dala: A mba ba bei fe sa ad’u andjafâ hi Jonadap Rekap goromina á tchol avoron ndi.

Jeremi 52:3

Ahle suma a le ndazina a djiu ayîna hi Ma didinina á kak djangûna ki suma Jerusalem-ma ki suma Juda-na gak mi digizi woi dei avoromu. Sedekiyas mi tchol huneîd’a kamul ma Babilon-na.

Jeremi 9:19

Jeremi mi dala: A nga hum del la tchina kur Siyon ala: Ni b’laga me ti mba kei na ge? Ni zulo me mi vei na ge? Ei arei ambasa, kayam yi mei ma kaka a b’lagam wa woyo!

Ezekiyel 14:14

le suma a nga kur ambas ndata hindi d’igi Noe ki Danel ki Job na pî, a mba sut tei ni yam d’ingêr mazid’a hol. An Salad’a Ma didina ni de na.

Ezekiyel 22:30

An nga ni hal sana adigazi á ge gulumuna woi kazi á tchol avoron ir gulumun ma hulut teina á sut ambasa tala ti b’lak kei d’uo d’a. Wani an nga ni fe sa d’i.

Wana ni mbaktumba hi Oze-d’a 9:15

Asa’at mazid’a ti nde woi navo Gilgal. Ni kua ba, an noyôzi woyo. An mba ni digizi woi avo hatan yam tcho mazi d’a azi lata, an mba ni le kazi baba d’uo d’a, kayam mazi suma nglo suma avorozina pet a ni suma bei hum vuna ba na.

Zakari 3:3

Wani Josue mi nga tchola avok malaika máma ki baru ma zozota atamu.

Gat ta a hat á mbàd’id’a 9:26

An tchen Ma didina ala: Salad’a Ma didina, ang b’lak mang suma ang tazi djona suma ang tchuguzi akulo kad’eng manga suma ang buzuguzï woi avo Ezipte kabong ma sib’ikina woi d’i.

Hebre-na 9:24

Kayam Christ mi kal nga nata yima a tinim iram vam mAlona ma suma a lum kabozi ma hle tam ki ma gagazinina d’i. Wani mi kalî kur akulod’a tata á tak tam mbei avok Alona ki tchetchemba keya.

Suma ka sariyad’a 5:9

An hurun mi zlap tu kamuleina hi Israel-lîna, ki suma a he tazi kur min mazid’a aduk sumina. Agi gilegi Ma didina!

1 Samuel 12:19

a de mi Samuel ala: Ang tchen Ma didina Alo mangâ yam ami azungeî mangâ, kayam ami bomi woi d’i; ami lami tcho d’a ngola yam ndrata kua, kayamba ami halami amulîd’a.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

1 Samuel 7:9

Samuel mi ve gor timi ma tchapona, mi hum vama ngat buzu ma ngala mi Ma didina, mi ngalam mbei pepet, mi tchen Ma didina yam Israel-lâ; Ma didina mi humum mi.